Joeri Seymortier
Deze namiddag werd Joeri Seymortier gevierd voor het 25 jaar journalist zijn.
En Joeri nam een selfie en zo staan zijn collega's ook eens op de foto.
Proficiat Joeri!
EEKLO NIEUWS EN NOG EEN BEETJE VAN ALLES
Joeri Seymortier
Stoomtrein
Tussen pot en pinte (41)
Tussen pot en pinte 41
Wien is de mow?
- Ha Achiel, zijde ôok content dan de terraskes weere open zijn?
- Joak Lowie, doar hèk echt noar uitgekeek’n! Een fris pintjen op de Moart of in den Boeloare,
mêer moet da nie zijn. ‘k Zoe kik mij alledoagn op een terrasken parkeern,
zjuust de zondagoavend niet!
- Meugde tan nie van Irma toch?
- Nêeje vent, tan ist de mow! En ik zij doar nen speesjialist in!
- In wadde?
- In mown vang’n, Lowie. Op teelevieze weeteket al lange, moar ‘k weirke nui ôok vôor ’t stad!
- Vôor ’t stad? Dedie hèn toch nen groendienst vôor mown te vang’n?
- Joamoar, zukken mown nie hé. Moar echte vawsspelers, dien den boel blokkeer’n en zorg’n
datter gêen gewd in ’t baksken komt!
- Da klinkt een beetjen gelijk nen politiekere?
- Zjuust Lowie, en doarom zij’k een onderzoek gestart in ’t scheepencolleejze vôor te kijk’n woar dat
allemoale mislôopt en wie dat den mow zoe keun’n zijn.
- En lukt dat een beetjen Achiel?
- ‘k Moe zegg’n dat nie gemakkelijk is. Eerst pejsdegek dat Isauratjen zoe zijn mee dan die weirk’n an
den Herbakkere awtijd moar uitgesluierd word’n. Tan hoaket op Windèj bij wien damme vrêed lange
moeten wacht’n hèn op dienen mieniegowf en da skeejtpark. En ôok Bobken, mee zijnen mislukten
middenbeirme is in mijn viezier gekomm’n. Van Kriestofken woarek rap zekere dat hem nie kosten zijn.
- Ja, hoedadde?
- Ewew, nen mow zie toch nie goed? En Kriestofken lôopt awtijd mee zijnen briw op zijn hôofd, dus hij
moe wew nog goed zien! En Luuksken keunet ôok nie zijn, want dendienen hee gêenen tijd: van
’t snechtinks toe ’t soavends moet hij ewkes wass’n en spêetjes geejv’n, tussendeure noar da
gezoag van zijn scheepens luisteren en zijn dochtere rijlesse geejv’n.
Hoe zoet hij nog den boel moet’n sabotteern? Moar ik weetet aw wien dat de mow is!
- Wiene? Anneken Van den Driessche? Smessoartjen? Mejken de seekreteir toch nie?
- Nieje Lowie. Peins ne kêer, wa mislukter nui aw joarn?
Woar zitten we aw kweet nie hoelange op te wacht’n?
Wukken dossier komt er awtijd moar nie deure?
- Ja jongne, omme dat allemoale beginn’n opsomm’n, zitt’n m’hier morgennechtink nog!
- Nie overdrijv’n hé Lowie, wa wiwt Eeklô nui aw tfijftig joar?
- Ha, kweetet: nen Rink!
- Zjuust Lowie! En wie heefter doar binst de kiezinge mee uitgepakt?
Wie noemdege heur eigne ‘de leejdie van de Rink’?
- Euhhh dedie van Munters?
- Voilà Lowie, we zijmere: Niekow is de mow!
Marc Van Hulle
Vliegtuigen spotten
Tussen pot en pinte (38)
Tussen pot en pinte 38
Een gelukkig joar (van de vuilkerre)
Achiel en Lowie zitt’n nog ne kêer tôope tegoare
Nie op café, spijtig genoeg, verre vandoare
Moar op nen buro, vôor te rijm’n en te dicht’n
Gelijk d’echte, zonder awder gat op te licht’n
Nieuwjoarsbriev’n schrijv’n keunen ze nie goed
Klapp’n en zêeveren goa betere, ost moet
Toch wiw’n ze nui bij d’andere nie achterblijv’n
En een schôon, Eeklôos gedichtjen schrijv’n
Vôor een gezond en gelukkig nieuwjoar
Zonder mondmaskers en uitgroei in ons hoar
Vôor volle terraskes en veel leute op café
Nie op nen meeterenoalf moar coté-à-coté
Vôor meziek en tonêew in den Herbakkere
Nie ten twowven thuis, moar toe ’s nechtinks wakkere
Vôor een Awma zonder corona en KOVIET
Zonder karanteine, da trekt toch op niet
Vôor bezoekskes an ’t rusthuis van mêer dan een ure
En vôor zô rap meugelijk een dubbele piekure
Vôor een reisken noar Spanje of la Doesse Frans
In ploatse van noar Kornisse, Geskant of Nieverans
Vôor politiekers die endelijk overeen komm’n
En vôor nen middenbirme zonder onkruid mee blomm’n
Vôor een joar woarin damme ons ne kêer keun’n vastepakken
En tott’n, en dienen vuilen mondmaskere loat’n zakken
Kweetet, aw die wensen zijn nu misschien nog verre,
Moar toch een gelukkig joar, van ons (en van de vuilkerre)!
Marc Van Hulle
Staf De Roo overleden
Eeklo in Kerstsfeer
Nieuwe dwarsliggers
Snoeien
Tussen pot en pinte (37)
Tussen pot en pinte 37
Zet ne kêer nen scheepne bij de kerstbôom!
- Ha Achiel, da zijn tijden hé? We keume mekoar nemêer zien an den tôog of op een terrasken vôor
een klapken te doen…
- Ja Lowie, en dus goame tôope een wandelingsken doen in ’t Stekkebosken, mee een bleksken bier in
ons hand’n. ‘k Zoe veel liever nen Export drink’n in ’t Kabèterken, moar doar stoame mee ons twieje
aw veel te dichte op mekoar.
- ’t Is beuj, os ge een tallôorken koas en salamie wiwt, moejet zewve snij’n. En vôor een portie woarme
hapkes moeje zewve ’t frietvet woarmen…
- Ja, nen mens zoe van mindere owverschoakelen op tsieps en notjes hé?
- Weete woar da’k ik aw vele an gedacht hèn Achiel?
- Aw, nui goamet hôorn zie!
- Ewew, an aw die mensn die thuis allêene zitt’n en gêen bezoek of klappenansje hèn. Vôor dedie goat da
nen langen winter word’n pejzek…
- ’t Is woar Lowie, moar gelukkig zorgt ’t stad vôor een oplossinge voor de mensn dien allêene zijn!
- Ha? Goan ze awderen toer doen mee de kaffeekanne, gelijk binst de kiezinge toch?
- Nêes Lowie, moar z’hèn op ’t nieuws gezien dat er nen fierma bestoat die kartonne peet’n moakt op woare
grôotte! Ge keunt dedie kôop’n mee de klènkinders op, of mee een èw lief, of mee a schôonmoedere…
- Ja en hoe goat dat de êenzaamheid van bij ons oploss’n?
- Ewew, ’t stad hee azô kartonne peet’n van ’t scheepencolleejze en de gemêenteroad loat’n moaken!
- Ge mêenet niet?
- Toch wew, dus os ge Kriestofken De Woale, Hieldeken Lampoart of Koentsjen Loete bij ui an de kerstbôom
wiwt, keunde dedie kôop’n! En tan stoan dedie toe achter Nieuwjoar in de lievink, ze zijn proper op awder
eigne en ge moet da gêen eet’n geejvn.
- Miljaar, ik goa sebiet êen’n bestewn! Hoevele kost azô een Eeklôos peetjen?
- Dat hangt er van af Lowie, wien dadde bestewt!
- De burgemêester is dierdere zeker?
- Toch niet, tewoare dadde persé diene foto mee zijnen Tesla derbij wiwt, tan ist wa dierdere.
Moar bijvôorbeeld Kriestofken kost mêer of nen anderen.
- Ja, hoe komt dadde?
- Ewew, daddis nen moeilijkeren kapvorme, mee dienen briw op zijn hôofd. En ôok vôor Gertjan Blomme
betoawde een smeete mêer, moar der is doar ôok veel mêer karton vôorn nôdig hé…
- Da verstoak. Zijnder nog speciallekes?
- Ewew, sinds vandeweeke zijnder van Bobken twie versies: eentjen in geweun karton,
en eentjen in geresiekleerd karton, van oste nog bij de groene woart…
Marc Van Hulle