Nieuwjaarswensen in 't Westvlaams

t Is were zoverre

de deure van 2009 stoat ip a gerre

een hèèl nieuw joar

voor te leven met malkoar

liefde in 't ménage tussen de vint en de vrouwe

en is ter ol è keer miserie of boel

smiet olleszins met gèn meubels moar zet j'ip ne stoel

En laat het moar overwaaien da rottig gevoel

want oe da je 't ook kèèrt of oe da je 't ook droait,

't is dedju stille woar dat 't nooit een kèr woait.

Zie je momenteel nog nie van de straote

gèn paniek, t' is ip da vlak noois nie te loate

want wa zeggen ol die tupperware demonstranten

oen ze geconfronteerd worden met under klanten

' een dikke, een kromme, een schele of een dulle

ip ieder potje past er een ulle'.

Moar 'k wille ook nog teen en 't ander wenschen :

'k wensche julder wat da 'k zelve betrachte,

bij dage een bitje werk, en ruste by nachte.

Als g' honger hebt, een bete brood;

als dorst u kwelt, geen watersnood;

geen schulden tenzij deze dat ge efnan kunt

betalen met gepaste munt.

En heel 't joar , lik of dat goat en stoat,

geen pijn noch smerte

aan je tanden of an 't herte.

mo af en toe een ferme neute,

en heèl veel leute.

Kortom, 'k wensche joen 't beste voar noaste jare

En 'k goa daarbie laten voor vandjare.