Bertn e Juultn adun nog uki ofgusprookn in undur stamkafee.

Bertn: “E ju gisturnaavunt du neeeërstun januuwoörie up du VeeIrTee du derdu fielmu ‘Du kampiejoeën’ guzieën
             gureezjieseert deur Jan Vurhijun?”
Juultn: “Jaak, zwieg mu doövan! Kaan nog nooöjt gin zooön stomu fielmu guzieën! U stom vuraal, sligtu
              aktuürpristoösjus. En die reezjiesuür! Amaj; Kun dur egt nieët goet oovur zegn.”
Bertn: "Oewu, joen iedool tratur tog inup?"
Juultn: "Joön, wufur oentgoochuliengu! Worom leeënt u burgumeeëtur em tog om mee tu doeën in zooön bulachuliku
            fielmu? En toet zooön rolu dorin!”
Bertn: "Et nie nu wegt al die uptreeduns nooödug omdatn zo geeërn in du bulangsteliengu komt?"
Juultn: “Sjhienboör wel, ju zoe ju kun ofvraagun worom datn altiet weeru guvraagt wort dovoörn. Is da musjhieën
             omdatn zegt wadat danduru nie durvun zegn? Up sportgubieët istn nateurluk u kenur. Zo goeëd kun klapun en
             oovur van alus en nog utwa zoveelu weetn , domee ku ju nateurluk sjhiturn bie polutieku uptreeduns.
             E me zu unieku oriejieneelu uutspraakun oentloktn dikwils u (glim)lag die du soöju gusprekn oentdooöjn."
Bertn: “Volguns mien oovurdrieftn tog wi! Woör aaltn ie du tiet om tuguliekurtiet burgumeeëstur,  
             volksvurteegunwooördugur, aktuür tu zien, voe mee tu doeën an TeeVeegusprekn, voe kolomn tu sjhrievun in
             tietsjhriftun en om TeeVeevudetu tu zien? Oewu oetnie da vul? Gon zu kieëzurs subiet nie peizun datn gin tiet mi
             goden voe Midulkerku?"

Bertn en Juultn hadden nog eens afgesproken in hun stamcafé.
Bertn: “Heb je gisterenavond 1 januari 2020 op de VRT de derde film ‘De Kampioenen’  gezien, geregisseerd door Jan
           Verheyen?”
Juultn: “Ja, zwijg me daarvan! Nooit eerder zag ik een stommere film. Stom verhaal, slechte acteursprestaties. En die
            regisseur! Amai! Ik kan er echt niets goed over zeggen.”
Bertn: “Hoezo, jouw idool trad er toch in op?”
Juultn: “Ja, wat een ontgoocheling! Waarom leent een burgemeester zich tot zo’n belachelijke film? En tot zo’n rol
             daarin?”
Bertn: “Heeft hij dan echt behoefte aan al die TV- optredens om in de belangstelling te komen?”
Juultn: “Schijnbaar wel, je zou je kunnen afvragen waarom men hem steeds weer vraagt. Is dat misschien omdat hij zegt
             wat anderen niet durven zeggen? Op sportgebied is hij een kenner, natuurlijk. Zijn welbespraaktheid en brede
             kennis zijn grote kwaliteiten waardoor hij kan schitteren in politieke optredens. Door zijn unieke originele
             uitspraken ontlokt hij vaak een (glim)lach om saaie gesprekken te ontdooien.”
Bertn: “Volgens mij overdrijft hij! Waar haalt hij de tijd om tegelijk burgemeester, volksvertegenwoordiger, acteur,
             panellid, columnschrijver en TV-vedette te spelen.
            Hoe houdt hij dat vol? Zullen zijn kiezers straks niet denken dat hij geen tijd meer zal hebben voor Middelkerke?”

Nestn e ut gusprek tusjhun du twi dorpsgunootn kun volgun e nu komt tusjhun. Nu sprikt geeërn de P-taalu e nu wilt dadook toogn. ‘Hepebbepen jupulliepie ipin depe voopoorbijpije weepeek ‘Hepet Spoportjaapaaropovupurzipicht’ gepelepezepen ipin hepet ‘Niepieuwsblapad’ mepet Jeapean-Mapariepie, Joposépé Depe Caupauweper epen Gepert Veperhepeyepen?”
Bertn en Juultn: "Da vurstoön mu wiedur nie wi, sprik mo Westeëns"
Juultn: "Ju moeduki pijzn, De Cowur noemt em ‘du dikn’ "
Bertn: "Wienu datdudekur zegt oovur Andurlegt, is nie van tvlijunstu, ee?
          Enoovur Sjatlie zegtn: Dat moestu u gaanzu zien, zu zoen em slagtun voe zu leevur.”
Nestn: "En KaaVeeOo kriegturookvan: du CeeEEOO vurdieënt drie keeërn meeër dan du trijnur e noet ook nog du
             kantienu oopun voe bievurdieënstu.”
Bertn: "Woör aalt Dudekur al die iïnformoösju?"
Nestn: "Ja, wieën got ut weetn? Oovur Kompanie zegtn: net u moeëdur teereesaguhaltu, da trekt op nieks. Aal datn nog
            kut is u pas geevun up du mieliemeetur juustu. Nis du flop van tjoör. Tis gudoön voerem als speelur. Nu zit in du
            paliejatievu zorgun. Dadis du Kiem Clijsturs van tvoetbal.”
Juultn:”U trijnur moe volguns Zjaan-Marie juustu mo zorgun dadiedreeën no tzelfdu gol sjhopt Du trijnur van du boent
            moetdu multiemiljoniïrs bie mukoör doeën komn e nu moe zorgun daan zoovreeënkomn.
            Martienis zoe volgens em ook u moeëdur teereesaguhaltu en."
Bertn: "Moeëdur Teereesa is wel u siembool van doörmoeë ee, da zien Kompanie en Martienis alusiïns nie”

Nestn heeft het gesprek tussen beide dorpsgenoten kunnen volgen en hij komt tussen. Hij spreekt graag de P-taal en wil dat ook tonen.

“Hebben jullie in de voorbije week ‘Het Sportjaaroverzicht’ gelezen in ‘Het Nieuwsblad’ met Jean-Marie, José De Cauwer en Gert Verheyen?”

Bertn en Juultn: “Dat verstaan wij niet hoor! Spreek maar Westends!”
Juultn: “Heb je dat gehoord? De Cauwer noemt hem ‘Den Dikken’ ”.
Bertn: “De mening van Dedecker over Anderlecht is niet van de vleiendste.
            En over Chadli zegt hij: Was hij een gans, hij werd geslacht voor zijn lever.”
Nestn: “KVO moet het ook ontgelden: de CEO verdient drie keer meer dan de trainer en houdt ook nog de kantine open
             als bijverdienste.”
Bertn: “Waar haalt Dedecker al die informatie?”
Nestn: “Ja, wie zal het weten? Over Kompany zegt hij: hij heeft een Moeder Teresa-gehalte.  Dat trekt op niets! Al wat hij
             nog kan is een pass geven op de millimeter. Hij is de flop van het jaar. Als speler is het over met hem. Hij zit in de
             palliatieve zorgen. Dat is de Kim Clijsters van de voetbal.”
Juultn: “Een trainer moet volgens Jean-Marie enkel zorgen dat iedereen naar dezelfde goal schopt. De bondstrainer moet
            de multimiljonairs bij elkaar verzamelen en zorgen dat ze overeenkomen. Ook Martinez zou volgens hem een
            Moeder Teresa-gehalte hebben.”
Bertn: “Moeder Teresa is wel een symbool van de armoede, dat zijn Kompany en Martinez alleszins niet.”