Ik ben Everaert Albert, en gebruik soms ook wel de schuilnaam Awbeir (Eeklo's voor Albert).
Ik ben een man en woon in Eeklo (België) en mijn beroep is ...bloggen.
Ik ben geboren op 11/02/1948 en ben nu dus 77 jaar jong.
Mijn hobby's zijn: mijn blog, foto's, computer, fietsen...
- Ha Achiel, ge zijt doare! Ge zoe gewd geejv’n vôor a nog ne kêer te zien!
- Geef moar op Lowie, ik keune ze goe gebruik’n!
- Ja, woarvôorne? Is den belastingsbrief van ’t stad toegekom’n toch? Of is Irma aw noar de sowd’n geweest?
- Nêeje jongentjen, ik zij an ’t spoar’n vôor de grôote uitdoaginge van den 27sten septemmere!
- De grôote uitdoaginge? Waddis dadde? Nen kêer nen gemêenteroad woar dajnze nie an’t zoag’n zijn?
- Nêeje Lowie, daddis een grôote toafele van de Stoassestroate, owver den Moart toe an Leeganck. En an die toafele goajn ze mee twie kêers 775 persôon’n zitt’n eet’n!
- Amoaw tôope Achiel?
- Ja Lowie, amoaw tôope! En binst dajn ze an ’t eet’n zijn, goan die jonge springerkes van Espresjon mêer of twowv uur’n an êen stik stoan dans’n!
- Jawadde, de die moen nogaw nen fieziek hèn! Twowv uur’n dans’n, daddis gêenen kakkedèj hé moatsjen. Moar moest da Saratjen van Musses mij vroag’n vôor mee heur twowv uur’n op êenen tiggele te dans’n, tan zoe’k nie van nieje zegg’n.
- Doar moeje a beuntjes nie op te wêeke legg’n Lowie, want da zawd eur voadere nie moeten weet’n!
- ‘k Pejze’t ôok nie da Jantjen doar takkoord mee zoe zijn… Moar Achiel, van wie komt da gedacht vôor die lange toafele op de Moart?
- Ewew, Lowie, daddis van Eddie Patjellie!
- Ha, Eddie van Riadjen?
- Ja Lowie, Eddie van Nazjibatjen. Hij pejsdege: ozzek ik hier in de Bakkerei nen brunsj keunen geejv’n vôor honderd man, dan moet’er zeekers vijftienhonderd man noar den binn’n komm’n vôor nen botterkoeke binnen te speel’n.
- Da goa zeekers lukk’n vôor vijftienhonderd Eeklônoars tôope an toafele te krijg’n. Ge zegt dajnze wa vôor niet krijg’n en ge goater duust moet’n wêere noar huis stier’n!
(Deze aflevering van Tussen Pot en Pinte speelt zich uitzonderlijk voor één keer letterlijk boven de hoofden van Achiel en Lowie af)
- Miljaardé, wukkenen hoastegoard stoat er nui awtijd moar op mijn pôorte te bonk’n? Jaja, een menuutsen, ‘k zalle doar goan zijn! Dendienen is ôok wew van nen hoaijze gepoept…
- Ha, endeling’n goat die grôote pôorte hier open! ’t Wier tijd, zille!
- Ja jongne, ‘k moek ik een endeken lôop’n, zille, en ‘k zij kik nemêer van de jongste, hé!
- Moar ge keunt gerust honderd joar lieg’n, Sinte-Pietere!
- Ha, gij kent mij? En wie zijde gij, ozzek da meuge vroag’n?
- Ewew, ik zij André Delloart, van ’t Koaiken in Eek-e-lôo!
- Eh moar André, ik hoa a hiere nog zô zêere nie verwacht!
- ‘k Weetet, Sinte-Pietere, moar ik hoa onderweg een bende goeie seingeejvers gezet en azô kostek een beetjen affeseer’n hé!
- Ge zij wewkom, André, we zijme allemoaw blije dadde hier zijt!
- Da doe mij plezier, Sinte-Pietere, moar ge verstoat da kik nie zô blije zij? Ik hoa nog zôo vele te doen doar beneen. ‘k Moeste nog seingeejvers zoek’n vôor de ronde, ‘k woare beejzig mee mijn zondags rommelmoartjen op ’t Koaiken, ‘k moeste nog een beetjen schrijv’n an mijne revue vôor de moandagoavend van de Koaifeest’n, en bij mijn klènkind Fleurken ister nog een kientjen op komste…
- ‘k Weetet André, ge meugt ons da nie koalijk neem’n, moar niemand vertrekter geirne noar hiere. Moar ne kêer dajnze hier zijn, ist keiremesse!
- Keiremesse? Moar doar kennekik wa van zille! ‘k Zatte aw die joar’n in de fêestroad van ’t stad, toe da’k gezien hè damme da beeter kost’n op ’t Koaiken!
- Wemme daddier allemoale gezien, André, bij awder wordt er nogaw leute gemoakt hé?
- Ge meugt gerust zijn, Sinte-Pietere, en ik hè awtijd geirne leute gemoakt. Mee de karnavoaw, op ’t Koaiken, bij de Sportvriend’n,... Moar ôok ozzek nog bakkere woarek, mee mijn broere Hubert!
- Ja da weetek, André, want ozzek mee Voadere en mee Jeejzuus an toafele zittek, vertellek awder awtijd da gij ne kêer een gesnee’n brôod schelleke per schelleke in de boate gestoken hèt bij iemand. Ze komm’n tan nemêer bij, ze zitt’n tan mee troan’n in awder ôog’n…
- Da wistek niet, da’k hier ôok aw supporters hoa! Dat doe mij plezier. Wilfried, den echten deekenen van Eek-e-lôo zaw tsjaloes zijn ost hè dad hôort!
- Ja André, we zijme wij hier allemoale een beetjen zot van a, want ge zij nen schôonen mens geweest. Gij hèt veel mejns’n gelukkig gemoakt.
- Stop moar, Sinte-Pietere, mee een beetjen krijgek hier rôoje koakskes!
- Moar ’t is woar André, gij hèt awtijd gezorgd vôor de mejns’n dient nie gemakkelijk hoan, dien teengensloag’n g’hat hoan. Da vind’n me wij hier schôone in den hemele!
- Allez, hoak da geweet’n, ‘k zoe een Mariabeeldeken of een missiebusken van onzen rommelmoart mee gebrocht hèn vôor awder kado te doen…
- Ho André, da woar nie nôodig… Maria lôopt hier zewve rond, ge zaw ze nog wew teengn komm’n, z’is tsews goe gemoat mee Gilaintjen, died op a zit te wacht’n!
- Ha, moar doar goa’k zêere noartoe zie, want ‘k hè heur vele te vertew’n…
- ’t Is goed André, moar os ge mij toch een kadootjen zoe meebring’n, tan hè ‘k messchien wew een gedacht…
- Zegget moar Sinte-Pietere, ‘k zawder nog ne kêer omme goan noar beneen!
- Ewew, da boeksken dadde geschreejv’n hèt, da zoe’k geirne ne kêer leejz’n…
- Wukken boeksken? Van ’t Verzet? Of van ’t Koaiken?
- Nêeje, André, da van ‘Liefde, seks en gewd’…
(André Dellaert is gestorven op woensdag 20 mei 2015 en wordt op woensdag 27 mei 2015 begraven. Hij heeft zonder twijfel ‘zijnen hemele verdiend’ terwijl hij 87 jaar in Eek-e-lôo en op ’t Koaiken heeft rondgelopen.)
Het heengaan van André Dellaert maakt mij en Eeklo stil. Eén van onze bekendste en zeer geëngageerde stads- en streekgenoot is niet meer.
Ik had het voorrecht om André Dellaert gedurende meer dan 30 jaar te mogen kennen en waarderen.
Vooreerst als bakker, samen met zijn broer Hubert, een familiezaak in de Zuidmoerstraat die ze van hun vader hadden overgeërfd. Hij heeft meer dan 50 jaar brood gebakken er naar huis gevoerd in Eeklo en omstreken.
Als Keizer Carnaval, die samen met zijn Raad van Elf en de Orde van de Greppeschijter, Eeklo jarenlang in uitzinnige feestvreugde (en bier) drenkte.
Als Koning van ’t Kaaiken, waarvan hij sinds 1954 bestuurslid was van de gebuurtedekenij “Steunt Elkander” en een diamanten jubileum vierde op de laatste oktobereditie. Deze wijkkermis is de oudste en meest authentieke van de stad en heeft sinds jaren de grootste rommelmarkt van België.
Als Admiraal die zijn vloot meermaals op goede koers zette: schrijver van boeken over de Eeklose en Meetjeslandse volkscultuur en het Verzet tijdens WO2, toneelstukken die werden opgevoerd op Zotte Maandag van de Kaaifeesten, wielerclub De Sportvrienden waar hij verantwoordelijk was voor de seingevers en de opbouw van de jaarlijkse cyclocross-wedstrijd, de Stedelijke Feestraad, KWB, Maria-vereringen in de diverse wijken van de stad, de zondagsmarkt op ‘t Kaaiken…
Iedereen herinnert zich André Dellaert als volksvriend: eens serieus, daarna vol luim en humor, met een gouden hart van koekebrood.
Voor zoveel engagement werd André Dellaert terecht onderscheiden met de 2 hoogste stedelijke onderscheidingen: Ridder in de Orde van de Eeklooschen Herbakker (door de VVV) en de Medaille van Stadsverdienste die ik in 2009 aan hem mocht uitreiken namens ons Stadsbestuur.
Voordien werd hij door de CVP-jongeren uitgeroepen tot “Eeklonaar van het Jaar” en kreeg hij begin de jaren 2000, ook een standbeeld als (her)bakker uitgebeeld, van de hand van zijn wijkgenoot Stefaan De Visscher, welke nu in het stadhuis staat.
André Dellaert was weduwnaar van Ghilaine, laat drie dochters na: Annemarie, Rosemarie en Marie-Christine, kleinkinderen en achterkleinkinderen.
Namens het Stadsbestuur bied ik de familie mijn oprechte deelneming aan bij het heengaan van hun vader, grootvader en familielid. Het heengaan van André Dellaert laat een grote leemte na bij hen, maar zeker ook in zijn geliefde wijk ’t Kaaiken, in Eeklo en het Meetjesland.
Koen LOETE
Burgemeester van de Stad Eeklo
Op de foto zien we André links op de nieuwjaarsreceptie van 'zijn' Kaaikesmarkt in 2012.
Met hem Janvier Buysse, schepenen Dirk Van De Velde
en Ann Van den Driessche.
De begrafenis gaat door op woensdag 27 mei om 11.00 uur
- Aw zekere Achiel, ge ziet er zô sportief uit mee a korte broek!
- Joak hé, Lowie, wa vinder van?
- Ghè gij nog schôone bêen’n, jongentjen, allêene zijn ze een beetje wit hé. ’t Zijn gelijk de mewkflass’n van de stassano!
- Joamoar, ik wille een beetjen op Piet trekk’n!
- Op Piet? Wukkenen Piet?
- Ewew, Piet De Boats!
- Piet van Taptoe?
- Ja, Lowie, dendienen.
- En woarom, Achiel? Waddister zô speciaw an Piet De Boats?
- Ewew, dienen keirele rij rond mee nen Bentlie, rôokt dikke sigaar’n en droag korte broekskes in de zomere. Ik beginne mee da broeksken, den otto en de sigaar’n vowgen loaters wew!
- Ja allez, keroijze!
- Ik doe dad ôok omdat Taptoe nui aw twieduust kêer’n verscheen’n is. Twieduust! Dat is toch aw de moeite, hé Lowie?
- Daddis woar! Vroegere keekek doar awtijd ne kêer in, moar sinds datter gêenen Kaffeeklap nemêer instoat, interesseeret mij azô nemêer.
- Das zjuust Lowie, da woar’n leutige vertewsekes. Moar nui stoander nog leutige ding’n in zille!
- Ja Achiel, wukkene?
- Ewew, ge keunt er azô de reeklamm’n uithoaw’n woar da Piet zewve omme geweest is. Dedie woar dander schôone wijvekes in awderen biekienie of in awder ondergoed instoan. Garantie dan dat reeklamm’n zijn die Piet zewve gekooz’n heet!
- En die andere tan?
- Ja jongne, ost vôor keukenkast’n, diepvriezers of gèsmasjien’n ist, dan meugt er Evelientjen of iemand anders omme tert’n. Tenwoare…
- Tenwoare wadde?
- Ewew, Lowie, tenwoare datter in die winkele van die gèsmasjien’n een schôon jongsken achter de tôog stoat. Dan droait Piet zijnen Bentlie ôok wew op dad hof!
- Daddis nen keirel hé, den Piet?
- Ge meugt gerust zijn, Lowie, azô moaken ze ze nemêer!
- En weunt hij nog awtijd in zijn kastêew, Achiel?
- Jabbèjoai, in Meirendree, tôope mee da dokteresken.
- En z’hèn die twieduust Taptoe’s toch wen ne kêer gevierd hé? Vroegere gaft hij awtijd feestjes in den Ambrozieja op de Krôone!
- Kweetet nie Lowie, ‘k zij ne kêer binnen geweest op de redakse in de Meu, in dienen viela van Steyoarts.
- Joak, Lowie, ‘k zij gisteren mee Irma goan eet’n in Awst, bij Origo!
- Origo? Is dat da zwart negerken da bij de Rôo Duvels speelt? Da manneken da zô zêere keunt gett’n! Moest er hij mee mijn stuut’n vanonder zijn, ‘k zoe veel honger hèn, zille! ‘k Wiste niet dat hij ôok kost kook’n?
- Nêeje Lowie, daddis Origi. Maaik Origi. Wuwdere zijn goan eet’n bij Jonasken en Feetjen van Origo! Daddis da Pop Up restorantjen van op vtm!
- Ah ja, ‘k hè doar aw van geleejz’n. Ons Marie is vrêed zot van da Jonasken. Da’s nen klènzeune van Tjenne Tollenoars hé? Marie vindt dat een proper manneken mee een schôon kopken hoar. Moar ik hèt natuurlijk mêer vôor Feetjen, hé. Azô een snew dingsken, mee azô van da friezelkeshoar, doar worrek zot van ozzek da zie. Feetjen hee gôole doag’n in ’t woatere geleeg’n binst den woaterpolo, maar daddis ter nie an te zien, zille. Da kind meugt awtijd an mijn toafelken komm’n, ‘k zoe kik blijv’n eet’n…
- Joamoar Achiel, hè gij doar ôok nog wad anders gedoan dan noar ’t vrèwvowk gekeek’n?
- Natuurlijk Lowie, è ja, ‘k moeste wew, want Irma woart er bij hé… Wemme doar een menuutjen g’eet’n.
- Ja, en woaret een beetjen in orde? Want ‘k gelôove dat in de programma allemow specioale ding’n zijn vôor t’ eet’n?
- Joamoar, Jonasken en Feetjen zijn wew van Eeklô, moar awder eethuizeken stoat in Awst op de moart. En doar dien’n ze dad eet’n van d’owbeweuners op, dienen paleo damme zegg’n.
- Ik moe doarvôorn nie noar Awst rij’n zille, eet’n van d’owbeweuners vinnek ik in Eeklô ôok!
- Ja Lowie, da zoe’k ne kêer wiw’n zien, woar dadde gij hier zukken eet’n vindt.
- Ewew, bij Den Beir!
- Den Beir? Die frituure in de Meulestroate?
- Ja, doar hèn z’ôok eet’n van d’owbeweuners en Karientjen meug ôok gezien zijn, ôok al hee dedie nie in ’t woater geleeg’n!
- Oe zoen ze nui in een frituure eet’n van d’owbeweuners verkôop’n?
- Ewew, Achiel: ze bakken awder friet’n in ossewit, ge keunt kiez’n uit nen beirepôot, nen kipknots of nen vuurvretere, en os ge schôone in heur ôogskes kijkt, giet Karientjen der nog een schepken mamoetsesse bovenop!
Ik ben Everaert Albert, en gebruik soms ook wel de schuilnaam Awbeir (Eeklo's voor Albert).
