Tussen pot en pinte 29

Nen zeelwetêen

-          Ja, Achiel, ge stoat er sportief op, azô mee zwart trainingsvestjen!

-          Merci Lowie

-          Woarvôorne droagde dadde, ge goat toch nie weere beginn’n voetbawn bij de feecee hé?

-          Nêenek Lowie

-          Gelukkig, want ziet da Tsjelsie noar de Zandvleuge komt op zoek noar nen vervangere voor Hazard
           en ze zien ui lôop’n… Ge zoe rap in Londen zitt’n, pejzek…

-          Lach moar Lowie

-          Miljaar Achiel, ge zij zô kort van stof?

-          Loat mij grust Lowie

-          Moar vent, wa schiwtere? Is weere boel thuis? Meugde nemêer toch?

-          ’t Goat ui nie an Lowie

-          Jongentsjen, os g’hier nie geirne zijt, trappet tans moar af hé!

-          Ja ’t spijt mij moar ‘k zij wrêed nerveus!

-          ‘k Ziet Achiel, ge stoat awtijd moar noar buit’n te kijk’n. Is Irma op komst toch?
            Ze goat ui hier toch nie komm’n uithoaw’n hé?

-          Nêes Lowie, ’t hee niets mee Irma te zien

-          Moar woarvôorn zij gij tans azô nen zeelwetêen?

-          ‘k Sloape slecht Lowie

-          Ha, daddis wat anders. Drinkte gij nie wa veel kaffee van De Witte Zwoane? Dienen Marazoziep, doar komt mijn
           hoar ôok van rechte ok er een tasse of viere gedronk’n hèn.

-          ’t Is nie van de kaffee Lowie

-          Wa doede tan os ge nie keunt sloap’n? Opstoan en ne kêer noar AVS kijk’n? Of noar nen fielme op Netflieks?

-          Nêeje, tan trappeket af!

-          Oe, aftrapp’n? Noar buit’n bedoelde?

-          Ja, de pieste in!

-          En noar woar wandelde tan? Noar de Moart? Of noar ’t Lêen?

-          Nêeje Lowie, ik pakke mijne vélo

-          Ha, den Harlie-steekt-em-zewve! Daddis gezond, azô op ’t gemak een toerken doen

-          Jamoar Lowie, ’t is nie op ’t gemak! ’t Awtijd moar koers’n!

-          Ja en woarom joagde gij ui azô op? Der zit toch niemand achter uit, ‘tsenachts?

-          Woaret moar woar! Ik moe nogal een beetjen crossen zille, deur die smalle stroatjes van den binn’n…

-          Oe wiwde zegg’n?

-          Ewew, ik crosse deur ’t Lokkerken, ’t Peirdekerkhofstroaten, ’t Hondekotstroatjen… En daddis nie gemakkelijk zille!

-          En woarom niet? Dat zijn toch propere stroatjes?

-          Joat, moar ik keune moar mee êen hand stuur’n binst da’k an ’t crossen zijn!

-          Woarom moar mee êen hand Achiel?

-          In mijn ander hand moe’k mijn bôomzoage vaste pakk’n hé…

Marc Van Hulle

Goedemorgen lieve vrienden.We zijn vandaag dinsdag 11 juni.Ik heb welgeteld nog vier volle dagen voor ik voor 6 weken mijn geliefde Harelbeke inruil voor het bruisende Oostende.Toch vind ik er rust tussen al mijn vrienden die ik een jaar lang niet meer gezien heb en vooral Arsène die op 9 december 101 jaar kan worden.Ik laat Jullie die 4 resterende dagen niet in de steek doch er zullen af en toe wat onderbrekingen zijn tijdens het bloggen want ik wil mijn appartement netjes achterlaten en nog enkele zaken moeten hier nog dringend geregeld worden.En aan zee heb ik wifi en ik heb speciaal een vlugge harde schijf laten plaatsen in mijn laptop.Dus zal ik af en toe wel eens wat van me laten horen.Vandaag wordt het weer terug wisselvallig en dit blijft zo nog de ganse week maar slecht zal het nu ook niet worden want de temperaturen stijgen geleidelijk, vandaag zelfs een 24 graden in de Kempen.Ik wens Jullie hopelijk een zonnige dinsdag toe met vele lieve en hartelijke lentegroetjes van Jullie blogvriend Jos en dit zeg ik liefst met een fleurig bloemeke erbij.Jéél mooi Awbeir.

11-06-2019, 08:31 geschreven door Jos

HEEL LEUK!

10-06-2019, 19:01 geschreven door maarten

Groetjes van Cyberoma-Godelieve

10-06-2019, 18:58 geschreven door Cyberoma-Godelieve

Super ! ð ð ð

08-06-2019, 15:44 geschreven door Vera Hauwe