EEKLO NIEUWS EN NOG EEN BEETJE VAN ALLES
Foto

MARKANT of een CITAAT


Een

interviewer

moet de

uitspraken

van een

politicus

beter

kennen dan

de man zelf.


Over mijzelf
Ik ben Everaert Albert, en gebruik soms ook wel de schuilnaam Awbeir (Eeklo's voor Albert).
Ik ben een man en woon in Eeklo (Belgiƫ) en mijn beroep is ...bloggen.
Ik ben geboren op 11/02/1948 en ben nu dus 76 jaar jong.
Mijn hobby's zijn: mijn blog, foto's, computer, fietsen...

Eenmaal

Eeklonaar

altijd

Eeklonaar


 ALTIJD NUTTIG

Website Eeklo

   www.eeklo.be

Wil je iets melden aan
   de stad?

   www.eeklo.be/melding

Meldpunt dierenwelzijn

   Bel: 09/376 46 46

   www.eeklo.be/dieren


Politie Meetjesland

   Bel: 09/376 46 46

   www.politie.be/5417

Cardstop

   Bel: 078/ 170 170

AZ Alma Eeklo

   Alg. nr. 09/ 310 00 00

   Spoed: 09/ 310 17 05

   www.azalma.be


Categorieën
  • Algemeen (9)
  • Algemeen 07 (17)
  • Algemeen 08 (109)
  • Algemeen 09 (82)
  • Algemeen 10 (110)
  • Algemeen 11 (97)
  • Algemeen 12 (73)
  • Algemeen 13 (238)
  • Algemeen 14 (187)
  • Algemeen 15 (89)
  • Algemeen 16 (74)
  • Algemeen 17 (52)
  • Algemeen 18 (71)
  • Algemeen 19 (71)
  • Algemeen 20 (6)
  • Algemeen 22 (19)
  • Algemeen 23 (4)
  • Auto's (33)
  • Balgerhoeke (149)
  • Bouwen in Eeklo (18)
  • Bouwen in Eeklo 08 (86)
  • Bouwen in Eeklo 09 (113)
  • Bouwen in Eeklo 10 (170)
  • Bouwen in Eeklo 11 (180)
  • Bouwen in Eeklo 12 (296)
  • Bouwen in Eeklo 13 (270)
  • Bouwen in Eeklo 14 (286)
  • Bouwen in Eeklo 15 (202)
  • Bouwen in Eeklo 16 (125)
  • Bouwen in Eeklo 17 (68)
  • Bouwen in Eeklo 18 (133)
  • Bouwen in Eeklo 19 (131)
  • Bouwen in Eeklo 20 (145)
  • Bouwen in Eeklo 21 (155)
  • Bouwen in Eeklo 22 (135)
  • Bouwen in Eeklo 23 (74)
  • Computertips (6)
  • Computertips 15 (13)
  • Computertips 17 (0)
  • De Herbakker (6)
  • De Herbakker 09 (31)
  • De Herbakker 10 (20)
  • De Herbakker 15 (1)
  • De Herbakker 16 (25)
  • De Herbakker 17 (6)
  • De Herbakker 18 (12)
  • De Herbakker 19 (8)
  • Eeklo (60)
  • Eeklo 07 (29)
  • Eeklo 08 (143)
  • Eeklo 09 (148)
  • Eeklo 10 (155)
  • Eeklo 11 (407)
  • Eeklo 12 (529)
  • Eeklo 13 (322)
  • Eeklo 14 (287)
  • Eeklo 15 (366)
  • Eeklo 16 (259)
  • Eeklo 17 (291)
  • Eeklo 18 (271)
  • Eeklo 19 (191)
  • Eeklo 20 (134)
  • Eeklo 21 (162)
  • Eeklo 22 (188)
  • Eeklo 23 (196)
  • Eeklo vroeger (3)
  • Eeklo vroeger 09 (72)
  • Eeklo vroeger 10 (113)
  • Eeklo vroeger 11 (110)
  • Eeklo vroeger 12 (84)
  • Eeklo vroeger 13 (213)
  • Eeklo vroeger 14 (203)
  • Eeklo vroeger 15 (152)
  • Eeklo vroeger 16 (217)
  • Eeklo vroeger 17 (98)
  • Eeklo vroeger 18 (94)
  • Eeklo vroeger 19 (122)
  • Eeklo vroeger 20 (98)
  • Eeklo vroeger 21 (51)
  • Eeklo vroeger 22 (81)
  • Eeklo vroeger 23 (40)
  • Familie en vrienden (0)
  • Familie en vrienden 23 (38)
  • Familie/vrienden 07 (13)
  • Familie/vrienden 08 (56)
  • Familie/vrienden 11 (51)
  • Familie/vrienden 14 (45)
  • Familie/vrienden 15 (51)
  • Familie/vrienden 16 (10)
  • Familie/vrienden 17 (21)
  • Familie/vrienden 18 (31)
  • Familie/vrienden 19 (40)
  • Familie/vrienden 20 (13)
  • Familie/vrienden 21 (21)
  • Fietsroutes (2)
  • Fietsroutes (tot 11) (44)
  • Fietsroutes (tot 20) (29)
  • Fietsroutes (tot 22) (10)
  • Flandriens (21)
  • Fotoalbums (0)
  • Fotoalbums (tot) 17 (9)
  • Heilig Hart kliniek (61)
  • KFC Eeklo (101)
  • Nostalgie KVVV (162)
  • Oorlogsfoto (29)
  • Oude zwemkom (19)
  • Overlijden (1)
  • Politiekantoor (Nieuw) (40)
  • Radio en TV (3)
  • Radio en TV (tot 20) (35)
  • Radio en TV 15 (20)
  • Radio en TV 17 (77)
  • Recepten 15 (37)
  • Recepten 16 (31)
  • Recepten 17 (25)
  • Recepten 18 (10)
  • Ring R43 (11)
  • Sport (12)
  • Sport (tot) 17 (36)
  • Sport 14 (77)
  • Te Voet Meetjesland (100)
  • Te zien in Eeklo (19)
  • Te zien in Eeklo 09 (38)
  • Tussen pot en pinte (34)
  • Zwembad (Nieuw) (48)

  • Welkom op de blog van Awbeir
    31-07-2022
    Klik hier om een link te hebben waarmee u dit artikel later terug kunt lezen.Tussen pot en pinte (43)
    Klik op de afbeelding om de link te volgen











    MEDAR wordt burgemêestre

     

    • Ah Achiel, hoe lange is da geleen?
    • Zwijg Lowie, ’t is hoast een joar damme mekoar gezien hèn.
    • Ja moar mee den verjoardag van Awbeir zijnen blog wiwdegen we derbij zijn hé?
    • Zij gerust, vijftien joar alledoag’n iets post’n: daddis gene kak!
    • Zeg Achiel, gêen nieuws anders?
    • Ge meugt zeker zijn, Lowie, der is aw nieuws vôor de kiezinge van binnen twie joar!
    • Aw zekere, nui aw? Wa goat er gebeur’n?
    • Ewew, der is een nieuwe politieke partije die goan meedoen!
    • Ja, wukkene? Want w’emmer hier aw zôvele! De tsjeejv’n, de blèwe, de groene, es em es,
      den en vee a, ’t vloams belang en Bobken van de sossen.
    • De nieuwe partije hêet MEDAR!
    • MEDAR? Gelijk dienen reus van Michiel Stêenbeke?
    • Zjuust, en dienen reus is ôok de lijsttrekkere!
    • Da zawd op wa trekk’n, zekers Achiel?
    • Ge zoet er nog van verschiet’n Lowie. MEDAR hee tsewfs aw een programma mee twie punt’n!
    • Ist aw? Vôor azô nen grôte jongne?
    • Joamoar, ’t zijn wel twie belangrijke. Ze zitt’n tsewfs in MEDAR zijnen noame:
      Middenbirme En De Afgewirkte Ringboane!
    • En stoat dienen reus allêene op zijn lijste, Achiel?
    • Kweetet niet, ’t schijnt dat hij ant klapp’n is mee dienen anderen politieken reus: Blomme van de tsjeejv’n!
    • Haja, dendienen zoet er ôok nog goe bij pass’n. Moar zijde gij zekere da dienen Medar geschikt is vôor de politiek?
    • Doar zijkik onderd percent zeker van, Lowie!
    • Ja en woarom?
    • Ewew, Medar leeft op grôte voet, hij goat geirn mee de biwn blôot en hij zie moar uit êen ôoge!
    • Da zijn effectief goeie ejgenschapp’n vôor nen politiekere.
    • Da pejzek ôok Lowie.
    • Moar de vroage van êen miljoen is natuurlijk os Medar ôok stemm’n goan krijg’n?
    • Doar steekek mijn hand vôor in ’t vier, Lowie!
    • Ah ja, Achiel, en woarom?
    • Ewew, os ge onder zijn schortjen kijkt, goaje zien dat hij nen grôoten anhang heet!

     

    Marc Van Hulle

     


    Medar in de Ronde van Frankrijk

    Reageer (0)

    Categorie:Tussen pot en pinte
    31-07-2021
    Klik hier om een link te hebben waarmee u dit artikel later terug kunt lezen.Tussen pot en pinte (42)
    Klik op de afbeelding om de link te volgen

















    TUSSEN POT EN PINTE 42


    Nen spion op nen vélo

       
       -  Ha Achiel, ge ziet er goed uit!

       -  Ja Lowie, ’t is vakanse hé. We meugen ne kêer wa langer sloap’n, een terrasken doen op de Moart,
          een frietjen stekk’n bij Karientjen van Den Beir, een wandelingsken moak’n in ’t Lêen,
          een koartjen legg’n in den Eiketak…

       -  ‘k Hôore ’t aw, ge zijt nie vele in ui kot?

       -  ‘k Hè aw veel te lange in mijn kot moet’n zitt’n Lowie, godganse doag’n bij Irma, ‘k zwêeret uit,
          daddis hoegenoamd gêenen kado zille! En gij, nog gêen verlof?

       -  Ho Achiel, vôor mij is gôole doag’n vakanse! ‘k Zij kik in prépensioen hé!

       -  Ha ja, tan é kik een pensioenfêeste gemist pejzek…

       -  Toch niet, Achiel, ‘k ginge een grôote fêeste geejv’n bij de Paveetjes tenden de Meulestroate moar mee
           korona ging da niet hé. Moar binnenkorte goa’k er ne lap op geejv’n, want der is iets op komste vôor mij!

       -  Ha ja, watadde?

       -  Ik goa nen serjeujzen priem krijg’n!

       -  Nen priem, Lowie? Der ligg’n toch vanzeleejv’n gêen zonnepanêeuwn op a dak? Of der stoan toch gêen
          lôolijke groene gèskonteiners vôor a deure?

       -  Nêet jongne, ik goa nen priem krijg’n van VeeTeeEm!

       -  Van VeeTeeEm? Van de televieze? Van Katrientjen Moerkirke? Doar zoe’k ôok wew ne kêer nen priem
          wiw’n van krijg’n! En wad anders ôok!

       -  ’t Is nie van Katrientjen Moerkirke, zij gerust.

       -  Toch van dienen Bo Van Spilbeke niet? Of van Patriek Vanmompele?

       -  Nieje Achiel, ’t is nen priem van de redakse omda’k nen schôonen tip gegeejv’n hèn vôor in awder nieuws!

       -  Moeste doarvôorn noar VeeTeeEm lôop’n? Woart AVeeEs nie goe genoeg toch?

       -  Van da Beirtran De Keuninck doar weg is, interesseert AVeeEs mij nie mêer.
          Tenandere, ’t ging over minister Peeters!

       -  Minister Peeters? Moar Lowie toch, Kries Peeters is aw lange gêenen minister nemêer!

       -  Joamoar Achiel, ’t goat owver Liedieja Peeters, van de blèwe! Dedie is hier peseede weeke ne kêer
          komen kijk’n, mee heuren vélo!

       -  Nen minister mee nen vélo, daddis ôok nieuw hé? Hoe komt dadde?

       -  ’t Schijnt dan alle blèwe ministers moet’n inleejveren vôor de boetes te betoaw’n van Kwakkebie, ge
           weet wew, dedie mee heur poedelkeshoar die hier en doare wa factuurkes geschreejv’n heet.. Doarom
           is awderen otto gewisseld vôor nen vélo. En da kwam Liedieja Peeters vrêend goed uit!

       -  Woarom Lowie, ze kwam toch vôor te zegg’n dat z’heur stirk moakt dat de Rink der hôogswoarschijnlijk
          misschien wew zoen komm’n, mee tijd en boterhamm’n?

       -  Da woart heuren dekmantele Achiel, in feite woar ze underkover vôor nen anderen opdracht. Geef toe:
          os ge van de Stoasse noar de Ringloane moet, tan rijde toch mee de vélo deur de Zuidemoerstroate en
          de Meuje? En toch nie rond langs de Moart, de Meulestroate, de ovonde en de Leopowdloane?

       -  Daddis woar, de kortste weg is da niet. Moar woarom hee ze dat dan gedoan?
          Rijd ze zôo geirne neefest Kriestofken?

       -  Ewew Achiel, ze deejt dadde vôor te spioneer’n! Ik hè ghôord uit goeie bronne da ze noar hier gekomm’n
          is mee nen speciaw’n opdracht van de premjee!

       -  Van Alexandere, alles vôor mij en niets vôor een andere?

       -  Ja, Achiel, van dendienen. Hij hoa ghôord damme hier in Eeklô iets speciaws hèn, dajnze nieverst ewders
          in België hèn en hij is doar peirdetsjaloes van! Doarom hee Liediejatsjen zôo verre moet’n rondrij’n mee
          heuren vélo, neefest Kriestofken.

       -  En woarover goat da dan Lowie?

       -  Ewew, z’ist tsewfs gestopt an d’ovonde vôor ne kêer goed te kijk’n en vôor in den duik wa foto’s te pakken!

       -  Vertellet mij zêere!

       -  Bovenandien is Bobken, die nu toch een tijdjen gêenen scheepnen ne mêer meug zijn, vôor twie moand’n
          noar Bruusele verhuisd! Doar goat hij, tôope mee ’t verslag en de foto’s van Liediejatsjen, de regeeringe
          vôoruit hewp’n en tegelijk Eeklô op de koarte te zettn!

       -  Hoedadde?

       -  Ewew mee een plan om teengn te noastejoare in gôow Bewgen overaw azô nen fantastisch schôonen
          middenbeirme an te legg’n: de Eeklôosche hovingen!

    Marc Van Hulle



    Reageer (0)

    Categorie:Tussen pot en pinte
    30-04-2021
    Klik hier om een link te hebben waarmee u dit artikel later terug kunt lezen.Tussen pot en pinte (40)
    Klik op de afbeelding om de link te volgen














    Tussen pot en pinte 40


    Monopollie


       -          Ha Achiel, hoe ist jongne?

       -          Goed Lowie, wrêed goed zelfs. Ik hè mij een Monopolliespew van Eeklô gekocht!

       -          Een Monopolliespew? Van Eeklô? Bestoat dadde?

       -          Joat, vier keirels hèn doarvôorne gezorgd: de vier Monopolliemusketiers!

       -          Ha ja, en wie zijn dadde?

       -          Ewew, Iefken Deleyn van Iemoief uit de Stoassestroate, Steejventjen De Dappere die mee da rôod
                  kamionnetjen van de ProMeet rijdt, Tiejerrie Smet van de begroaving’n en Marc Van Hulle van Awma.

       -          En dedie hèn een Monopolliespew tôopegebrêefelt?

       -          Joas en niemand meug weet’n wat dat er allemow opstoat!

       -          Moar daddis toch nie moeilijk, Achiel. De Rink goat er toch zeker opstoan?

       -          Neej Lowie, daddis vôor d’eediesse van 2050 schijnet!
                  Moar ik hè wew keun’n uitviss’n wat dat er opstoat!

       -          Joag zekere, gij zij nen rappeko! Vertewd!

       -          Ewew ik weete aw van een poar stroat’n: ’t Cieske De Cockstroatjen, ’t Hondekotstroatjen en
                  ’t Peirdekerkhofstroatjen!

       -          Schôone! En stoander fabriek’n ôok op?

       -          Joat vent: de vier stoassen zijn vier fabriek’n geword’n: de Lielan en Lokkefeir uit de Meulestroate,
                  den Ieladam uit ’t Mandeweegsken en de Vienko uit den Tieltsesteenweg.

       -          En zijnder ôok winkels vôor te kôop’n?

       -          Joat, mêer dan genoeg: ’t Kèsken in de Stoassestroate, Pjeere Bijn in den Boelare,
                  Van de Putte op de Moart en Strobbes  in de Meulestroate!

       -          Ha, Strobbes, doar gingde gij awtijd achter seksboekskes hé Achiel?

       -          Zwijg Lowie, Marie meugt da nie weet’n!

       -          Jaja, en wa stoat er nog allemoale op?

       -          Ewew, de Gaane Lêeuw op de Moart en den Astried in de Stoassestroate.

       -          Stoander ôok café’s op, Achiel?

       -          Joat jongne, zij gerust: Fredjes uit den Boelare, ’t Vètjen op de Moart en doar neefest natuurlijk
                  café Piekasso van Liesken Toarte!

       -          Da goat een schôon spew zijn, doar zij’k zeker van!

       -          Jabejoat, want ook de Rodeo in Bawgroeke en de Sirkle an de stoasse stoan derop,
                  zjuust gelijk den bowling Ponderosa en ’t plèn van de feesee an de Gentsestêenweg.

       -          Ik zij wrêed benieuwd noar da spèw, wannêer keume da kôop’n?

       -          Ewew teengn ’t ende van ’t joar zallet er zijn. Moar doe gêen moeite.

       -          Woarom niet?

       -          Ewew Lowie, gij keunt toch nooit winn’n van mij!

       -          Ja, en woarom niet?

       -          Omdakik alles hè vôor te keunen winn’n!

       -          Ja, en waddis da tan wew?

       -          Zeejven eigen huiz’n in den Boeloare mee een inrijpôorte!

     

    Marc Van Hulle




    Reageer (0)

    Categorie:Tussen pot en pinte
    10-02-2021
    Klik hier om een link te hebben waarmee u dit artikel later terug kunt lezen.Tussen pot en pinte (39)
    Klik op de afbeelding om de link te volgen

















    Tussen pot en pinte 39


    Noar Sijsele om een piekure!

       
        -     Ah Achiel, hoe ist jongne? Ge zoe gewd geejv’n vôor ui nog nekeer te zien.

        -     Ja Lowie, veel te veel wirk vent, ‘k weete nie wat eerst gedoan!

        -     Hoe, ge zijt gij toch op pensioen?

        -     Joamoar, ‘k wirke mee mee de vaksienoase campagne!

        -     Ha, die piekuren teeng’n den KOVIET, dieme in Sijsele moet’n goan hoawn!

        -     Zjuust, Lowie, den burgemêestere Luuksken hee mij gevroagd vôor hem thewpn.

        -     Toch nie vôor piekuren te geefv’n hé? Want tan kommek nie zille!

        -     Moar banêen, ik moe de reeklame moak’n. Op Feejsboek en aw.

        -     Hoe? Doe Kriestofken dat normaw nie?

        -     Joaj, moar doar ister een probleemken: Kriestofken wiw niet noar Sijsele vôor zijn piekure.
              Daddis veel te verre, zegt hij. Ha ja, hij zegt dat in Damme ist, moar daddis gêen woar hé,
              ’t is moar nen step vôorbij Mawdegem-Donk.

        -     Dus, nui moede gij reeklame moak’n? Hoe goaje dat dan doen?

        -     Mee rijmkes, Lowie, mee rijmkes. Dat vinden de mensen leutig!

        -     ‘k Zij benieuwd!

        -     Ewew, ‘k goa a ne kêer een primeurken geejvn!

    We goame allemow noar Sijsele vôor ons piekure

    Mee den buus zijme were op een ure!

        -     Goe gevond’n Achiel! Zijnder nog?

        -     Jabejoat, hierzie:

    Vôor ons Eeklôos vaksein

    Moeme in Sijsele zijn

    Twie kêern moeme noar doare goan

    En tan is mee KOVIET gedoan!

        -     Ja vent, ze goan nogaw een beetjen koers’n noar doare hé?

        -     ‘k Hoopet Lowie, want ik wille weere op kafee en een stiksken goan eet’n mee Irma.

        -     En zoe Kriestofken nui echt gêen spêetjen goan hoawn in Sijsele pejsde?

        -     Moar bajoai, Lowie, al zawt hee messchien ne kêer rondrijen langs Damme?

        -     Ha, moar dan keunt hij onderweg da liedje zing’n, Achiel?

        -     Wukken liedjen Lowie?

        -     Ewew, da liedjen van Damme!

        -     Da kennekik nie zille…

        -     Joagendoet: En Damme toffe jongens zijn…

    Marc Van Hulle


    Reageer (1)

    Categorie:Tussen pot en pinte
    17-09-2020
    Klik hier om een link te hebben waarmee u dit artikel later terug kunt lezen.Tussen pot en pinte (36)
    Klik op de afbeelding om de link te volgen













    Tussen pot en pinte 36


    Gekleurde stoaskes



      -       Ha Achiel, hoe is’t? Een pintjen?

      -       Nêeje Lowie, geef mij moar een woaterken!

      -       Aw zekere, een woaterken, wa schiwtere?

      -       Ewew ik wille een beetje vermoageren.

      -       Ah, heeft Irma gekloagd toch?

      -       Bènêes, moar ik wille den donderdag nog awtijd mijn kaffeetjen bij Neleken en Pieterjan van
              de Witte Zwoane goan drink’n.

      -       Ee Neleken gevroagd vôor te vermoageren dan?

      -       Ôok niet Lowie, moar ozze wa smallere zijn dan keunek gemakkelijker tussen da moartkroam en de
              muur kruip’n vôor binnen te geroak’n in de Witte Zwoane…   

      -       Ja jong, wiens gedacht woar dadde? Ne mens zoe wew wegblijv’n van de moart…

      -       Toch nie, Lowie, want op de moart hôorde en ziede nogaw wadde zille…

      -       Aw, vertewd op!

      -       Ewew, binst da’k mij tussen da kroam en de muur van de Witte Zwoane an’t wring’n woarek, zaggek da
              de scheepninnen Anneken en Isauraatjen noar da kroam van de kèss’n ging’n.
              ‘k Pejze, doar moe’k ’t fijne van weet’n!

      -       En? Hèjn ze panties mee zjartels gekocht?

      -       Nêes Lowie, z’hèn zeejv’n poar gekleurde stoaskes gekocht. Een poar voor Luuksken,
              den burgemêestere, en zes poar voor de scheepn’s!       

      -       Daddis ôok wew oardig?

      -       Ge meugt gerust zijn, doarmee hèk awder gevowgd. Ze gingen dermee noar de Poaterskirke en doar
              stond de reste van ’t schepencolleejze te wacht’n op awdere.             

      -       Spannend hé?

      -       Joat Lowie, moar ’t wordt nog spannender. Ik zij achter awdere binnen gekroop’n in de Poaterskirke
              en wa stond er doare? Nen cameraploeg!

      -       Aw zekere, van AVS?

      -       Nieje, toch niet. Moar ‘k hôordege awder wew afspreek’n dajnze van iedere scheep’n en van den
              burgemêestere een apoart fielmken ging’n moak’n, moar ze moest’n doarvôorn wew awder gekleurde
              stoaskes aandoen…

      -       Moar Achiel, ’t is gêen woar! Daddis tan gelijk bij die Bekende Vloaming’n dien in awderen blôot’n mee
              gekleurde stoaskes een fielmken gemoakt hèn vôor op Feejsboek! Den dien’n van ’t Rad van Fortuin,
              en Sjoon Dont, en Stan van Samang!             

      -       ‘k Pejsdeger ôok sebiet an, Lowie.

      -       Miljaar ge meugt toch nie gedrôomd hèn dad ons scheep’ncolleejze zukken fielmkes oppakt hé.
              Akkoord datter nen nieuwen wind is, moar daddister toch owvere hé?

      -       Gelukkig woarn’t andere fielmkes en al eejv’n gelukkig mee klêer’n an.
              Moar wèw mee gekleurde stoaskes.

      -       Wukken fielmkes zijnder tan gemoakt?

      -       Ewew Lowie, iederêen mocht één zinneken zegg’n, en ’t fielmken begon an awder hôofd moar stoptege
              an awder voet’n.

      -       En wukken zinnekes woar’n da tan?

      -       Ewew Luuksken den burgemêestere zejt: “Gêenen mondmasker an op de Moart, moakt a tan moar uit
              de voet’n!” En Kriestofken zejt: “Da gezoag over de Zuidmoerstroate, dat hangt mijn voet’n uit!”
              Windèj hoat ôok een scheuntjen: “Zone 30 in a stroate? Gedoan mee den zwoare voet’n!”       

      -       En wukken zinneken hoa Bobken?

      -       “Nie content mee den middenbirme? Doar voag’n m’ons voet’n an!”


    Marc Van Hulle



    Reageer (0)

    Categorie:Tussen pot en pinte
    05-09-2020
    Klik hier om een link te hebben waarmee u dit artikel later terug kunt lezen.Tussen pot en pinte (35)
    Klik op de afbeelding om de link te volgen











    Tussen pot en pinte 35



    “Teveel groene virwe”



    -          Ah Achiel, ge zijt te loate hé manneken

    -          Ja, Lowie kweetet, moar ‘k kwamme van de Roete, ‘k sleege de Meuje in en an Patsjellies mochtek nemêer deure.

    -          Ah ja, daddis mee dienen knip dan ze doar nui in êenen kêer gemoakt hèn.

    -          Ja jongne, kwamme doar in nen kroezele terechte: Engelendoale, Roashekke, Burggroave, miljaarde
               dat bleeft duur’n êer da’k an ’t Lejken woare. En tan stondek stille in de Guldenspôorenstroate.
               ’t Is doarmee da’k wa te loate zijn. Moar da nie allêene.

    -          Aw Achiel, verteld op. Een nieuw lief?

    -          Moar bènêen Lowie, een nieuw jobken!

    -          Een jobken? Gij? Wirkte gij? Daddis inderdoad nieuws!

    -          Lach moar, ik wirke nui vôor ’t stad!

    -          Ah da verkloart vele, ge weet toch wew dadde ‘wirk’n’ en ‘’t stad’ nooit in êene zin meugt gebruik’n hé…

    -          ’t Keun mij nie schiw’n. Luuksken en Kriestofken hèn mij gebewd en gevroagd ozzek nie wa wiwdege
                komm’n schiwderen.

    -          Schiwderen? ‘k Wiste nie dadde gij mee nen virfbustele kost wirk’n!

    -          Lowie, die mann’n schiwderen nemêer mee bustels hee, daddis nui mee spêetmachientjes en mee row’n.
               Da goa veel zêerdere.

    -          En wa moeter allemow geschiwderd word’n, Achiel?

    -          Ewew, de trottoirs en de boane!

    -          Ah ’t lijntjes dadde gij schiwdert?

    -          Nêetendoet, zijn dikke gekleurde striep’n mee letters!

    -          Letters? STOP zekers?

    -          Nêeje, an de schow’n emme mee veel kleurkes ‘Zone30’ geplakkoasterd! En an de buushawte op de Moart
               emme ‘peuktegels’ geploatst en geschiwderd!

    -          Peuktegels? Wa zijn dadde?

    -          Ewew, da zijn feitelijk grôote sandriejee’s in den trottoir gekapt. Doar meugen de rôokers awder peukskes
               of stekskes in smijt’n.

    -          Ze zoen de mensen beter doen stopp’n mee rôok’n!

    -          Aw moatjen, moar dat doeme ôok zille!

    -          Ja, hoe dadde?

    -          Ewew, omme gedoan hoan mee dienen kleurboek van ‘Zone 30’ vroegt den burgemêestere an mij ozzek
               mee rôoje virwe an iedere schowpôorte ‘Rookvrije zone’ wiwdege schiwderen. Der woas doar nen
               specioalen rôostere mee letters vôoren gemoakt. Da vaw nogaw op zille azô nen rôojen band!

    -          En ister an ’t stad azô veel virwe in awder magazijn?

    -          Joat jongne: fluo, oranje, rôod, veel blèw,… Moar der is êen hoeksken in ’t magazijn woar damme nie
               meugen ankomm’n.

    -          Ha ja, en wa stoater doare?

    -          Daddis Bob zijn hoeksken. Doar stoater verschrikkelijk veel groene virwe, en ôok azô nen letterrôostere
               gelijk van die ‘Rookvrije zone’. We gingen da rôostere en die groene virwe moet’n gebruiken op den
               deurtocht. Moar der is nui gevroagd vôor nog een beetjen te wacht’n. ’t Past niet echt langs den deurtocht
               wat datter op dienen rôostere stoat…

    -          Wa stoater op toch Achiel?

    -          Ewew: ‘Onkruidvrije zone’

        Marc Van Hulle



    Reageer (0)

    Categorie:Tussen pot en pinte
    12-07-2020
    Klik hier om een link te hebben waarmee u dit artikel later terug kunt lezen.Tussen pot en pinte (34)
    Klik op de afbeelding om de link te volgen











                                                                                             

                                                                   Tussen pot en pinte 34


                                                                         Eemerance, ’t is vakanse!


    -          Ha Achiel, nog awtijd schôone een mondmaskerken an?

    -          Joak Lowie, ’t sewfs ozzek op café goa

    -          Hoe goat da tan, os ge wiwt drinken?

    -          Ewew Achiel, Eddie van Patsjellie van de Bakkerei van de Ramblas hee mij azô nen plastiekenen masker verkocht
               woarmee dadde keunt eet’n, drink’n, muil’n, ’t sews a tand’n kuis’n os ge da wiwt! En dienen maskere zette kik
               op ozzek op tramar goa!

    -          Goe gezien Lowie, ‘k zoe mij ôok wew azô nen maskere goan kôop’n, moar ik goat nie an Eddie vroag’n zille,
               moar an Nagibatje, dedie goa mij dat ôok we wan d’hand doen pejzek?

    -          Veel keure Achiel, ’t is nooit tevele gevroagd an heur! En vertew ne kêer: noar woar goade op rejze vandejoare?

    -          Op rejze? Nuij? Mee aw die coronamiezeere? ‘k Blijvekik schôone thuis!

    -          Ge ging gij toch wew weg goan mee Irma?

    -          Joak jongne, mee nen mobielhoom noar Dardennen, moar daddis nui ne mêer nôdig!

    -          Hoe wiwde zegg’n Achiel?

    -          Ewew woarvôorn goa nen mens noar Dardennen, Lowie?

    -          Vôor een Choefken te drink’n? En een stiksken everzwijn teet’n?

    -          Ôok ja, moar toch vôoraw vôor in de bossen en de struik’n te goan wandelen?

    -          Ja, daddis woar Achiel, vôor een wandelingsken in ’t groen!

    -          Ewew Lowie, woarom zoeme doarvôorn nog noar Dardennen goan?

    -          Om dander doar boss’n en struik’n à volonté zijn!

    -          Ewew, dedie zijnder nui toch ôok in Eeklô?ess

    -          Ja, in ’t Lêen zekers? Op die boantjes?

    -          Nêeje Lowie, os ge een Ardennengevoel van een boswandelinge wiwt, moeje de middenbirme in de
               Stoassestroate en de Meulestroate ne kêer overstreek’n! Tussen de tingels en ’t onkruid pejsde sebiet
               da je in La Roche of Oefalieze an ’t wandelen zijt!

    -          Haha, Achiel, daddis nog ne kêer vakanse in eigen stad!

    -          Ja, en ’t keu nog betere!

    -          Hoe wiwde zegg’n?

    -          Ewew, we moeme nui ôok ne mêer noar de zêe! Rotjen schuiv’n op ’t strand en aw!

    -          Ah ja, mee dienen hôop zand dan ze nui weere op de Moart gesmeet’n hèn? Eeklô Bietsj!

    -          Ôok ja, Lowie, moar ’t keunt nog veel betere!

    -          Da goa je mij toch ne kêer moeten uitlegg’n zille!

    -          Ewew, ik hè mij pesseede weeke mee Irma in de greppe gezet!

    -          In de greppe vanzeleejvne!

    -          Ja jongne, ik hoa mijn spannend zwembroeksken an gedoan, Irma heuren biekienie, die hier en
               doare wew een moatjen mêer hoa keunen verdroag’n, moar ’t is vakanse hé.

    -          Hè gawder azô in de greppe gezeet’n?

    -          Ja be joam, en w’hemme ons ingesmeird van top toe têen vôor zeker nie te verbrand’n. We hoame een
               friegoboxken mee sandwieskes en een fris pintjen mee, we woarme nogaw gezet zille!

    -          Moar woarom zatte gawder azô in de greppe?

    -          Ewew Lowie, da woart omda Bobken da gevroagd hoat!

    -          Bobken, wukken Bobken? Toch dienen groen’n nie, zekere?

    -          Toch wew, Lowie, Bobken hé gezejd damme in de greppe an de riolle moet’n zitten.
                Bovenandien, ge kostet leejz’n os ge doar zat!

    -          Ja, wa stond er doare?

    -          Ewew, mee grôote letters stond er an de riolle: ‘Hier begint de zee’!

     

                                                                                     Marc Van Hulle

    Reageer (0)

    Categorie:Tussen pot en pinte
    05-07-2020
    Klik hier om een link te hebben waarmee u dit artikel later terug kunt lezen.Tussen pot en pinte (33)
    Klik op de afbeelding om de link te volgen






                                                                           




                                                                 
                                                                     Tussen pot en pinte (33)

                                                                               
                                                                         “Kriestofken is den slimsten!”

    -          Ha Achiel, ‘k moeste ne kêer goe kijk’n, want ‘k zoe a nie herkend hèn mee dienen mondmasker op a totte

    -          Ja Lowie, zwijgt er mij van! ‘k Zwêete mij stêendôod mee dienen dingere an.

    -          Daddis zjuust, moar ’t moet hé, vôor da KOVIETbeestjen!

    -          Natuurlijk Lowie, moar de maskers hèn toch veel verschiw zille. Dedie van Club Brugge bijvoorbeeld, zijn hôw goed,
                ze spann’n niet an d’ôorn, ze dekk’n alles toe en aw de mens’n kijk’n vriendelijk noar a.

    -          ‘k Zoet wew gelôov’n dan ze vriendelijk kijken os mee azô een spew van Brugge anlôopt.
               ‘k Pejze dan ze kompasse hèn!

    -          Toch nie Lowie, daddis mee die mauvene van den Anderlecht, tan hèn ze leute!

    -          Ik lôope mee dedie van ’t stad an. Ge weet wew, dedie die gekocht zijn dôor den Eeklôoschen Donawd Muille?

    -          Den Eeklôoschen Donawd Muille, wien is dadde?

    -          Ewew, Stêenbeke van de keukens vanop den Teut!

    -          Ha, Kanon zijne zeune?

    -          Zjuust Achiel! Moar ik hôore dan der verschillende soort’n geleejverd zijn!

    -          Hoe wiwde zegg’n Lowie? Nen mondmaskere is toch nen mondmaskere?

    -          Toch niet Achiel. ’t Schijnt dan die mondsmaskers vôor Niekolleken Demuntere twie kêern zo dikke zijn of d’andere!

    -          Ja, woarom is dadde?

    -          Ewew, vôor ’t lawèt os ze were ne kêer in de lach schiet! En dedie van Isauratjen zijn tsewfs mee nen extra fieltere!

    -          Is dadde omdat een groene is?

    -          Nieje Achiel, da woart vôor os de wirk’n an den Herbakkere zoen beginn’n da ze niet teveel gruis zoen binnenkrijg’n.

    -          Ja, moar tan goa ze nog lange mee dienen masker meug’n lôop’n pejzek… Zeg, hèn ze vôor Loetsjen
               ôok nen specioale maskere?

    -          Dendienen wiw gêene van ’t stad andoen, hij lôopt godgansche doag’n mee êenen van de Gantoise rond!

    -          Van de Gantoise vanzeleejvne? Ist hij zô zêere achteruit an ’t goan?

    -          Baneej, moar hij moet, van zijnen nieuwen boas: den VeeDeeKaa!

    -          Daddis wat anders, vôor ne kêer dat hij luistert…

    -          Moar weete gij wie dat de slimsten van gôw ’t stad is, Achiel?

    -          Joak Lowie, da zaw Mejken zijn, de stadssecretair!

    -          Nêeje Achiel, de slimsten van gôw den hôop is Kriestofken De Woale!

    -          Da mêende nie! Hoe komde doarop?

    -          Hij wist tsews aw joar’n damme mondmaskers gingen moet’n droag’n!

    -          Joaj zekere? Hoe weete gij dadde?

    -          Omdat hij aw joar’n mee zijnen briw op zijn hôofd lôopt, tan bedamp’n zijn ruit’n niet!

    Marc Van Hulle

    Reageer (0)

    Categorie:Tussen pot en pinte
    13-10-2019
    Klik hier om een link te hebben waarmee u dit artikel later terug kunt lezen.Tussen pot en pinte (31)
    Klik op de afbeelding om de link te volgen





                                                       






                                                         Tussen pot en pinte 31

                                                                                 Hij zit op zijn peird…



    -          Hey Achiel, oe ister mee jongne?

    -          Goed Lowie, goed. ‘k Voele mij volledig in forme!

    -          Ha ja, hoe komt dadde?

    -          Ewew, ik hè mij nen vélo gekocht!

    -          Nen vélo, Achiel? Nen Harlie-steekt-hem-zewve?

    -          Jip en ik hè nen vrêende slag gesleeg’n!

    -          Ja, is êen mee nen batterie toch?

    -          Banêet Lowie, da keu mijnen bruinen nie trekken zille!

    -          Is êen van de Awdie of den Karrefoer?

    -          Nêet jongne, ge zij mis. Tenandere, verkôopn ze zij doar ôok vélo’s?

    -          Kweetet niet. Moar vertew mij ne kêer wukkenen slag dadde gesleeg’n hèt.

    -          Ewew Lowie, ’t is een akkoaijze!

    -          Een akkoaijze? Andermans mizeere wiwde zegg’n?

    -          Toch niet, ’t is nen schôone vélo, goed onderhèwen en vôor een zocht prijsken!

    -          Allez, ge moe gij nie schôone zijn vôor sjanse thèn hé?

    -          Jaja, Lowie, lach moar. Ge zijt gij tsjaloes!

    -          Joakendoen, hoe zoe kik tsjaloes moet’n zijn op iemand die nen vélo kôopt? ’t Is leen van mijn plechtige
               kommuune da’k nog ne kêer op azô wadde gezeet’n hèn.

    -          Ge zoe beter een beetsje mêer mee den vélo goan rijen, da zoet a deugd doen.

    -          Awawaw, Achiel, nie beginn’n gelijk Bobken hé? Ge goa mij niet verplicht’n vôor op nen vélo te kruip’n zille,
               ôok aw schiwderen ze vélopatt’n van drij meeters brêed.

    -          ’t Is in alle gevaw goed vôor de kondiesse!

    -          De kondiesse mijn ôore. Moar vertew ne kêer: dendienen van wie dadde dienen vélo in okkoajze gekocht hèt,
               moet dendienen nie an zijn kondiesse pejz’n?

    -          Neej, hij hee gênen vélo nemêer nôdig.

    -          Aw, hij is toch nie ziek of wadde?

    -          Neej, moar hij rijdt nui mee iets anders!

    -          Mee nen otto? Of mee nen brommere?

    -          Nieje, mee een peird!

    -          Mee een peird, vanzeleejvne. Da goa Bobken geiren hôorn! Dat is goed vôor de CO-twie. En os da peird ôok
               nog ne kêer schijt in de Stoassestroate, keuter hij de middenbirme mee bemest’n…

    -          Lach moar, ’t is pertan nie vôor te lachen, dienen mens mee zijn peird!

    -          Ha nêeje, wa schiwt er wew mee? Kennek hem toch?

    -          Joag, ’t is Awbeir, de portrettentrekkere!

    -          Awbeir? Woarom rijdt dienen vent nui mee een peird? Moet hij van Daniëlla toch?

    -          Baneej, moar hij is riddere geword’n…

                                                                                             
                                                                                     Proficiat Albert!

                                                                           Marc Van Hulle, collega-ridder

    Reageer (2)

    Categorie:Tussen pot en pinte
    02-06-2019
    Klik hier om een link te hebben waarmee u dit artikel later terug kunt lezen.Tussen pot en pinte (28)
    Klik op de afbeelding om de link te volgen











    Tussen pot en pinte 28



    Notjes en tsjieps mee Niekolleken



    -          Miljaar Achiel, daddis toch wew vrêed lange leen damme mekoar ne kêer gezien hèn?

    -          Joat Lowie, kweetet, moar kommekik hoast ne mêer buit’n hé

    -          Ha, hoe kommet? Meugde nie van ’t wijveken toch?

    -          Nêeje, Lowie, mijnen bruin’n keut nie mêer trekk’n!

    -          Aw zekere, hèn ze an a pensioen gezeet’n toch?

    -          Bènêes, moar ‘k moe een beetjen spoar’n vôor den moment!

    -          Ha, daddis wat anders. Vôor wa spoarde? Vôor een grôote reijze?

    -          Nêeje vent, ‘k hè mij een brêedbeeld teevee gekocht! Azô een blafte van nen vierkanten meetre of twieje!

    -          Aw zekere Achiel, woarvôorn wiwde gij azô een televieze?

    -          Ewew, ik zij nen liefhebbere van spannende fielms woarin dajnze veel ruize moak’n!

    -          Ha, een beetje gelijk Geejm of troons?

    -          Ja, moar in de fielm woardak ik noar kijke, zijn de vrèwkes belange zô snew niet en z’hen mêestaw gelukkig
               ôok mêer klêern an!

    -          Ja, wukkenen oardegen fielm is dat dan wew?

    -          Ewew, Lowie, ik kijk awtijd noar den gemêenteroad op te televieze!

    -          Den gemêenteroad, Achiel, wie ligt er doar nui van wakkere? Waddister doar te zien?

    -          Ge zoet er nog van verschiet’n Lowie: teengenwoordig duurt da spèw vier doag’n en drij nacht’n! Zô lange
               moak’n ze van awderen tettere. Niekolleken komt oarms en bêen’n tekort vôor aw da gewewd
               een beetjen in goeie boan’n te leid’n.

    -          Niekolleken? Wukken Niekolleken?

    -          Ewew, Lowie, de leejdie van de rink!

    -          Ha, Niekolleken De Muntere? Moar dedie is toch gêenen burgemêestere?

    -          Nêes, moar ’t schiw nie veele. Z’is vôorzittere van de gemêenteroad en on Loetsjen of Powken Verstroate
               een beetjen te vele van awder ôre moak’n, tan trek ze de prieze uit.

    -          Wukken prieze?

    -          Awew, van die miekro’s van de televieze. Tan hôorde ze nemêer.

    -          En keunde gij doar acht blijv’n noar kijk’n?

    -          Bèjoak Lowie, ‘k vallekik soms wew ne kêer een hawf uurken in ’t sloap, moar dan is’t gelijk bij ‘Famielde’
               of ‘Thuis’: ge keunt sebiet weere mee. En pakkek ik mij tan een pintjen,
               en een potjen notjes of een zaksken tsjieps…

    -          En ist nie schôondere op Ment TV of op Netflieks?

    -          Nêet Lowie, in de gemêenteroad komdet allemow teengne: roep’n, tier’n, leugens, bedrog, weinig overêen
               komm’n, spannende stemming’n,… ’t Is echt gelijk nen fielme, moar tan zonder ’t schôon vowk.

    -          Aw Achiel, wa zegde nui? Niekolleken is toch gêen oardig kind mee een sympathiek lachsken?

    -          Daddis woar, moar twieje is mij tevele!

    -          Oe wiwde zegg’n, Achiel?

    -          Ewew Lowie, gelijk dat dedie keun’n boas speel’n, azô hek thuis aw eentjen lôop’n…


    Marc Van Hulle



    Reageer (0)

    Categorie:Tussen pot en pinte
    10-11-2018
    Klik hier om een link te hebben waarmee u dit artikel later terug kunt lezen.Tussen pot en pinte (27)
    Klik op de afbeelding om de link te volgen













    Tussen pot en pinte 27


    Oôk Groen is een beetjen SMS




    -          Ha Achiel, daddis lange leen hé?

    -          An wie zegdet, Lowie. Moar ‘k het wrêed druk g’had!

    -          Ge zij gij toch in pensioen?

    -          Joak, moar mee de kiezinge woarek niemer te stopp’n!

    -          Ha nieje?

    -          Jongne, ik hè mêer of duust kilometers gewandeld in Eeklô!

    -          Aw zekere, Achiel. Vôor folderkes te steek’n?

    -          Nêeje, ik zochte een stroate of een steegsken woar datter gêen plakkoat van da blèw koppele Anneken en Zjanvjee stond.

    -          En, gevonden?

    -          Ja, in ’t Sterrestroatjen en in ’t Hondekotstroatjen, moar vôort van de reste…

    -          Ik hè wew verschoot’n van den uitslag, Achiel.

    -          Ik ôok Lowie. Wien hoater da verwacht?

    -          Wadde? Dan de tsjeejv’n op awder toat’n zoen krijg’n of de sossen gêne zetele nemêer zoen hèn?

    -          Nêeje, dat SMS van Luuksken Vandevewde de grôotste partij zoen word’n!
               En da Luuksken zewve burgemêestere zoen zijn?

    -          Daddis zjuust, moar doarmee hemme weeromaw nen burgemêestere uit de medische sector!

    -          Joamoar Lowie, Koentjen Loete zat toch niet in de medische sector?

    -          Neej, moar Eriek Matthijs wew! Dendienen woart peirdemêestere!

    -          Ah ja, ’t is zjuust!

    -          Moar Achiel, ik zoe ne kêer wiw’n weet’n wat dat SMS allemow goat veranderen. Ik hè aw ’t één en ’t ander ghôord.

    -          Ja Lowie, vertewd op!

    -          Ewew, Marc Windèj, die weere scheep’n wordt, goat an ’t nieuw zwembad een grôot plakkoat zett’n mee “SMS” derop.

    -          Ja, woarvôorne?

    -          “Sportpark Mee Slierboane”!

    -          Ge mêenet niet?

    -          Joakendoen. En Dannie Smessoart, dien anderen scheep’n, goat in ’t Zonneheem de menu veranderen in nen
               doagelijksen SMS-menu:  Soepe mee Spinoajze, Stowverij mee Sèsse en Suikerwoafels mee Slagrôom.

    -          En Luuksken Vandevewde goa nui zijn boane doen als thuisverplegere met zijnen drijkleurigen band
               boven zijn wit kielken an.

    -          En woarom?

    -          Ewew, daddis ôok SMS: Spêet’n Mee Sjirpe!

    -          Joamoar Lowie, os ’t azô goan beginn’n tan vinnek ik datter bij Groen nog mêest vanaw SMS te vind’n is!

    -          Oe wiwde zegg’n Achiel?

    -          Ewew dat Iezauratjen, da vlietig dingsken van 23 joar da scheep’n goa word’n, daddis toch getopt en gedroaid SMS?

    -          Oe dadde Achiel?

    -          Ewew: Snewste Meisken Scheep’n

     

    Marc Van Hulle





    Reageer (0)

    Categorie:Tussen pot en pinte
    29-06-2018
    Klik hier om een link te hebben waarmee u dit artikel later terug kunt lezen.Tussen pot en pinte (26)
    Klik op de afbeelding om de link te volgen














    Tussen pot en pinte



    Doarom mocht Vieksken op de Moart trekteer’n vôor zijnen trèw



    -          Ha Achiel, ge stoat er sportief op!

    -          Joak Lowie, ‘k zij mee mijnen Harlie-steekt-hem-zewve gekomm’n!

    -          Mee wadde?

    -          Mee mijnen vélo, Lowie, we moeme wew.

    -          Woarom moeme mee den vélo komm’n? Is Bobken aw burgemêestere toch?

    -          Nieje vent, we moeme van Kriestofken!

    -          De Woale?

    -          Jip!

    -          Da keu nie! Dendienen héé zewve in gêen joarn nen vélo van dichte gezien en hij
               goat ons ne kêer zegg’n oe damme ons moet’n verploats’n?

    -          Joaj, da stoat allemow in zijn mobielieteitsplan. Dadde en nog veel mêer!

    -          Ge moakt mij nieuwsgierig, Achiel!

    -          Ewew, Kriestofken wiwt overaw drempels legg’n damme moar dertig per ure ne mêer keun’n rijen!
               En hij wiwt ôok overaw vélopatt’n, en liefst zô lank en zô brêed meugelijk! En bôom’n op de Moart, en fonteintjes!
               En nen buus van de sporthalle toe an ’t kirkhof en were…

    -          Ja miljaar, hij hee were veel te dichte bij Bobken gezeet’n in ’t schepenkolleejze, ’t woar te pejz’n.

    -          Moar ’t is nog nie aw: der komt nen parking in de Poaterkeskirke, nen tuuneil onder de Ringboane
               an die coiffeujze mee dienen oardigen noame op Roaverschôot..

    -          …Eekienoks?

    -          Juust, Eekienoks. En an den Teut zoe Kristofken dan toch een rotonde wiw’n legg’n.

    -          Ja, moar daddis gêene menuut te vroeg hé, want daddis doar nogal een miezeere, alle doag’n.

    -          Moar ’t irgste moe nog komm’n.

    -          Aw, vertewd’op Achiel.

    -          Ewew, Kriestofken wiwt iets doen mee den Moart da nog nieverst ew gebeurd is. Hij wiw ne kêer speciaw doen.

    -          Hoe, en hij zet overaw plakkoat’n dat hij ne kêer geweune goat doen?

    -          En toch is’t woar Lowie!

    -          Allee, vertellet mij. Ik keune zwijg’n gelijk een gazette.

    -          Ewew, weete nog dat Vieksken Bruggeman getrewd is?

    -          Joak, mee da manneken uit Thailand hé?

    -          Juust. En weete ôok woar dat hij zijn resepse meug’n geejv’n heet?

    -          Joak, op de Moart mee van dat oardig eet’n da zôo piekant is, dat den dôom uit a ôor’n sloat!

    -          En weete woarom da Vieksken dat op de Moart meug’n doen heet?

    -          Omdat hij ’t schôone gevroagd heet, zekers?

    -          Nieje Lowie, omdat hij Kriestofken zijn plan goat uitvoer’n. Groaties en vôor niets!

    -          Wukken plan Achiel?

    -          Ewew, der komt nen Kwiekstepmoart!

    -          Nen Kwiekstepmoart?

    -          Ja, Kriestofken willet ôok de voetgangers gemakkelijk moak’n en hij loat Vieksken parket leggen op de Moart!
               Van Kwiekstep.



    Marc Van Hulle






    Reageer (1)

    Categorie:Tussen pot en pinte
    08-03-2018
    Klik hier om een link te hebben waarmee u dit artikel later terug kunt lezen.Tussen pot en pinte (24)
    Klik op de afbeelding om de link te volgen













    Tussen pot en pinte (24)


    ’t Is de schuwd van Annie!


    -  Jep Achiel, hoe is’t?

    -  Goed Lowie, goed. Ik hè zoaterdag iets nieuws binnengespeeld!

    -  Ja, hé Marie den kookboek van Pascalleken Noassens gekocht toch?

    -  Nieje vent, ik zij noar den Thaj geweest!

    -  Noar den Thaj? Da kennek niet. De Sjienees in de Stoassestroate, da wew, moar den Thaj?

    -  Ja Lowie, in den Boeloare ister nen Thaj.
    En die keirele trekteerdege zoaterdag mee hapkes vôor da beeldeken van Jeannien.

    -  Wukken beeldeken?

    -  Ewew, van da wijveken in posiesse.

    -  Is Jeannien in posiesse? Hee ze nui nog nie gelêerd mee heuren Pow?

    -  Nêen Lowie, Jeannien heeft een beeldeken gemoakt van een wijveken in posiesse.
    En da beeldeken stoa nui op den hoek van den Boeloare en ’t Snuifmeuleken.

    -  Ist een Thajs wijveken toch?

    -  Nêet, een Vloams, moar dienen Thaj van doarrechtovere wiwdege ne kêer trekteern.

    -  Ha, nui verstoaket. En da beeldeken: is da nui ôok een wijveken mee blôote tetjes?

    -  Mee blôote tetjes Lowie? Hoe wiwde zegg’n?

    -  Ewew, os Jeannien een beeldeken moakt, ist awtijd mee borstjes.
    Kijk moar ne kêer noar Keizerken Koarele op de muur van ’t Vetjen op de Moart.
    Of noar Lotsjen, os da gêen schôone stoanderkes zijn…

    -  Joamoar, Jeannien moakt ôok beeldekes zonder tetjes hôor.
    Kijk moar noar da van Ivonne op ’t Djenuiverplèn.

    -  Ja Achiel, da zoeter nog an gemankeerd hèn dat ze de tetjes van Vonne doarbij moaktege…

    -  Ge keunt gelijk hèn, Lowie.

    -  Moar Achiel, vertew mij ne kêer woarom dat da beeldeken van da wijveken in posiesse nui doar stoat?

    -  Ewew, ’t stad vond dat da beeldeken nie schôone ne mêer stond in de Stoassestroate.
    Doar stondet rechtover den Sjienees, nui stoat rechtover den Thaj.

    -  En woarom stondet doar nie schôone nemêer Achiel?

    -  Ewew, Lowie, dat is de schuwd van Annie!

    -  Van wukken Annie?

    -  De kwoiffeujse! Annie Vandewalle!

    -  Ja, wat heef ze zij gedoan toch?

    -  Ewew, Lowie. Da beeldeken van da wijveken in posiesse stond doar zôo schôone op den trottoir, moedertsjiep allêene.
    En tan is Annie doar gekomm’n mee heuren salon.

    -          Ja, en tan?

    -  Deur Annie is da wijveken in posiesse doar weggelôop’n.
    Mee aw heur hoardrôogers heeft Annie veel eletriek nôdig,
    dus hèn ze doar twie eletriekkass’n an heur deure moet’n zett’n, neefest da beeldeken.
    Annie krijgt ôok veel vowk over de vloer, dus hèn ze ook nen parkeermetere,
    een vuilbaksken en wa velorekk’n gezet, allemoale neefest da wijveken in posiesse.
    En bovenandien kwamt Annie zewve ôok af en toe een klapken doen…

    -  Ja Achiel ‘k verstoat, ge zoe vôor mindere verhuiz’n noar den Boeloare…


    Marc Van Hulle





    Reageer (0)

    Categorie:Tussen pot en pinte
    27-02-2018
    Klik hier om een link te hebben waarmee u dit artikel later terug kunt lezen.Tussen pot en pinte (23)
    Klik op de afbeelding om de link te volgen












    Tussen pot en pinte (23)


    Sputten mee den burgemêestre


    -  Ha Achiel, ’t is weer een teijken geleen hé?

    -  Joat Lowie, moar ‘k hè een pôoze ziekskes geweest. Moar nui zij ‘k er deure en weere duust man steirk!

    -  Ja, ge ziet er allesinds nie smêerkes nemêer uit!

    -  Goeje dokteurs, hé vent, bij Awma. En z’hèn mij gezejd da’k veele moet’n beweeg’n.
    ‘k Meuge nie gôole doag’n in mijne zeetele noar AVS of Tempteejsjen Aailand zitten kijken.
    ‘k Moe buit’n lôop’n, zegt den dokteur!

    -  Ewew, ge keunt toch ne kêer goan wandelen in ’t Lêen of in ’t Park? Of tsewfs in de Lembeekse Bossen?

    -  Joak, moar ik hè een andere beejzigheid gevond’n.

    -  Ja, wat dadde? Zitter Ierma vôor wat tussen?

    -  Nêes, Lowie, ge moe weere gêen slechte gedacht’n krijg’n!
    ‘k Zij kik mijn ewde zille, en Irma zeekers…

    -  Ewew, waddis die beejzigheid tons?

    -  Ik goa goan sputten!

    -  Sputten? Gelijk in de lochtink? Mee een spoa?

    -  Ja Lowie, ge zit er boenk op!

    -  ‘k Wiste kik nie dadde gij nog nen lochtink hoat in ’t Kokkerstroatjen! Wa kwêekte doar tan?
    Toat’n? Of tomatt’n? Of andzjuun? Of pissebeuntjes?

    -  Nêeje Lowie, ik hè gêene lochtink nemêer. ‘k Hè doar van Irma een terras moet’n van moak’n.

    -  Moar woar sputte gij tan wew, Achiel?

    -  In de Pokmoere, op ’t ende van de Krôonstroate!

    -  Ligt er doar nen lochtink?

    -  Nêet Lowie, doar wordt er nen bos geplant!

    -  Nen bos, vlakbij ’t Lêen? Daddis gelijk nen vijver anlegg’n neefest de zêe hé?

    -  Dat is nen speciawn bos, Lowie!

    -  Ja, wat ister speciaw an een bende jonge bôomkes op een rotte?

    -  Dat is nen geboortenbos!

    -  Waddisdadde?

    -  Ewew, vôor ieder kientjen da sinds 2013 geboor’n ist in Eeklô, meugt er doar een bôomken geplant
    word’n deur ’t kientjen zewve, of deur voader of moedere, of deur peetjen en meetjen.

    -  Ja, daddis ôok wew schôone toch!

    -  Joat Lowie, moar ’t is doar toch wew een misverstandjen geweest!

    -  Ja, waddister gebeurt toch?

    -  Ewew, de burgemêestere is doar toegestuikt met nen kamion bôomkes:
    moar liefst 2.179 bôomkes hoat hij mee!

    -  Aw zekere! Wiw da zeggen dat hij de loaste zes joar 2.179 kêern voadre is geword’n?
    ‘k Wiste dat nen rappen woart, moar da zoede hem ôok toch nie toegegeejv’n hèn hé?
    Ja, Loetsjen! ‘k Wiste da zijn zusters rappe woar’n, moar 2.179 bleiters op zes joar…

    -  Ja en hij stond grêed mee zijn schuppe vôor aw die bôomkes te plant’n
    toe datter hem iemand gezejd heet dat hij mis woart! Hij hoat misverstoan!

    -  Hoedadde?

    -  Hij wist niet dat owver de kientjes van de loaste zes joar gingt,
    hij mêendege dat hij vôor aw zijn kiezers een bôomken mocht plant’n…



    Marc Van Hulle

     

    Reageer (0)

    Categorie:Tussen pot en pinte
    04-11-2017
    Klik hier om een link te hebben waarmee u dit artikel later terug kunt lezen.Tussen pot en pinte (22)
    Klik op de afbeelding om de link te volgen











    Tussen pot en pinte 22

    Burgemêester Dzjieno

    -          Miljaar Achiel, daddis toch wew lange geleen damme mekoar nog ne kêer gezien hèn, hé?

    -          Ja Lowie, zeg wew, moar ik weete nie woar da mijn hôofd êerst stoat!

    -          Aw zekere, ge zij gij toch in pensioen?

    -          Joak Lowie, moar ge kent dadde hé? Wie hée ter awtijd minst tijd? De gepensioneerde toch wew hé?

    -          Daddis zjuust, Achiel. Moar zeg nekêer: woar zijde gij mee beejzig?

    -          Mee twie ding’n in êene kêer. Ge weet hoe dajnze da noem’n hé? Muultietask’n.

    -          Jawadde, ge begint aw moeilijken klap te verkôop’n. Moar zeg ne kêer, ge moak mij nieuwsgierig.

    -          Ewew, vôor mijn êerste project hè ‘k een beetjen afgekeek’n van Kriestofken De Woale mee zijnen WIEKIE-bon.

    -          Nen wadde? WIEKIE-bon?

    -          Voilà Lowie, ik hè zjuust tzewfste gereageerd: Winkelen in Eeklô, Kôop’n in Eeklô.
    Daddis toch twie kêer’n tzewfste? Os ge hier winkelt, dan kôopte hier toch ôok?

    -          Daddis zjuust, Achiel.

    -          Ewew, doarom ister nui een stirk verbeterde versie van Kriestofken zijnen kadobon: den KEZIEPIO-bon!

    -          KEZIEPIO vanzeleejv’n?

    -          Ja, en doarmee moakek iederêen content: de winkeliers, de caféboajz’n, Bobken zijnen anhang en Loetsjen
    mee zijn fusiegedachten.

    -          Ja, moar da moede mij ne kêer explikeer’n zille.

    -          Ewew, het êerste dêew van KEZIEPIO stoat vôor Kôop’n en Zuip’n in Eeklô, dus daddis goed
    vôor de winkeliers en vôor de caféboajz’n.

    -          En wa wiwt PIO tan zegg’n?

    -          Doarmee moakek groen Bobken en den burgemêestere wrêed gelukkig. PIO stoat vôor Parkeer’n in Oaigem!
    Doarmee stoander gêen auto’s op de Moart – goed vôor Bobken – en wordt er geparkeerd bij de
    nieuwe Eeklônoars achter de fusie: in Oaigem!
    En doarmee loat’n we Loetsjen nog nen loatste kêer content zijn.

    -          Hoe wiwde zegg’n: nen loatste kêer, Achiel?

    -          Ewew, noaste joar ist kiezinge en tan ist Loetsjen an zijnen rekkere!

    -          Ja, wie zegter dadde? Wie goat er tan burgemêester worden? Kriestofken? Of da blondjen van den N-VA?
    Of dienen juuge van SMS?

    -          Nêen Lowie: Dzjieno wordt burgemêestere!

    -          Dzjieno? Wukkenen Dzjieno?

    -          Ewew, den portrettentrekkere uit de Meulestroate!

    -          Vergaawe?

    -          Ja, dendienen! En hij wiwt da’k ik zijn campagne voerek! We zijme aw goe beejzig.
    Op Feejsboek ist hij aw moand’n beejzig dat hij burgemêestere wiw word’n en an de reste wordt ôok gewirkt!

    -          De reste? Wa wiwde zegg’n?

    -          Vôor de jeugd in te pakk’n, ister mee Steefanietjen een wrêed jong assistentjen bij gekom’n.
    Ondertuss’n doet hij zôgezejd een hulpactie voor Kuuba. Mijn ôore: aw die valiez’n mee kinderklêerkes,
    speelgoed en wc-papier stoan nog in zijnen winkel in de Meulestroate, binst dat hij op stage ist noar gindere!

    -          Noar woare?

    -          Ewew, noar Kuuba. Hij is doar de kneep’n van ’t vak goan leer’n bij Fidel Castro zijn broere!

    -          Moar vent toch Achiel, ik hè nogal een beetjen kompasje mee die Kuuboanen!

    -          Ja woarom Lowie?

    -          Ewew, êerst hèn ze af te rekenen gekreeg’n mee Irma.
    En nui passeert er iets veel slechtere: orkoan Dzjieno!


    Marc Van Hulle





    Reageer (0)

    Categorie:Tussen pot en pinte
    06-05-2017
    Klik hier om een link te hebben waarmee u dit artikel later terug kunt lezen.Tussen pot en pinte (21)
    Klik op de afbeelding om de link te volgen











    TUSSEN POT EN PINTE 21


    Positief mijn ôore!


    -          Ah Achiel, wa zitte gij doar te leejz'n? Weer een vuil boeksken van bij Strobbes?
    -          Moar nêen Lowie, ik zij den ProMeet an't leejz'n.
    -          De wadde?
    -          Ewew, den ProMeet. Da boeksken van Steejv'n De Dappere en Tonnie Soens.
    -          Wukken boeksken? Ken kenne kik da niet!
    -          Den ProMeet, daddis een boeksken dat iedere moand bij de slachtere, den tantiest en
    de coiffeujse goa ligg'n, mee allêene moar positief nieuws over 't Meetjesland!
    -          Positief mijn ôore! Oster allêene moar goe nieuws goat instoan, zallet een vrêend dun boeksken zijn, zille.
    -          Lowie, ge meug zôo negatief nie zijn. De redakse van den ProMeet zawt heur beste doen
    vôor schôone artiekels en foto's.
    -          De redakse? Wukken bende tôopegeroapte is dat dan wew?
    -          Ja jongne Lowie, den Steejv'n en den Tonnie hèn awder beste gedoan vôor nen hôop
    schôon vowk tôope te krijg'n! Te beginn'n mee Marc Van Hulle.
    -          Marc Van Hulle? Is dat den dienen van de klinieke? Gij noemt da schôon vowk? 'k Pejze
    dan den Steejv'n en den Tonnie nen goeien briw nôodig hèn...
    -          Joamoar, 't verbeetert allêene moar. Vôor d'artiekels owver meziek hèn ze Geertjen Foas
    an den hoak gesleeg'n. En Gaia Rysseloare en Ludo Gôossens goan iedere kêer iets owver
    den natuur schrijv'n.
    -          Da Gaiatjen kennek niet, moar dienen Ludo, daddis toch diene keirele die vôortien doag'n
    plat op zijnen buik in't ges ligt vôor êen blende vinke te keun'n trekk"n hé?
    -          Joat! En wa pejsde van Gie Bonne van Woarschôot?
    -          Is dat dienen metsere van den Eeclôonoare van vroegere?
    -          Wukkenen metsere Lowie, hoe komde doar nui bij?
    -          Ewew, den dienen schreeft toch alle week'n dat hij weere nen stêen verlejd hoat?
    -          Ja jongne, gij zijt ôok wew nen wietekoo. Moar kende Sofietjen Schôonackers, nog
    eentjen da vôor de ProMeet goa schrijv'n.
    -          Dedie kennek, Achiel, daddis wat dajnze een schôone okkoajze noem'n!
    -          Okkoajze? Oe wiwde zegg'n?
    -          Ewew, Achiel, daddis toch wew da jongsken van de Kringwinkele?
    -          Joat, daddis zjuust. En kende Marliesken Neirink ôok?
    -          Nêenek Achiel, moar 't klinkt wew goed.
    -          En 't zie ter goed uit ôok, zille! Daddis een dochtere van die zoake in den Boeloare
    mee dienen schôonen noame.
    -          Wukkenen schôonen noame? Den Arguus toch nie hé? Of de Witte Zwoane?
    -          Daddis nui bijkans 't zewfste Lowie. Ik hèt op 'Mooi', daddis toch nen schôonen noame?
    -          Ja jongne Achiel, ge begint ôok aw gelijk die bende van den ProMeet:
    awtijd moar positief positief.
    -          Ewew, positief daddis toch leutig? En weete wa datter ôok zôo leutig is?
    Da zijn die redaksevergoaring'n van den ProMeet.
    -          Woarom zijn dedie leutig?
    -          Lowie, doar wordt er nogaw gezoop'n! Niet te doen. Den êenen dzjientoniek achter
    den andere. Of sampampele mee vliendersirope! Zuipen!
    -          Ja Achiel, da goat ôok nie lange duur'n tan? Woarom wordt er doar zôovele gedronk'n?
    -          Ewew Lowie, daddis verplicht van den Steejv'n en den Tonnie! Iederêen moet tewkens
    zôo zat of een kanon noar huis goan.
    -          Woarvôorn is da goed?
    -          Daddis simpele, Lowie: os de poliesse awder teeng'n hewt, en ze moet'n in't zaksken
    bloajz'n, goat allêene moar positief zijn!

     

    Marc Van Hulle





    Reageer (0)

    Categorie:Tussen pot en pinte
    18-11-2016
    Klik hier om een link te hebben waarmee u dit artikel later terug kunt lezen.Tussen pot en pinte
    Klik op de afbeelding om de link te volgen














    Tussen pot en pinte (18)

    Klostrofobies

    - Ha Achiel, hoe is’t jongne?
    - Nie zôo goed, Lowie, nie zôo goed…
    - Aw, zijde a griepspêete vergeet’n toch? Ge ziet er toch moar een beetjen smêerkes uit, zille.
    - Nieje Lowie, ‘k zij koat!
    - Op wiene? Toch nie op a vrèwken hé?
    - Nêen, op de polletiekers!
    - Ha, moar den hewft van Ee-ke-lô is koat op de polletiekers, daddis gêen nieuws zille.
    - Joamoar, z’hèn mij verweet’n op de gemêenteroad en doar keunek nie teengne!
    - Waddister wèw vertewd toch?
    Toch weere nie owver da briefken van tien euro mee den burgemêestere zijn totsjen op?
    - Nieje, ze lachen mee mijn huizeken!
    - Hoedadde? Ge weunt gij toch schôone in die nieuwe verkoavelinge in de Zuidmoerstroate?
    - Da pejsdegek ôok, moar van die polletiekers zoe’k doar moet’n nen uniforme droag’n!
    - Nen uniforme, Achiel? Gelijk in ’t legere?
    - Ja, want vowgens die polletiekers weunekik in een kazeirne!
    - Wie zegter dadde?
    - Ewew, van die keirels, die zewve in nen viela in de witte wijk of op de roete weun’n,
    dien een appartement of viere in ’t buitenland hèn of die zewve al ewvendertig flatjes
    van tfôortig vierkante meters verhuur’n of verkôop’n.
    - Daddis ter op hé?
    - En ‘k goa ôok nen numero in mijnen oarme moeten loat’n tatoeweern, gelijk in de kamp’n van vroegere.
    - Ja woarom?
    - Ewew, Lowie, omda’k vowgens die polletiekers in een getto weunek!
    Mijn Irma en ik weun’n in een getto!
    - Jawadde, ge zoet er inderdoat nie goe van word’n!
    - Zjuust doarom: noaste weeke goame noar Awma vôor een onderzoek, Irma en ikke!
    - Woarvôorne, ge luistert toch nie noar die prietproat?
    - Joakendoen, ’t schijnt damme klostrofobies goan word’n omme doar blijv’n weun’n!
    - Klostrofobies, waddis dadde Achiel?
    - Ewew, daddis os ge vried veel schrik hèt van wènig ploatse.
    Dad heeft er ôok êen’n gezejd op de gemêenteroad!
    - Da zijn doar nog aw keirels hé?
    - Joat, en weete wat nog ’t eirgste vanaw is?
    - Ister nog iets eirger, Achiel?
    - Joat, ik moe nui godganse doag’n wurkels eet’n!
    - Wurkels? Mankeerde wat an a ôog’n toch?
    - Nêek Lowie, moar da komt ervan os ge in konijnekoot’n weunt hé…


    Marc Van Hulle


    Wie de vorige afleveringen van 'Tussen pot en pinte' nog eens wil
    lezen kan deze gemakkelijk vinden in de linkse kolom
    onder 'Categorieën' en
    op Tussen pot en pinte klikken.



    Reageer (0)

    Categorie:Tussen pot en pinte
    09-08-2016
    Klik hier om een link te hebben waarmee u dit artikel later terug kunt lezen.Tussen pot en pinte (17)
    Klik op de afbeelding om de link te volgen















    Tussen pot en pinte (17)

    Op bezoek bij Awma

    - Ha Achiel, hoe ister mee?
    - Goed Lowie, goed. Moar ‘k hè wew een beetsjen sjanse g’had zille.
    - Ja, wa schiwtere? Ge zijt toch nie averre gelôop’n deur nen Pokeemonzoekere?
    - Nen wadde?
    - Ewew, azô van die jonge gastjes die mee awderen teelefon op stroate lôop’n zoek’n noar
    van die oardege beestjes diede zjuust allêene moar op kompjoetere keunt zien.
    - Nêeje Lowie, ’t woart dadde niet.
    - Wa dan wew?
    - Ik zij op bezoek geweest bij Awma!
    - Bij Awma? Wien is dadde? Een èw lief? Of een achternichtjen da’k nog nie kenne?
    - Nêeje, Awma, ge weet wew: de klinieke!
    - Ah, ’t Heilig Herte van vroegere! Ge zijt toch nie ziek, Achiel?
    - Nêenek Lowie, ‘k zij op bezoek geweest.
    - Bij wiene, kennek hem of heur?
    - Ge kent hem natuurlijk wew: Awbeir.
    Ge weet wew: diene keirele die godganse doag’n mee zijnen vélo en zijnen kodak rondsjêest
    en aw dat hij teengnkomt op zijnen blog zwiert?
    - Ah, dienen Awbeir. Woart hij ziek toch?
    - Joai, moar kweete nie zjuust wat datter mankeerdege an hem.
    - Hoe wiste tan dat hij in Awma lag?
    - ‘k Hoat gezien op zijnen Feejsboek, hij hoat een fotootjen van hemzewve in een
    sloapkleedjen derop gezet.
    ‘k Pejsdege: dat is nog nen vriendelijken keirele, ‘k goa hem ne kêer een bezoekske breng’n.
    - En wa zejt hé os ge binnen kwamt?
    - Niets Lowie, ‘k woare miljaar te loate!
    - Hoe te loate? Hij is ’t toch nie an zijnen rekkere?
    - Neej, hij woart aw noar huis. Doarom hè ‘k nogaw een beetjen sjanse g’had!
    - Hoe wiwde zegg’n sjanse?
    - Ewew, ‘k kwamme op zijn koamere op ’t derde verdiep. Zijnen gebuur lag nog in zijn bedde,
    moar die keirele die in Awbeir zijn bedde gelejd woart, zat op de wc!
    - Ja, da keu gebeur’n hé, Achiel. Ge moe gij toch ôok af en toe ne kêer kakk’n toch?
    - Joak, moar da manneken woart an ’t roepen. En ik hôordege uit dienen wc awtijd
    moar geluiden komm’n, die goe genoeg kendege…
    - Ja en tan?
    - Ewew, omdat da manneken bleef roep’n en omdat er gêen infermjeirken te zien woart,
    hè ‘k ik die deure opengetrokk’n.
    - Ja en wa gebeurdeger tan?
    - Ewew, hij woar wel aw noar huis, moar op en neefest dienen wc-pot zagge ‘k ik… aw beir!



    Reageer (0)

    Categorie:Tussen pot en pinte
    18-07-2016
    Klik hier om een link te hebben waarmee u dit artikel later terug kunt lezen.Tussen pot en pinte (zestiene)
    Klik op de afbeelding om de link te volgen













    Tussen pot en pinte (16)


    Van de grond goan


    - Ha Achiel, ge ziet er zôo content uit?
    Ge goa mij toch nie zegg’n dadde de Lotto gewonn’n hèt hé?
    - Nêenek jongne Lowie, ’t is iets veel beters!
    - Wadde, hedde ‘Win for Laaif’ gewonn’n toch?
    - Banêek Lowie, ‘k meuge ne kêer!
    - Hoe ge meug ne kêer? Wa meugde ne kêer?
    - Ewew, ‘k meuge ne kêer van de grond goan mee mijn Irma!
    - Joamoar Achiel, dienen vuilen proat, doar zijn de mejns’n nie mee gediend zille!
    - Da meug toch geweet’n zijn damme ne kêer van de grond goan?
    - Dakket nie mêer moet’n hôor’n Achiel!
    - Allé, waddis ter doar nui erg an? Irma en ik in ons mande, daddis toch leutig?
    - Achiel, ge moak mij koleirig hé vent.
    Ge moet owver dienen vuilen dêefele nemêer klapp’n teeng’n mij.
    - Daddis pertant spijtig, want Irma en ik hoan geiren g’had dadder bij zoe geweest zijn.
    - Woarbij? Binst dadde goawdere… ‘k en meuget nie gedrôomd hèn!
    ‘k Zoe nog veel lievere vôortien doag’n beir voer’n…
    - Joamoar Lowie, ge zoe nie allêene zijn diet zoen zien zille!
    ’t Goat doar mêer of tienduust man noar komm’n kijk’n os Irma en ik van de grond goan!
    - Tienduust man? Ge doe toch nie mee in nen pornofielme hé? Gij en Irma?
    Op awderen èwerdom? Hoeveel blèwe pillekes goade gij doarvôorn moet’n slikk’n?
    - Allé Lowie, woar klapte gij nui owvere? Nen pornofielme?
    ‘k Moe wèw zegg’n dan der doar veel rondingen goan te zien zijn, daddis woar.
    - Ziedet! In wukkenen hoerenboel zijde gij terechte gekomm’n?
    Woarvôorne doede gawder dadde? Vôor ’t gewd?
    - Vôor ’t gewd? E moar Lowie, we moeme der nog vôorn betoawn!
    - Nog betere! Moar ja, da verstoak nui wel een beetjen,
    want vôor a en Irma beejzig te zien,
    doar zoe’k ôok nie te veel spêekers uitlegg’n zille…
    - Joamoar, aw da vowk komt vôor niets kijk’n noar ons hé.
    ’t Is allêene moar spijtig dajnze ons hôogtepunt nie goan keun’n zien of hôor’n.
    - Ja hallo, Achiel, daddis moar best ôok zekers?
    En wannêer goaje van de grond mee Irma vôor aw da vowk?
    - Ewew, ’t zaw den 30sten of den 31sten julie zijn.
    ’t Is te zien wukken weer dat is!
    - Hoe? Wukken weer? Marsjeeret nie bij a ost an ’t reengnen is, toch?
    - Bèjoat, moar tan goan de ballons niet op…


    Marc Van Hulle




    Reageer (3)

    Categorie:Tussen pot en pinte
    15-07-2016
    Klik hier om een link te hebben waarmee u dit artikel later terug kunt lezen.Tussen pot en pinte (vijvtiene)
    Klik op de afbeelding om de link te volgen












    Tussen Pot en Pinte (15)


    Vitaw!

    - Aah Achiel, daddis ôok wew lange leen da’k a nog ne kêer gezien hè!
    - Ja Lowie, ‘k zij aw die moand’n op afzonderinge geweest!
    - Op afzonderinge? Ge wordt toch gêen Oarm Kloarken hé?
    - Moar benêek Lowie, ik hè mee geweest mee Vitaw!
    - Vitaw, wukkenen Vitaw?
    - Ewew, de rechterand van Wielmots!
    - Ha, Borkelmans! Van de voetbaw? Van Karlatjen, da kwoiffeujzeken uit de Meulestroate?
    - Zjuust, dendienen. Ik zij doar nen vrêende fan van, ik vinde dat azô een simpatiek manneken.
    Aw van ost hé bij Club speeldege. Dan heet hij twie mindere peerjoden ghad,
    bij Gent en bij Circle, moar nui stoat hij weere an den top!
    - ’t Is doarmee dadder zôo sportief opstoat? Mee een rôod truijken en mee sjmienk op a tootjen!
    - Ha ja hé, ‘k zij kik overaw meegeweest in Frankrijk mee Vitaw hé.
    Noar Liejon, noar Bordo, noar Toeloeze, noar Nies, en noar Rijsele…
    - En tan woaret gedoan zekere?
    - Hè joat hé, die schoapenkwêekers van Weejls woaren te goed vôor ons.
    - En nui krijgt Wielmots op zijn dôoze?
    - Joaj, moar Vitaw geeft doar nie omme zille.
    - Hoe, woarom niet? Wielmots woar toch zijnen moat?
    - Joat Lowie, moar Vitaw kijkt verdere hé. Ge moet da verstoan.
    In da weireldsjen ist ewk zijn schelle!
    - Wa wiwde nui zegg’n?
    - Ewew, ge meuget niet vôort vertew’n hé, moar Vitaw goa Wielmots opvowgen als bondscoach!
    - Joaj!? Vitawken? Boas van de Duuvels? Ja miljaar! Hoe is da gekomm’n?
    - Deur zijnen manaazjer!
    - Wukkenen manaazjer Achiel? Gij toch niet?
    - Nêeje, aw zoek da wew wiw’n zijn, hé. En ‘k zoe kik da goe doen, ôok pejzek.
    - Joamoar, wie ister zijnen manaazjer dan wew?
    - Ewew, Vitawken hee gedoan gelijk Wielmots!
    - Ist hij Frans beginnen klapp’n en wit hemdekes droag’n?
    - Nêeje, hij hee zijn madam ingeschoakeld!
    - Wiene? Karlatjen? Zijn kwoiffeujzeken uit de Meulestroate?
    - Zjuust, Lowie. Karlatjen hee weesten klapp’n mee den voetbawbond,
    z’hee doar binst wa miezanplietjes gelejd en voilà, Vitawken is de grôoten man!
    - Jawadde. En nui goat hij de speelders selekteern vôor de nationoale ploeg?
    - ’t Is te zegg’n, hij nie allêene!
    - Hoe, è Wielmots moe toch zijn schuppe afkuis’n?
    - Joaj, moar Karlatjen wiw nen vinger in de pap!
    - Wa weet Karlatjen nui van voetbaw, Achiel?
    - ’t goa hier nie mêer owver voetbaw, Lowie, moar owver hoar!
    - Hoar? Oe wiwde zegg’n?
    - Ewew, Karlatjen wiwt da Vitaw de speelders kiest vôor awder hoar!
    Feelajnie, Najngolan, Wietsel en diene klènen Loekakoe meugen op awder twie ôorn sloapn:
    dedie goander awtijd bij zijn.
    - Ja, allé, moar tan hè kik toch kompasse zille
    - Kompasse, mee wiene
    - Ewew mee Sieman…

    Marc Van Hulle



    Reageer (0)

    Categorie:Tussen pot en pinte
    Foto

    Inhoud blog
  • Wereld Downsyndroomdag
  • Theo's
  • Aanmelden onderwijs
  • Groen in de Sparrebosstraat
  • Politie Meetjesland (Snelheidscontrole)
  • Aanplakborden
  • Lenteschoonmaak
  • Nostalgie in de ogen van de KVVV (69)
  • INTRO PAGINA
  • Cultuursmakers Eeklo
  • Archiefhoekje (89)
  • 75 jaar later
  • Werken Ring R43
  • Toren kerk Oostveld
  • Werken Ring R43
  • Bouwen in Eeklo (Klarenhof)
  • Oversteekplaatsen
  • Voetballen
  • Straatverlichting
  • Aanleg Oeverpark
  • Woonmaatschappij Meetjesland
  • Afbraak oude rijkswachtkazerne
  • Nostalgie in de ogen van de KVVV (68)
  • Archiefhoekje (88)
  • 75 jaar later

    Dropbox

    Druk op onderstaande knop om je bestand naar mij te verzenden.


          BEZOEKERSTELLER




    Gastenboek
  • Zonnige groetjes op deze heerlijke maandag aan al mijn blogvrienden.
  • mooie nieuwe week Albert !
  • Beste Albert
  • Wens u nog een fijne dag
  • fijne zondag , maak het gezellig !

    WELKOM!


    Zoeken in blog



    Archief per maand
  • 03-2024
  • 02-2024
  • 01-2024
  • 12-2023
  • 11-2023
  • 10-2023
  • 09-2023
  • 08-2023
  • 07-2023
  • 06-2023
  • 05-2023
  • 04-2023
  • 03-2023
  • 02-2023
  • 01-2023
  • 12-2022
  • 11-2022
  • 10-2022
  • 09-2022
  • 08-2022
  • 07-2022
  • 06-2022
  • 05-2022
  • 04-2022
  • 03-2022
  • 02-2022
  • 01-2022
  • 12-2021
  • 11-2021
  • 10-2021
  • 09-2021
  • 08-2021
  • 07-2021
  • 06-2021
  • 05-2021
  • 04-2021
  • 03-2021
  • 02-2021
  • 01-2021
  • 12-2020
  • 11-2020
  • 10-2020
  • 09-2020
  • 08-2020
  • 07-2020
  • 06-2020
  • 05-2020
  • 04-2020
  • 03-2020
  • 02-2020
  • 01-2020
  • 12-2019
  • 11-2019
  • 10-2019
  • 09-2019
  • 08-2019
  • 07-2019
  • 06-2019
  • 05-2019
  • 04-2019
  • 03-2019
  • 02-2019
  • 01-2019
  • 12-2018
  • 11-2018
  • 10-2018
  • 09-2018
  • 08-2018
  • 07-2018
  • 06-2018
  • 05-2018
  • 04-2018
  • 03-2018
  • 02-2018
  • 01-2018
  • 12-2017
  • 11-2017
  • 10-2017
  • 09-2017
  • 08-2017
  • 07-2017
  • 06-2017
  • 05-2017
  • 04-2017
  • 03-2017
  • 02-2017
  • 01-2017
  • 12-2016
  • 11-2016
  • 10-2016
  • 09-2016
  • 08-2016
  • 07-2016
  • 06-2016
  • 05-2016
  • 04-2016
  • 03-2016
  • 02-2016
  • 01-2016
  • 12-2015
  • 11-2015
  • 10-2015
  • 09-2015
  • 08-2015
  • 07-2015
  • 06-2015
  • 05-2015
  • 04-2015
  • 03-2015
  • 02-2015
  • 01-2015
  • 12-2014
  • 11-2014
  • 10-2014
  • 09-2014
  • 08-2014
  • 07-2014
  • 06-2014
  • 05-2014
  • 04-2014
  • 03-2014
  • 02-2014
  • 01-2014
  • 12-2013
  • 11-2013
  • 10-2013
  • 09-2013
  • 08-2013
  • 07-2013
  • 06-2013
  • 05-2013
  • 04-2013
  • 03-2013
  • 02-2013
  • 01-2013
  • 12-2012
  • 11-2012
  • 10-2012
  • 09-2012
  • 08-2012
  • 07-2012
  • 06-2012
  • 05-2012
  • 04-2012
  • 03-2012
  • 02-2012
  • 01-2012
  • 12-2011
  • 11-2011
  • 10-2011
  • 09-2011
  • 08-2011
  • 07-2011
  • 06-2011
  • 05-2011
  • 04-2011
  • 03-2011
  • 02-2011
  • 01-2011
  • 12-2010
  • 11-2010
  • 10-2010
  • 09-2010
  • 08-2010
  • 07-2010
  • 06-2010
  • 05-2010
  • 04-2010
  • 03-2010
  • 02-2010
  • 01-2010
  • 12-2009
  • 11-2009
  • 10-2009
  • 09-2009
  • 08-2009
  • 07-2009
  • 06-2009
  • 05-2009
  • 04-2009
  • 03-2009
  • 02-2009
  • 01-2009
  • 12-2008
  • 11-2008
  • 10-2008
  • 09-2008
  • 08-2008
  • 07-2008
  • 06-2008
  • 05-2008
  • 04-2008
  • 03-2008
  • 02-2008
  • 01-2008
  • 12-2007
  • 11-2007
  • 10-2007
  • 09-2007
  • 08-2007
  • 07-2007


    Blog tegen de regels? Meld het ons!
    Gratis blog op http://blog.seniorennet.be - SeniorenNet Blogs, eenvoudig, gratis en snel jouw eigen blog!