Het repertoire van de groep besteet uut 'Nederlaandse' daansen.
Het zint oale daansen, maar ook daansen met oale meziek met nen choreografie van meer as honderd joar. De meeste daansen komt uut het Tweantse gebied zoas de Driekusman, Hoksebarger en Smiet-oew-wief-weg. Disse ku-j ook net oaver de greanze teengkommen. Wiej wont immers in het greansgebied en vrogger brachen de reizende koopleu, muzikanten of familieleden disse daansen met uut de Pruus of aandersumme. Meziek en daans kent gin greanzen.

Een Spaansen wals, Veleta en nen Oalden Step bint daansen dee deur heel Nedrlaand en doar buten wödt edaanst. En wiej kent ook wel daansen uut beveurbeeld Frieslaand. De Simmermoarnwals is doar een veurbeeld van. En wat ducht oe van de Utrechtse of Keperen Schots of ne Hakke Toone.

Oonzen veurdaanser Monique Landman zöch in oale beuke of geet noar biejscholings um de groep regemoatig weer wat niejs te leren, zodat het volk nerig en betrökken gangs blif.

De hele lieste besteet rechtevoort uut ruum 40 daansen. Een doarvan is deur oonzen veurdaanser zölf emaakt biej 't jubeleum van de Helderse Harmonie, zodat de daansgroep