Inhoud blog


	De leagere schole van Hazenberg (4)
	De leagere schole van Hazenberg (3)
	De Bewaarschole
	Voetballen op het schoolplein..

Zoeken in blog

Beoordeel dit blog

Schooltjen spöllen

62 joar noar schole

08-02-2009

Klik hier om een link te hebben waarmee u dit artikel later terug kunt lezen.

Klik op de afbeelding om de link te volgen

Korte levensbeschrijving van F.J. Schuurman

Op 7 sept. 1939 werden mijn ouders pa en ma van een wolk van een baby, die ze de naam Fredy gaven. Mijn ouderlijk huis stond dichtbij de dorpskerk, waarvan mijn opa 25 jaar klokkenluider geweest was en mijn vader runde daar een kapperszaak.

Op 2-jarige leeftijd werd ik gedropt op de Kautzmansharders kleuterschool omdat ik steeds wegliep. (Lustte niet alles).

Na de kleuterschool liep ik in 6 jaar door de Lagere school waarvan dhr. Hazenberg hoofd was. Hierna ben ik 4 jaar naar de Mulo in Aalten geweest, waarna ik nog 2 jaar HBS onderwijs genoten heb in Winterswijk.

Ja en toen moest ik wat worden. Mijn vader, die een kapperszaak bezat, dacht dat hij een goede opvolger opgevoed had, maar door mij zaterdagsmiddags in de winkel te laten helpen met inzepen van klanten, had hij mij het kappersvak tegen gemaakt.

Samen met enkele leeftijdsgenoten ben ik toen naar de Kweekschool in Doetinchem gegaan om schoolmeester te worden. In mijn achterhoofd speelde steeds de gedachte toch iets te moeten doen met de kennis opgedaan op de HBS. Ik heb toen een boek aangeschaft met alle exacte leerstof, die ik me had eigen gemaakt op de HBS. Met hulp van deze kennis heb ik bevoegdheden gehaald voor wiskunde, natuurkunde en scheikunde, waarmee ik de leerlingen in Dinxperlo vele jaren heb lastig gevallen.

In 1963 ben ik getrouwd met Thea , de oudste dochter van Herman en Antjen. We kregen 4 kinderen en later tot op heden 4 kleinkinderen.

Voordat ik wiskunde les gegeven heb, heb ik eerst 5 jaar geoefend op leerlingen van een basisschool te Varsseveld. We hadden daar een moeilijke tijd vanwege ziekte van onze oudste zoon en daarnaast was onze school een proefschool van het CPS waarvoor we heel veel spelmateriaal voor onze leerlingen moesten ontwikkelen.

Het maken van lesmateriaal is daar in Varsseveld geboren en dat heb ik in Dinxperlo op mijn vak wiskunde toegepast. Dag in dag uit ben ik bezig geweest met oefenmateriaal voor wiskunde te maken, eerst via stencils en later op de computer. Ik heb hier misschien meer vreugde aan beleefd dan mijn leerlingen.

Tijdens mijn leraarschap op de Irene Mavo kwam de computer om de hoek kijken en daar was ik al snel aan verslaafd. Vele jaren heb ik van dit apparaat genoten en ik geef nog steeds computerlessen aan Beginnersgroepen en zelfs als vrijwilliger in het Internetcafé van het Verzorgingshuis Dr. Jenny.

Ik heb geprobeerd om de computer te gebruiken als hulpmiddel voor minder validen. Zo was er op school een zeer slechtziend meisje, dat via vele presentaties die in PowerPoint op haar laptop afgespeeld werden haar wiskunde diploma op Mavo D-niveau gehaald heeft.

Buiten de school heeft een jonge dame met een dwars-laesie

leren omgaan met de computer zodat zij contact kon maken met de buitenwereld via Email en Internet. Het feit dat dit ons gelukt is heeft mij zeer veel plezier gedaan.

Velen verwensen de computer omdat ze enkel denken aan verslaving enz. maar dit apparaat is niet meer weg te denken uit onze samenleving en kan vele gehandicapte medeburgers nog een beetje plezier brengen in hun soms zo moeilijke leven brengen.

Voor mezelf dient de computer als email en internet apparaat en verder bewerk ik er mijn fotos mee, monteer mijn digitale filmpjes van mijn kleinkinderen en maak vele PowerPoint presentaties. De computer is niet meer weg te denken uit mijn leven.

Momenteel ben ik zelf niet erg mobiel wegens 2 heupoperaties binnen een half jaar dus een potje voetbal achter op het schoolplein zit er niet meer in.

Groeten van Fredy Schuurman ex-wiskunde leraar,

Hierboven een foto van de laatste dagen in lokaal 4 van de Irene Mavo, het latere Chr. Coll. Schaersvoorde, waar ik 35 jaren met zeer veel plezier heb lesgegeven en nevenbij een aantal jaren de roosters verzorgde.

08-02-2009 om 00:00 geschreven door fredyschuurman

0 1 2 3 4 5 - Gemiddelde waardering: 3/5 - (2 Stemmen)

>> Reageer (1)

07-02-2009

De leagere schole van Hazenberg (4)

In dit stuksken wil ik owluu iets vertellen oaver enkele wederwaardigheden in de klassen 5 en 6. In de viefde klasse hek eerst achter Dries Dreaitol ezeaten, zo numen meister Keuper A.P. Andries dreijen den helen tied as un tol rond in de banke. Later zat ik noast Herman Neevel den un groten heakel an de schole hadde. Op een zekeren dag mosse wi'j teikenen en Herman doar gar gin zin an. De meister deij um es efkes veur hoe of e mos beginnen moar Herman deij der niks opuut en ij zaggen de kop van de meister rood anlopen. Opens ston e veur onze banke, wij zatten veuran bij de deure, en toen trok en Herman uut de banke en sloeg um links en rechts um de oorne, joa niet der umme moar der echt tegenan. En toen mos Herman noar de gang. Un helen zet later mog e der weer in. Herman zei zachtjes tegen mien, ik vroage of ik noar de plee magge en ak dat magge ziej mien nooit weer. Zo gezegd zo gedoan, Herman stak 2 vingers op as teiken daj uut de bokse mossen en hie mocht goan. Hie zei nog ene kere tjuus tegen mien en doarnao hek um nooit weereziene. De volgenden margen wier ut kastjen van Herman leug ehaald en zt ik allene veuran.
Meister Keuper (Frits) kwam uut De Heurne en kon noa at ezelf dacht merakels goed viool spöllen. Elken margen begon e un lied te spöllen en dan stok e altied de tonge uut en bet doar op tutdat den blauw anliep. Hie spöllen dan: Hijgend hert der jacht ontkomen,,,,,,,,,,,, en wij zongen met. Of dat beest werkelijk de jacht onstsprongen is hek doar in elk geval nooit eleerd. Foi wat kermen den viole, at dat hert dat eheurd had zol e van ze leaven niet uut de bos ekommen wean.
Meister Keuper was un strengen meister. Aj iets uutevretten hadden en de andere meisters konnen ow niet de baas dan mos ij noar meister Keuper en dan kreeg ij der gruwelijk van langs. De ene kere strafwerk en un andere kere un paar smeern um de oorne. Wi'j hadden allemoale angst veur dizzen meister den ut op ziene maniere goed met ons veurhad.
In de zesde klasse kwamen wij bij meester Hazenberg. Of hie Gert heiten wette ik nog niet moar völle kinder numen um Hazengert. Elken moandagmargen moste wij un versjen opzeggen uut de kop. Dat was veur menigeen een kruus, 8 regels uut de kop leern dat was elken zondagoavond un spöl as jewelste. Soms mos ij veur de klaase kommen en kek ow iederene an. Ja Magda en Doortjen die kennen urt altied braaf moar mien buurman Theo t.H. nooit moar toch zei e altied veurtreffeluk zien versjen op. Hie had un prachtige maniere evonnen um de zaak te flessen. Hie schreef regel veur regel ut versjen op en dreijen dat um un potlood. As e an de beurte was dan hiel Theo ut potlood met ut versjen dichte achter de rugge van de veurbuurman en dreijen langzaam ut potlood rond en zei braaf alle acht regels op. Ja zukke slimmen hadde wij in de klasse. Tut zowiet dit stuksken.

07-02-2009 om 19:56 geschreven door fredyschuurman

0 1 2 3 4 5 - Gemiddelde waardering: 3/5 - (2 Stemmen)

>> Reageer (0)

06-02-2009

De leagere schole van Hazenberg (3)

In de derde en vierde klasse zaten wi'j met een helen hoop kinder bi'j mekare. Er zaten lieve kinder in moar ook kinder die de meister ut bloed onder de neagels vandan halen.
Ut gebeurn un kere dat eene van de jonges iets uutehaald hadde. Hie wier de klasse uutestuurd en mos op de gang. Op de gang stonnen un hele riege klompen onder de kapstok en ut jungesken trok moar zo un paar an en ging op huus an. De klompen waarn van Alfred van de Beier. De volgenden margen kwam den jonge weer op schole met de klompen gans kapot.
Ik kon met de hande ut geluud van een scheet maken en deij dat un kere. Ik mos der ook uut umdat de meister menen wat te ruken.
Wi'j hadden een fijne klasse met völle kameroaden en noa half vier gonge wi'j vake op de boerderi'je spöllen van Derk van den Deakenkrämer. Wi'j spöllen piepverstoppen en wet ij woar wij ons in vestopten? Gedver. in een aaletonne doar kroppe wi'j in deur un rond gat en zatten doar moesstille wel een kwartier lange in . Bah bah.
In den bongerd ston un peernboom met Noordhollandse sukerpeern. Onder de boom laggen völle geale rotte peern. Derk gooien ons der met en krop zelf vlot achter de mure. Ik gooien toen Derk der net achter ekroppen was en net toen de pere dichte bij de mure was stok Derk zienen kop achter de mure hen en kreeg de pere precies in zien oge. Dat hef um völle piene edoan en later mos hij an de brille. Doar hek now nog spiet van.
Trouwens met peern hek altied wel wat ehad. Op een oavond liep ik langs den tuin van den notaris en opens vloag der rakelings un grote pere langs mienen kop en kwam tegen den trottoirband an de andere kante van de stroate terechte. Ik pakken den pere op en gooie um tusssen de strüke woar un hoop jonges ant peern jatten waarn. Opens heurn ik ene hard schreeuwen van piene. H.R kwam uut de struke met un grote bulte an zienen kop en hie zei ak den kriege den mien veur de kop egooid hef dan is e nog niet jeurig.
Heel völle joarn later had ik zienen zönne in de klasse en toen hek um dat verhaaltjen verteld. Smeddags kwam H.junior op schole en zei, zo menneken um 4 uur steet mien vader an de poorte um ow alsnog af te smeern. Gelukkig liep alles nog los en dat kon ook niet anders want wij waarn vrogger altied dikke voetbalkamereudjens.

06-02-2009 om 00:00 geschreven door fredyschuurman

0 1 2 3 4 5 - Gemiddelde waardering: 5/5 - (1 Stemmen)

>> Reageer (0)

05-02-2009

De Bewaarschole

De Bewaarschole in Dinxper

Joa doar ginge e wij dan ant hendjen van mama Schuurman deur ut peadjen achter ons huus noar de bewaarschole ut latere Kleuterschooltjen dr. Kautzman Harderssschooltjen. Niks vemoedend ging ik met, aw met mama argens hen gingen was ut meestal wel leuk, moar dizze kere? Bi'j ut grüne hekken met de spitse punte wiere wi'j al opewacht deur un dame met un grote knotte achterop de kop die zich juffrouw Gutteling nümen. Ik dachte eerst an un Gieteling moar zo mooi as zo'n vogel kon zi'j niet zingen. Zi'j nam mien met noar binnen, moeder ging efkes met, en zetten mi'j op un klein benksken zodat alle andere kinder mi'j konnen bekieken. Toen ging mien moder weg en zei: Tut straks.Truus en Tjerk waarn der ook, die kennen ik al van de stroate en van de bakkeri'je woar wij vake spöllen. Wi'j hebt doar verskes eleerd en mochten zo now en dan in de zandbak spöllen. Soms kwam der un menneken met un grote zwarte pette langs ut raam lopen en al gauw had ik ut niet begreppen op dat menneken, want den kwam altied melden daw bi'j de dokter mossen kommen veur krebbekes op de arm of een spuite in den arm. Al gauw von ik dat ut naarste van de hele schole en ene kere bunk, toene wi'j afmarcheerd wieren noar den dokter, der vandeur egoan recht op huus an. Um half vier gong de schole altied uut en dan ginge wi'j voetballen tegen de pisbak veur ons huus of at ut reagenen in de bakkeri'je spöllen en kapotte koekjes opeaten. Ens hek bi'j de bakker egeaten, zeuven boterhams met oavergebleven mokka uut de bakkeri'je. Ik mos thuus kotsen as un reiger en lange joarn konk dat griej niet meer zien. Tut zowiet un paar krabbeltjes over mien tied op de bewaarschol. At mien nog meer te binnen schöt heure ijluu der nog meer van

05-02-2009 om 10:47 geschreven door fredyschuurman

0 1 2 3 4 5 - Gemiddelde waardering: 4/5 - (2 Stemmen)

>> Reageer (0)

Voetballen op het schoolplein..

Noast de schole van meester Hazenberg lag ut schoolplein. Doar wier wat afespöld. Al noar gelang ut joargetiede spöllen wij doar met knikkers of kaatseballen of wij deien lange riege vangen of poldreajen. Dat laatste was knap geveurluk. Een lange riege kinder hielen mekare bij de hand vaste en dan begon den veursten rond te lopen en de rest volgen. Degene den ant vliegende stond kreeg doardeur un vaart dat hie op ut leste zienen veurganger mos los loaten en met een geweldigen vaart oaver ut schoolplein rollebolden of at ut slecht afliep tegen de mure kwakken met alle gevolgen van dien. Knikkern deije wi'j in een kuultjen of lientjen gooien. Aj den letsten knikker in ut pötjen knipsen haj ewonnen en aj ut dichtste bí'j de liene gooien wazzen alle knikkers van ow. Sommigen hadden un dikken buul vol knikkers en andern gingen berooid op huus an. Ut hele joar deur wier der op ut schoolplein evoetbald deur de jonges, soms deijen der ok wel halve jonges met, die un röksken an hadden. Of die met deijen um ut voetballen of um de jonges doar bunk nooit achterekommen. Ene van die deerntjes is later miene vrouwe eworden en die is nog gek op dat spölleken moar dan op de tv.
Veur die voetballers was ut schoolplein in grote stukken vedeeld. Iedere klasse had zien eigen stuk, moar de hoogste klasse mocht op de tegels voetballen. Ut ging der altied heavig noar toe. Int spölkwartier rennen de jonges uut de klassen zo gauw mögeluk noar dat plein en wie ut eerste was schreeuwen: EERSTE PINANTY. Dat betekenen dat den persoon den eersten penalty mocht schieten at er hens emaakt was. Toe de meisters vonnen dat ut schoolplein tevölle op un groot voetbalveld begon te lieken, wier der afesprokken dat wi'j um de veertiendage mochten voetballen. Op un moandag toen ut in de weake niet mocht was ik 's margens al veur achten op schole um toch nog efkes te schoppen tegen de bal. Oeps de bal vloag over ut hekken en kwam in ut tutenhok van oma Klomps terecht. Gauw deur ut gaas kroepen um de bal te halen, moar ik vergatte um ut hekken van ut tutenhok weer te slüten en alle tuten liepen der ut en zatten duftig an den moes te bieten. Van de ene kante kwam oma Klomps der an en van de andere kante meister Hazenberg den mien ant oor noar de klasse slöpten. Begin jij maar met de tafel van 65 zei de meester en zo hek den gansen margen toafels motten schrieven tut ak der blauwe vingers van hadde.
Aj now denkt dat wi'j voetbalschoene anhadden bi'j dat voetballen dan heij ut mis. Ik hadde hoge klompen an en der waarn der ook met leage klompen an die an de veurkante anespitst waarn. Aj een schop met un leage klompe tegen ow been kregen was ij nog niet jeurig, ik hebbe der now nog blauwe plekken van op de schennepiepen.Sommige mensen beweert dat op zo'n schoolplein ut fundament elegd wier veur de latere profvoetballers, moar of dat zo is wette ik niet zeker.

05-02-2009 om 00:00 geschreven door fredyschuurman

0 1 2 3 4 5 - Gemiddelde waardering: 4/5 - (2 Stemmen)

>> Reageer (1)

De leagere schole van Hazenberg (2)

De leagere schole van Hazenberg (2)

Noa de eerste kwam de tweede klasse. Wij hebt doar un paar meisters en juffrouwen ehad, den enen nog strenger as den andern. De name bunk vegeaten moar de kuurn nog niet. Zo hadde wi'j un juffrouw die altied beaden met de ogen los um te kieken wie of ut dörven um onder ut beaden kattekwoad uut te halen. Ik mot tut mien schande zeggen dak iets edoane hebbe toen woar ak now last van ekregen hebbe. Onder de Biebelse les zag ik Henk te K. heel interessant van 2 latjes en un stuk elastiek un piel en boage maken. Ik dachte dat kan ik ook en maken stiekem onder de banke ook zoiets. Opens schot de piele uut de boage en genau in mien rechter oge. De klasse en de meister schrokken zich te bastend en in minder dan gin tied wier ik afevoerd noar de huusdokter Keyzer den recht tegenoaver de schole wonen. Ut oge wier bekekken en ik krege un zwarte lappe der veur ebonnen en mog de rest van de dag op huus an. Ut dei verekte zeer moar noa un paar weake konk der al weer goed met zien tut veur un paar joar geleden ut zicht in dat oge steeds minder wier. Toenk bi'j den oogarts terechte kwamme vrogen ze direkt of ik al es un hard veurwarp tegen mien oge had ekregen en toen hek alles moar opebiecht. Un paar weake later hebt ze mien operiert en un ni'je lenze der in ezet.
Der ging gin kwartaal veurbi'j of wij kregen un anderen meister of juf. Ene van die meisters had as hobby sterrenkieken (nea niet uut un buuksken met blote dames) moar echte steerne die 's oavonds an de locht stoat. Al gauw wis de hele klasse iets af van de poolster en van de Grote en de Kleine Beer. Doar hew later nog knoepens völle an ehad toen wi'j bi'j de padvinderi'je waarn. Wi'j vedwalen nooit want den Groten beer brach ons altied weer thuus.

05-02-2009 om 00:00 geschreven door fredyschuurman

0 1 2 3 4 5 - Gemiddelde waardering: 5/5 - (3 Stemmen)

>> Reageer (0)

Schole Hazenberg(1)

De leagere schole van Hazenberg (1)

Toene wi'j ut diploma behaald hadden van de bewaarschole, mosten wij ons melden bi'j de grote schole woar meister Hazenberg de scepter zwaaien en 's margens op un gorte belle beuken met un lange iezeren pinne. Wi'j gingen doar in 1946 1 april (nea dat was gin grepken) noar toe. Moeder bracht ons weer tut an de deure van ut lokaal en doar wachten ons un hele lieve juf op (juffrouw Keuper) die ons her en der in un benksken zetten. Ik kwamme te zitten noast Derk van den Deakenkrämer van de Lage Heurnseweg en hie is völle joarn mien vriendjen ewest. Veur ons zat Magda van de slager met un mooi rood truitjen an en twee stertjes achter an heur heufd. Geerne haw die an mekare ebonnen moar op een of andere maniere woagen wij dat niet. Onze juf kon heel mooi sprookjes vertellen van Roodkapje bijvoorbeeld, zij vetellen dat zo mooi dak 's nachts dachte dak ok opevretten zol worden deur un wolf en dan bezweit ut bedde uut kwamme. Moeder trok op de schole an en vroeg de juf of ze de sprookjes wat minder plastisch zol willen brengen. De juf hiel van mooi schrieven en toene wi'j volgens heur der an toe waarn um met echten inkt en un kroontjes penne te schrieven. Wi'j kregen un penne met un kroontjes penneken der in en un betjen inkt in ut pötjen dat in de banke zat. Toen krege wi'j un heel mooi schriftjen en mossen de eerste bladziede opsloan. De juf deij ons veur op ut bord waw doen mossen. Dat wazzen kleine schieve streepkes zetten in ut schrift. De eerste twee gongen goed moar bij den derden hak un heurken an de penne en ut streepken wier te dikke noa mienen zin. Mien moeder had mien un mooie inktlappe emaakt met un blauwen knoop der op en ik wiste toch niet waj met dat dink doen mossen, dus ik dachte dak doar den dikke strepe wel met wegpotsen konne, dus flink potsen. Moar ojee de strepe wier bijkans un hele schilderi'je en doar kwam de juf an en toen haj de rapen gaar en de katte in de gediens. Zi'j was zo lilluk en ze stoeken mi'j vuer ant bord en doar hek un half uur motten stoan met de hande op de rugge. Ut schrift was veknooid en ik wiste toen wel wak met zo'n inklappe doen moste. Trouwens aj later mooi dunne letters wollen schrieven mos ij eerst efkes un betjen spi'je in de Inktpot loaten lopen.
Dat was un kleinstuksken wak mien nog herinnere van de eerste klasse.

05-02-2009 om 00:00 geschreven door fredyschuurman

0 1 2 3 4 5 - Gemiddelde waardering: 5/5 - (2 Stemmen)

>> Reageer (0)

Ut is oaver moar nog niet uut.

Noa 62 joar op schole ezeaten te hemmen kan ik ut lesgeven nog steeds niet vegeaten.
Eerst hebt ze mien bezig ehollen met fröbelwark, leazen, schrieven en reakenen en later heb ik probeert miene leerlingen ant leazen, schrieven en reakenen te kriegen en nog weer later hebbe wij ons bezig ehollen wiskunde, natuurkunde, scheikunde en computeronderwies.
Op ut letste hek mien veld velegd noar de computer veur olderen en now probere ik op miene maniere jong en old wegwies te maken in dit gebeuren.
Veur miene lessen make ik mien eigen lesmateriaal, schrieve büke en make DVD's vol lesmateriaaal van allerlei soort, meziek, film, fotografie, typevaardigheid, spöllekes enz. enz. tevölle um op te numen. Ik goa der vanuut dat de computer völle plezier kan brengen in mennig eenzaam mensenleaven.
I'jluu ziet ut: Fredy krup nog niet achter de geraniums al hölt e wel völle van orchideeen.