|
Op de Méilembèireg...
Z’èmme nuët nog ni geschréive, oe dâ ze doër de zondag léive
op de Méilenbèireg.
Dâ’k ni benaat was van die waive, ik zouë zelf em brifke schraive
op de Méilenbèireg.
De manne spéile mè de douive en loëten éir sènge schouive
op de Méilenbèireg
Terwail die manne konkurréire, stoën die waive te lamméire
op de Méilenbèireg.
Het is ‘t snoenes tait vèr t’ éite, de Zjef kom touis mè zan kéive
op de Méilenbèireg.
Zâ waif moet nor den biënaar luëpe, z’ is vergéite vliës te kuëpe
op de Méilenbèireg.
A pak zâ waif d’r mè-j-éir kéile, â begintj d’r op te spéile
op de Méilenbèireg.
Mè dâ sloëge en dâ spéile, dorméi-j-èmme ze tèn g’éite
op de Méilenbèireg.
Ge moet et â mor isj reskéire vèr dor ‘t sondogs te passéire
op de Méilenbèireg.
Ge pèisd’ in â-j-èige vâ wor blaift dad’ ammel komme
op de Méilenbèireg.
G’ètj er doër van alle kéize, g’ètj gamèins en g’ètj snotnéize
op de Méilenbèireg.
Kinnjere die mô rèzzekes kènne luëpe spréike doër vâ kinnjere kuëpe
op de Méilenbèireg.
Goët er ‘t soëves noër den tiene en loitsj ze doër ne frang verdiene
op de Méilenbèireg.
Ge goëd’ e kabardoesjke binne ge zèltj die waive d’r wel vinne
op de Méilenbèireg.
Ge zèltj die waive d’r zien danse en die manne stoën te zwanze
op de Méilenbèireg.
Mor al dâ danse en dâ ploëge schitj ni-j-ouit zonder wâ sloëge
op de Méilenbèireg.
|
