Beste zeune,
Ik schrijf u dezen brief om u te loate wete dat kik u schrijve.
Oas ge dezen brief ontvangt zeg da ghem gekrege eit.
Mocht hem nie gekregen hen verwittig mij toens, zuuda ‘k hem were kan versture.
Ik schrijve nogal troage omda ‘k wete dadde nie rap keunt leze.
Overloast hee u pa ieveranst geleze dan de miest ongelukke op nog giene kilometer van uw huis gebeuren en doarveure zijme wa vuder goan weune. ‘t Zuust adres weete ik nog nie want de veurig huurders hèn den huisnummero meegepakt.
’k Hè vandeweke een nieuwe veste veur u gekocht en ‘k zal teu opsture, moar nonkel Zif hee gezeid dan de knope te zwoar zijn en da ‘t dus mier goa koste veur hem op te sture, daarom hè kik de knope der afgesneeje en ze in uw zakke gestoke.
Van nonkel Isidoor die verleden jaar gestorven es hure ikke uuk niets ne mier...
’t Goe nieuws es dat uw pa op zijn werk promose gemoakt hee. Hij hee nu 500 man onder hem aangezien dat hij ‘t gès afrijdt op ‘t kirkhof hier in de gebuurte.
Uw zuster Zulia, ge weet wel, die mee heure man getrèwd es, es bevallen. Me weten eigelijk nog nie of da ‘t ne jongen of een meiske es, en dus wete wâ uuk nie of dadde nu tante of nonkel geworde zijt...
Oas ‘t een meisken es, zoe uw zuster heur noar mij noemen moar ‘k vinde dâ toch oardig veur tegen mijn kleinkind mama te zegge.
Passeerde weke hee uw broere Zuul zijn autodeure toegeslege binst dan zijn sleutels nog op het contact zate, en dus est hij mee den bus noar huis moete rijje veur zijn rezirvesleutels te goan hoale veur ons uit den auto te keunen loate.
Oas ge Magrietse zoet zien, doe heur toens de complemente. Oas ge ze nie ziet moede niets nie zegge.
Nu goa ‘k sluite mee veel complemente.
Uw Maatse
P.S.: ‘k Zoe u nog wat geld opgestuurd hèn moar ‘k hoa den envelop al toegeplakt.
Help... help... help
