Dyn yn y llys ar gyhuddiad o achosi marwolaeth menyw, 25
Bu farw Demi Mabbitt o'i hanafiadau yn dilyn gwrthdrawiad ar 5 Ebrill
- Cyhoeddwyd
Mae dyn lleol wedi cael ei gyhuddo o achosi marwolaeth menyw 25 oed trwy yrru'n beryglus yn dilyn gwrthdrawiad car yn ardal Merthyr Tudful.
Bu farw Demi Mabbitt, o Aberfan, o ganlyniad i'w hanafiadau yn dilyn y gwrthdrawiad ar Heol Abertawe, ger canolfan siopa Trago Mills, am 23:45 ar 5 Ebrill.
Mae Cameron Jones, 29, hefyd yn wynebu cyhuddiadau o fethu â stopio ar ôl gwrthdrawiad, methiant i hysbysu gwrthdrawiad ffordd, ac achosi marwolaeth trwy yrru heb drwydded neu yswiriant a phan roedd wedi ei wahardd rhag gyrru.
Fe gafodd ei gadw yn y ddalfa ar ôl ymddangos yn Llys Ynadon Merthyr Tudful fore Mawrth.
- Cyhoeddwyd29 Ebrill
Siaradodd Mr Jones ond i gadarnhau ei enw a'i gyfeiriad.
Doedd dim cais am fechnïaeth, ac mae disgwyl iddo fynd o flaen Llys Y Goron Merthyr Tudful ar 28 Mai.
Mae swyddogion arbenigol Heddlu De Cymru'n parhau i roi cymorth i deulu Ms Mabbitt.