Leezie Lindsay
Composer(s): Robert Burns - Donald of the Isles - R. Andropolis
Performer(s): Eddi Reader
and multiple other artists



Will ye gang tae the Hielands, Leezie Lindsay?
Will ye gang tae the Hielands wi' me?
Will ye gang tae the Hielands, Leezie Lindsay, fair maid
My bride and my darling tae be?"

"To gang to the Hielands wi' you, sir
I dinna ken how that may be
For I ken nae the land that ye live in, by troth
Nor ken I the lad I'm gaun wi'"

"O, Leezie, lass, ye maun ken little
If sae be ye dinna ken me
For my name is Laird Ronald MacDonald, pledge I
A chieftain o' high degree"

Then up bespak' Leezie's best woman
A bonnie young lassie was she
"Had I but a mark in my pocket, as ye
It's Donald that I wad gang wi'"

She has kilted her coats o' green satin
She has kilted them up tae her knee
And she's aff and away wi' MacDonald, her Laird
His bride and his darling tae be

He has led her high up on a mountain
And bade her look over the sea
"These isles ye behold are MacDonald's, my own
And his bride and his darling are ye"