Twents volkslied in ´t Twents

Doar lig tusschen Deenkel en Regge ‘n laand,
Oons mooie en nerige Twente.
‘t Laand van ‘t weark en ‘t laand van natuur,
Wie priest daorom störig oons Twente.
Doar zee’j op de esschen de rowwe nog stoan,
döt stearkstromend bekske ‘t möllenrad goan,
Doar lig nog ‘t heed in ‘t paarsrode kleed.
Dat is ‘t oons zo leeflike Twente (2 moal).

Waar Twickel zien’teurn oet ‘t ekenloof stek,
De Lutte zien ‘bearge löt bleenken,
waar oe boakens zeet braanden in boerschöp en stad,
den hoorn um mirweenter loatt kleenken.
Doar kroonkelt de Deenkel nog aait duur ‘t laand,
duur bussche en veald langs ‘t Losserse zaand.
Doar röst d’r oons oog vanof boav’n ôp den bearg,
ôp ‘t vreadige laandschôp oons Twente (2 moal).

Den rook van ‘t fabriek kö’j van wiedten a zeen,
den wis oons ‘t ievrige leaven.
Met leu dee wilt wearken en degelik zint,
die pielers, dee steun oons hebt geaven.
Meer boeten in boerschöp ôp heed en in ‘t veald,
doar wördt nog van vroger en speuke verteald.
Doar röst de Tubanter in ‘t eeuwige graf,
‘t oalde nöast nieje van Twente (2 moal).

En brech oons ‘t lot ok oet Twente mangs vôt,
wie bliewt d’r toch aaltied an deanken.
Gen aandere laandstrek, hoo mooi ze ok is,
kan ‘t zölfde as Twente oons scheanken.
Wie doot aanderweggens mekaander de haand,
gedeankt dan oons klean, mear zo leeflike laand.
En zal d’r oons hoes in den vrömden ok stoan,
oons herte blif aaltied in Twente (2 moal).

Gin woonder, want der bint mar weinig leefhebberiejen, dee oew zovölle brengt. Met daansen bi'j drok en gezellig gangs en iej maakt rap könnigheid in binnen- en buutenlaan. Mag iej ok geerne daansend deur de weerld goan? Komt dan eens kieken biej de Folkloristische Daansgroep Heldern.

Iej bint welkom

Het repertoire van de groep besteet uut 'Nederlaandse' daansen.
Het zint oale daansen, maar ook daansen met oale meziek met nen choreografie van meer as honderd joar. De meeste daansen komt uut het Tweantse gebied zoas de Driekusman, Hoksebarger en Smiet-oew-wief-weg. Disse ku-j ook net oaver de greanze teengkommen. Wiej wont immers in het greansgebied en vrogger brachen de reizende koopleu, muzikanten of familieleden disse daansen met uut de Pruus of aandersumme. Meziek en daans kent gin greanzen.

Een Spaansen wals, Veleta en nen Oalden Step bint daansen dee deur heel Nedrlaand en doar buten wödt edaanst. En wiej kent ook wel daansen uut beveurbeeld Frieslaand. De Simmermoarnwals is doar een veurbeeld van. En wat ducht oe van de Utrechtse of Keperen Schots of ne Hakke Toone.

Oonzen veurdaanser Monique Landman zöch in oale beuke of geet noar biejscholings um de groep regemoatig weer wat niejs te leren, zodat het volk nerig en betrökken gangs blif.

De hele lieste besteet rechtevoort uut ruum 40 daansen. Een doarvan is deur oonzen veurdaanser zölf emaakt biej 't jubeleum van de Helderse Harmonie, zodat de daansgroep