|
Beste wensen
‘t Es weere zu verre.
De deure van 2021 stoa op e gerre.
Een guul nieuw joar,
Veur te leve mee malkoar.
Liefde in de menage veur de vent en veur’t waaf.
En es ’t er al ne kier misere of boel,
Smaat alleszins nie mee meubels, moar zet eu op ne stoel,
En loat da moar overwooien, dat ambetant gevoel.
Want oe daddet uuk droait of kiert,
’t Es dedju stille woar dat ’t noeit nie waait.
Zijde nog nie van ’t stroate, giene paniek.
’t Es op da vlak nog nie te loate,
Want wa zeggen ze bij tupperwirre
Oan ze geconfronteerd worden mee ulder kalanten ?
“ ‘n dikke, ‘n dunnen, ‘n schelen
of ’n dullen, op ieder potse past een schaafke.”
Moar we willen uuk nog ’t ien en ’t ander wensche :
We wenschen ulder al wadamme zelve wille.
Bij doage een beetse wirk en ‘t snachts wa ruste.
Oas g’honger et een bootse.
Oas ge dust et, giene woatersnuud.
Giën schulden en n’ e goe gevulde slekkestekker.
Een guul ’t joar gelaak da ‘t goat of stoat,
Giën ziere of smerte an ulder tande of ulder herte.
Alles tuupe, we wenschen eu ’t beste veur ‘t noaste joare.
Prettige Kerst en gezond nieuwjaar gewenst !
met vriendelijke groeten
En hopelijk gaan wij een schitterend petanque jaar tegemoet.
Walter, Kris, Laurent en Jo
|
