|
De nievejoërsrésèpse
xml:namespace prefix = o ns = "urn:schemas-microsoft-com:office:office" />
Man, man, man
k èm twië doëge in manne nèst gestauke! Ik moest agaa nor de nievejoërsrésèpse trèkke nowô. Wadouëde nâ gepèist? Dr was vèr niks te dringke en ik zouë dr tèn mangkéire
, alléi, alléi. k Was dr vanèigest ni-j-alliën. Ik èm er dr nen uëp gezien die va giël éir léive dem binnekant van een stammenéi nog ni gezien èmme en die dr naa-j-op diëste raute véire dn tuëg stonte
Ze bibberden bekan ouit éire frak en ouit éire sjal, mor ze zouën vèr de duet ni-j-opgestapt èmme
A gode gei, ast vèr niks is! As ge die nâ-j-anders op stroët of in ne wingkel téigen immant uër klappe, tèn zègge die dinges gelèk as: Ik moet toch zuë-j-oppasse vèr man moëg en vèr manne kolèsterol
, mor azzek die dr e zondag vanalles onderiën zag brasse zouëde dâ pertang van dem balange ni gezèidèmme!
Persuënlaik vontek t program réidelaik goet. Ik uër zuë gèire de Jazzpap spéile, nowô! Die-j-aupèrazangeres daduërdegeke zuë gèire ni. Nâ ni, t mag ieder zanne smoëk zain, nowô! Ik èm op ne gegéiven uëgemblik mâ gellas néirgezètj. Die zangeres éit dr ne kier of twië zuëdoëneg nèig ouitgoiltj dâk pèisdege dâ mâ gellas zouë gesprongen èmme!
In t begin azzek dr toekwamp pèisdegeke dâ dr e poër prinsje en prinsjèsse karnaval woëren uëk, mô nodien èmmek tèn gezien dâ dâ de vraalaike schéipene woëre mè-j-azuë e lintj auver éir schaars
Die gaste die de mèrt dr platgedanst èmme vontek uëk ni slècht, mor as die jonge gaste mè die-j-èllentrikke gitaar béizeg woëre viele man uëre bekan vâ manne kop
Ni van de kaa, mor van t lawait! Dâ zâ wel mier as vaiventaggetèg déisebèl gewéisd èmme.
Téige dadons gruëte manne op de mèrt kwampe was mâ licht al vèir ouit, mor ik bèn tèn toch nog ewwâ gebléive
Nâ-j-ouëder dr ne slimme gezèit datter nog e vierwèirek was uëk, as de gruëte manne weg woëre
Ik èm dr tot noër den èlve op de mèrt gestoën, mor ik èm dr giëne pail zien afschiete, zènne
Ja, azzek touis kwamp
doër was t mier as dem blommekéi!!!
Piër van Tatjes.
|
