Cultuur - As ik in mien beddeke treeAs ik in mien beddeke tree,
Stap ik in Maria’s stee.
Maria is mien moderke,
Johannes is mien broderke,
De heilige Josef doar kan’k op an,
Jongens doar hölt e van.
Waor ik ook gao of waor ik ook stao,
Mien engelbewaarder geet mie nao.
‘t Kindeke Jezus hölt de wachte,
Daorumme slaope ik zeute en zachte.
En noe vraog ik oe allene nog,
Too, bewaar mien olders toch.
Cultuur - Biej Den Hekkenpos
|
BIEJ DEN HEKKENPOS Op ‘n ofgelaegen heuksken -zo’n endjen van ‘t pad- Daor hebt zich twee geleefden ‘s Efkes neer-ezat.
Daor steet ‘t scheve hekke An de kante tegen den wal En de opgedreugde pöste Bunt däöneg in verval.
Nog kroelt daor brummeltekke, Klimop en barkenries, En hef ‘t sleetjeshekke Een donzen kleed van gries.
Daor heur iej veugele fluiten, ‘t Gezoem um ‘n hekkenpos, En ‘t fluusteren van de blaekes, Dee aait langs ‘t zachte mos.
Daorbiej dan heim’lek hekke Is ‘t alle jaor fees, Op zundag, duur de wekke, A’j ‘t heuksken no maor weet.
Dan ku’j ze daor zeen zitten, Dee twee van altied weer, Dee twee oet vrogger dage: Iej zeet daor oewzelvers weer!
|