Ook begonnen op een autoped? Maar nu is dit volgens mij de fiets van Marjan?
Nog even Johanna op z'n Achterhoeks:
Kinder
Een dearntjen en een jungsken. Ik wet et neet zo net, Maor t liekt mien èvenolders, Elk met een autoped Komt stief hier deur de weg langs Ik zee ze mennig keer Zee gaot nog neet naor schole, Bunt duch mien n jaor of veer Et dearntjen kan gewodden Op heur' autoped Had lopen
en dan glieren Een helen helen zet! Zee is zo vlug as water De rökskes waeit dr van. Et jungsken, wat minder vlugge, Kump altied achteran As t dearntjen uut eglierd is Op heur' gummi raaie Kump efkes later 't jungsken Dan staot ze biej mekare. Ik heur t neet, maor k kan naogaon Dat t dearntjen teegn um zeg: Hee mot een endjen wieter Nog slieren langs de weg. Schoorvutend gliert et jungsken Dan nog een endjen deur, Maor hee kump gauw weerumme Hee vuult dr neet völ veur. En dalijk op de trugrit Is t dearntjen weer veuran! Et jungsken tukkert nerig Een endjen achteran. Et dearntjen is de baas en deelt de lakens uut En toch wil t jungsken geerne Biej heur wean absoluut An kleine kinder zeej mangs Wee later leiding gif, En is t in huus neet vake De vrouw dee de wetten schrif?
|