Lid wieëre?
Bèsden Hesselieër,
Lejfste Hesselos,
Weet dzjieë al da “Veldeke Hasselt vzw” èèvert virre bescherreming, ’t behaag ènne premeuse van’t Hessels dialèk. Zoe hèbbe vieë par èkzempel mejgewèrrek anne twejtâlige (Schóévlaams-Hesselse) stroatplieëtsjes ènne bènnestad!
Lejfste medam, bèsde menieër, - dzje hieërt oas al aafkeume - zèèt dzjieë gèntresseerd vir oas veríéneging te steune èn anne ledenaktivvittèète mej te douen?
Zoe joa, meuge vieë oech tan vriendelek vroage vir ’t blââd vir lid te wieëre, èn te vèllen èn an Veldeke Hasselt vzw, A.Orteliuslaan 4, 3500 Hasselt trèk te bezèrrege. Dzje kunt ta blââd euch obb’oaze sait bè de kompjoeter ènvèllen èn no oas íé-posadres opschieke: veldeke.hasselt@hotmail.com
Nog e klee deetaj: ’t lidgeld vir 2009 kos 5 erremzâlige eurokes. Doavir krèjje (vir te begènne!) ’n híél schóéen lidkaart bè oueren ege naam t’rop èn ne poepsjieke plekker vir obb’ren otto of urre villeu. ’n Steunkaart ès virre vriendeleke minse dee oas veríéneging mieër as 5 euro wille lange.
Nog nen dieke mèrsie vir ouer steun èn belangstèlling èn tot obb’íén van oas aktivvittèète.
Marco Clerinx, veerzitter,
Names ‘t bestejer va Veldeke Hasselt vzw