Berichten van 10 april 2006 tot 16 april 2006

Loater, as ik 16 bin,
en ik hail veul jonges kin.
Din zol ik groag es oet willen goan,
mit jonges dij mie wol zain stoan.

Loater, din wil ik goud kinnen koken,
en wil ik laiver nait goan roken.
Loater, din wil ik kapster wezen,
en veul leuke bouken lezen.

Ain peerd dai ging ains aan de wandel,
en dòcht; \"wat zai ik doar veur handel?\"
Dou hai wat dichterbie komen was...
verdikke, n peerd mit n swaart-widde jas!

Dit ging zien peerdeverstand te boven,
dat jaske wol hai wel ais even roven!
Mor dou hai gain vat op t jaske kreeg,
kreeg hai van t aander daaier n veeg!

Ik wil gain aander daaier aan mien lief,
dát staait haildaal boeten kief.
Mán, hol doe t bie dien oardgenoten,
en blief van mie òf mit dien peerdepoten!

                                   Ik wens ulle
 

                                                          prettige Poasdaagn.