Mooi wichtje.
| Mooi wichtje!
't Wichtje staait zok op te tutten, Lipkes nog n aander kleurtje, Reseltoat is nait onoardeg, n Ploatje is 't om noar te kieken, Zit dat moois allaaind van boeten, Kiek, het boetenst is mor biezoak, |
Veurjoar
Veujoar
t Swaarte laand begunt te gluien,
woazent oet zien glìnneghaid.
t Zoad is kiemd, begunt te gruien,
moakt mie t zicht wat minder vraid.
De grieze locht begunt te vluien
woazemt oe zien ainzoamhaid.
t Licht is schel, begunt te muien,
moakt mien dag voldoan en braid.
Boeten loop ik t leven te oamen
dat mien allìnt weden moakt tot soamen.
De noatuur slagt mie oet t lood.
As t kiemende zoad begunt te gruien,
t swaarte laand begunt te gluien,
veur even t kind in moekes schoot.
'N Aander
n Aander
Ik proat met die,
moar doe heurst mie nait
ik proat met die,
doe heurst mie wel
moar begripst mie nait,
ik proat met die,
moar t is nait das t mie nait begripst
ik proat met die,
moar doe denkst aan wat aans,
doe bist n aander,
en toch wol ik dast doe
n aander wast dei allain moar luusterde
n aander en toch
dat ik miezulf zai in die
en doe toch 'n aander bist
ast dat wilst.