Een fotoblog vol tegenstellingen,uitersten, dubbelzinnigheden, een beetje humor, doordenkers, flauwe kul 't Is maar een kwestie om alles leuk te vinden. Eens goed lachen dus.
23-02-2008
K van Kortrijk
Mijn belevenis in Kortrijk.
'k ginge overlatst ne kje na kortrik
'kè doar mn ogen utgekeken
'k kost het bikans nie geloven
'k peisde da'k in oorlogsgebied woare beland
'k verkende mie al nie
'k zochte eerst de kringloopwinkle
'k moeste rien noar de "kluifrotonde"
'k wiste begod nie woar da dadde woas
'k moeste tons noar 't stad vo een kommische
'k a beter mee mn koersvelo gewist
'k ein uren rond gereden
'k koste tons eindelijk parkeern
'k vonne tons de winkle nie mjé
'k zage kik alléne moar kroanen en komions
'k terte overol in klitte en moose
'k eit tons moar gevraagd aan twienne
'k moestet aan 4 verschillend vragen
klapte doar genene vlams
'k hoorde ton dat die winkle was afgebroken
'k ginge moetn wachten tot 2010
'k moeste tons ne keer were kom keren
'k zin tons moar were naar minnen otto gegoan
'k ware mn courage kwit
'k kwame an minnen otto
'k a tons nog wel een boete zekers
'k a geen geld genoeg ingesteken en de police had er mie up gezet
'k ware koleirig aan 't kommen
'k zin tons van eeuwige armoe noar rus gereen
'k ei eerst nog 'n eure in de file gestoan up de rink
kortrij "design" 'k peize da 'k ga moeten wachten tot in 2010
'k hope da 'k ton nog leve en dat ze ton gedoan ein
'k ga ton wel mee minne velo goan
'k hope alléne moar da 'k over de bruggen ga geraken