't zien neet allemaol 'Kroenekrane'die in V formasie vlege.

De Maos is gelökkig aon 't zakke. Hiel gét mieuwe hóbbe ziech verleije week te gooi gedoon aon de klein véskes die in de druuggelaope weije zoe mér veur 't griepe waore. Noe zien ze weer örgens aanders ao 't foeragere. Elke aovend trekke noe groete ganze euver de Maos, mér 't zien gein "Kroenekraone', zoals de foto links ingevoegd laat zien.Nein ´t zien gein kraonveugel die euver Smeirmaos vlege riechting Zuide.
In dit geval zien ´t brandganze en Canadese- die door de loch vlege ien ´V´formasie. Ze goon woerscheinelek riechting Frankriek boe dees, bij us besjermde, ganze bejaog weure en dus ´n hiel deil ´t luudsje goon lègke.
De ´Kroenekraon´is ´ne echte Kraonvogel mèt ´ne lange nek, dee h''r gestrék hèlt es heer aon ´t vlege is en ziene doortrek velt in ´t Naojaor. De veugel die veer noe door de loch zien vlege aon d'n aovend zien de Canadese- en de Brandganze. Die ganze foeragere noe op de weie bij us boere die dao vanzelfsprekend neet op zitte te wachte.
Gevaarleke Maos nump twie kinderkes 't leve..
De hoege Maos heet aon twie keender oet 't Luikse 't leve gekos. Versjrikkelik veur de awwers en zeker veur 't breurke dee 't heet zien gebäöre. 't Is neet oondeenkbaar dat die keender in us umgeving gevoonde goon weure zoe wie 't al dèkser gebäört is in 't verleie. Mèr hope dat ze snel gevoonde weure um de awwers de gelegenheit te geven aofsjeid te numme vaan hun keender.
hèl sjaduwe in de weenter langs de Maos
Borghare bei Hoege Maos
lekker weerke dreif de luij de straote op
Noe leek dit vaartuig ès 'ne Gieter



