Na anja 2007 Weganan di Reino lo tuma lugar na Den Haag, Hulanda.
Un biaha mas e atletanan hoben (naci na anja 1990 of despues) lo hanja e oportunidad pa enfrenta e seleccionan di Hulanda y di Antiyas Hulandes.
E ramonan di deporte cu lo participa na anja 2007 ta:
1. baseball muchahomber
2. basketball muchamuher
3. futbol mucha homber
4. softbol mucha muher
5. bowling mucha homber y mucha muher
6. judo muchahomber y muchamuher
7. landamento mucha homber y muchamuher
E organisacion cu ta encarga cu e seleccion di Wega di Reino na Aruba ta Stichting Koninkrijksspelen Aruba, mihor conosi den mundo di deporte como" SKA".
SKA ta spera cu tur e federacionan cuminsa train na tempo, pa asina nos duna un bon prestacion na Hulanda.
E siguiente carta a wordu manda pa tur e federacionan en cuestion ariba 29 di september 2005.
Weganan di Reino na den Haag, Hulanda, 28 juli – 3 augustus 2007.
Ramonan di deporte pa anja 2007.
Ariba 19 di september 2005 e siguiente carta a wordo dirigi na directiva di federacionan di:
1. basketball
2. bowling
3. baseball
4. futbol
5. judo
6. landamento
7. softball y Little league Softball.
Apreciable miembronan di directiva di e ocho organisacionan ariba menciona.
Pa medio di e carta aki, directiva di STICHTING KONINKRIJKSSPELEN ARUBA, (SKA)
ta participa na Boso, cu nan a ricibi informacion di STUURGROEP KONINKRIJKSSPELEN cu e siguiente ramonan di deporte lo forma parti di e Weganan di Reino 2007 na Den Haag Hulanda.
E ramonan di deporte y constelacion di cada delegacion ta:
1. basketball, 12 muchamuher, 2 coach, 1 referee y 1 delegado.
2. bowling, 4 muchahomber y 4 muchamuher, 2 coach, 1 judge y 1 delegado.
3. baseball, 18 muchahomber, 4 coach, 1 umpire y 1 delegado.
4. futbol, 18 muchahomber, 2 entrenador, 1 masahista y 1 delegado.
5. judo, 6 muchamuher y 6 muchahomber, 2 coach, 1 judge y un delegado.
6. landamento, 6 muchamuher y 6 muchahomber, 2 entrenador, 1 judge y un delegado.
7. softball, 17 muchamuher, 3 coach, un umpire y 1 delegado.
[Remarka pa softball: SKA y Stuurgroep Koninkrijksspelen ta deal cu federacionan cu tin afiliacion na COA y/of ASU. Como exepcion SKA a tuma e decision den di dos mitad di 2004, pa participa cu softball den Weganan di Reino, bao condicion cu Antiyas y Hulanda lo a acepta pa e seleccion di Aruba wordo forma y guia door di Softball Little League. Little league a acepta e reto, cu resultadonan satisfactorio. Motibo tabata cu Aruba Softball Bond no por a demonstra cu nan tabatin un campeonato regular pa muchamuhernan di e edad relevante (naci na 1988 -1989 etc…) , y consecuentemente den opinion di SKA no por a forma un seleccion na un manera responsabel.
Fin di anja 2005, SKA lo reuni cu ASB pa evalua si federacion di softball tin planes fiho pa cu e categoria di e edad aki, y SKA lo tuma un decision al respecto.]
Reglanan general cu ta ancra den handvest Koninkrijksspelen ta e.o.:
§ Pa e weganan di 2007 na Den Haag, e participantenan mester ta naci ariba of despues di 1 di januari 1990.
§ E deportistanan mester tin un paspoort Hulandes, y mester ta biba den e pais concerni por lo menos 6 luna promer di e fecha di e Weganan. (exepcion ariba e rega di 6 luna biba den e pais ta conta pa studiantenan den exterior. Mester tin un prueba pa e deportistanan aki door di entrega un nota di e scol en cuestion.)
Intencion di e carta aki ta pa informa e federacionan for di tempran, kiko e plannan ta relaciona cu e Weganan na 2007.
SKA ta hasi un suplica grandi na tur e federacionan concerni, pa no warda te na ultimo momento pa busca e seleccionadonan cu lo forma e seleccion nacional.
Nos ta di opinion cu Aruba ta posee hopi talento den diferente ramo di deporte.
E staff tecnico di cada federacion tin e tarea pa traha structuralmente, segun un plan di entrenamento na e formacion di nan seleccionan ariba nivel nacional, y SKA y Comision di Subsidio lo duna e aporte financiero, te na cierto altura. Sin un plan di trabao sinembargo, experiencia a demonstra bon cla, cu e ayudo financiero ta plaka tira afor, y nos lo no supera nos nivel di competencia.
Muy pronto SKA lo anuncia su comision tecnico, y for di januari 2006, SKA lo keda traha cu e federacionan estrechamente, pa conhuntamente nos logra bon resultadonan pa nos hubentud cu ta practica deporte na un manera serio.
Si tin comentario di cualkier di e organisacionan ariba menciona, sea asina bon di tuma contacto cu SKA por medio di e e-mail adres di secretario di SKA.
Te un proximo boletin di SKA.
Den nomber di SKA,
Atentamente,
Jerry Gomes, secretario.
c.c. - Ministro di deporte
- Miembronan di SKA
STRUCTURA DI WEGA DI REINO.
HISTORIA DI WEGA DI REINO.
STICHTING KONINKRIJKSSPELEN VOOR DE JEUGD:
STICHTING KONINKRIJKSSPELEN ARUBA:
COMISION TECNICO:
COMISION MEDICO:
CHEF DE MISSION:
ASSISTENT CHEF DE MISSION:
Bon Bini ariba nos site.
