Alléi verouit, ’t is wèrral isj van dâ. De Bèlzje mauge wèrral ni méidoen on ’t Songfèsteval. ‘t Lieke was wèrral te schuën van tien néige. In alle geval ik èm d’r gië gebénedait waurt va verstoën. Ik èm bekan een gille mointj geprobéirt vèr dâ lieke uëk isj te zinge, mor dâ was giën avans. Ik kréig die waurde ni-j-ouit manne mont, en ik kan ’t nâ pertang réidelaik goed’ ouitlègge nowô!
xml:namespace prefix = o ns = "urn:schemas-microsoft-com:office:office" />

                             

Manne gebier zam vraa dâ was ewwâ d’anders! As ze dâ lieke spèldege op de raddejau, tèn was z’attait on’t méizinge ouit volle bèst, en ik kan â verzéikere z’éi ne vriën tèttazjèir zènne! Ik èm nâ wèl attait getwaifelt of dâ ze de waurde wel zjust zongk, want zuë ’n vrië slimme is dâ nâ-j-uëk ni zènne!

Langst den iëne kant was dâ nâ pessies gië slecht vuëzeke want as ge dâ ne kiër of drèi-j-uërdege tèn koste dâ méidoen. Mor langst den andere kant zat er waineg achter nowô! ‘k Em et â dikkes gezèit, mor ze wille mè ni geluëve… Stierd’ Eddie Wallie of Laura Lien nor gintjer en ’t is in orde… 

                                                                            
                                                                         
Mor die twië-j-èmme d’r giënen tait véir gilzéiker, want den iëne zitj gestoëdeg in Améirika en die-j-ander zitj gedierig in Ollant bè de Frans.