Ik ben Everaert Albert, en gebruik soms ook wel de schuilnaam Awbeir (Eeklo's voor Albert).
Ik ben een man en woon in Eeklo (België) en mijn beroep is ...bloggen.
Ik ben geboren op 11/02/1948 en ben nu dus 77 jaar jong.
Mijn hobby's zijn: mijn blog, foto's, computer, fietsen...
Dit jaar was de 11 november een herdenking in mineur. Door corona is er een kleine huldiging gebracht zonder publiek. Deze foto is van vorig jaar op 11 november.
- Bènêes, moar ik wille den donderdag nog awtijd mijn kaffeetjen bij Neleken en Pieterjan van de Witte Zwoane goan drink’n.
- Ee Neleken gevroagd vôor te vermoageren dan?
- Ôok niet Lowie, moar ozze wa smallere zijn dan keunek gemakkelijker tussen da moartkroam en de muur kruip’n vôor binnen te geroak’n in de Witte Zwoane…
- Ja jong, wiens gedacht woar dadde? Ne mens zoe wew wegblijv’n van de moart…
- Toch nie, Lowie, want op de moart hôorde en ziede nogaw wadde zille…
- Aw, vertewd op!
- Ewew, binst da’k mij tussen da kroam en de muur van de Witte Zwoane an’t wring’n woarek, zaggek da de scheepninnen Anneken en Isauraatjen noar da kroam van de kèss’n ging’n. ‘k Pejze, doar moe’k ’t fijne van weet’n!
- En? Hèjn ze panties mee zjartels gekocht?
- Nêes Lowie, z’hèn zeejv’n poar gekleurde stoaskes gekocht. Een poar voor Luuksken, den burgemêestere, en zes poar voor de scheepn’s!
- Daddis ôok wew oardig?
- Ge meugt gerust zijn, doarmee hèk awder gevowgd. Ze gingen dermee noar de Poaterskirke en doar stond de reste van ’t schepencolleejze te wacht’n op awdere.
- Spannend hé?
- Joat Lowie, moar ’t wordt nog spannender. Ik zij achter awdere binnen gekroop’n in de Poaterskirke en wa stond er doare? Nen cameraploeg!
- Aw zekere, van AVS?
- Nieje, toch niet. Moar ‘k hôordege awder wew afspreek’n dajnze van iedere scheep’n en van den burgemêestere een apoart fielmken ging’n moak’n, moar ze moest’n doarvôorn wew awder gekleurde stoaskes aandoen…
- Moar Achiel, ’t is gêen woar! Daddis tan gelijk bij die Bekende Vloaming’n dien in awderen blôot’n mee gekleurde stoaskes een fielmken gemoakt hèn vôor op Feejsboek! Den dien’n van ’t Rad van Fortuin, en Sjoon Dont, en Stan van Samang!
- ‘k Pejsdeger ôok sebiet an, Lowie.
- Miljaar ge meugt toch nie gedrôomd hèn dad ons scheep’ncolleejze zukken fielmkes oppakt hé. Akkoord datter nen nieuwen wind is, moar daddister toch owvere hé?
- Gelukkig woarn’t andere fielmkes en al eejv’n gelukkig mee klêer’n an. Moar wèw mee gekleurde stoaskes.
- Wukken fielmkes zijnder tan gemoakt?
- Ewew Lowie, iederêen mocht één zinneken zegg’n, en ’t fielmken begon an awder hôofd moar stoptege an awder voet’n.
- En wukken zinnekes woar’n da tan?
- Ewew Luuksken den burgemêestere zejt: “Gêenen mondmasker an op de Moart, moakt a tan moar uit de voet’n!” En Kriestofken zejt: “Da gezoag over de Zuidmoerstroate, dat hangt mijn voet’n uit!” Windèj hoat ôok een scheuntjen: “Zone 30 in a stroate? Gedoan mee den zwoare voet’n!”
- En wukken zinneken hoa Bobken?
- “Nie content mee den middenbirme? Doar voag’n m’ons voet’n an!”
- Ja, Lowie kweetet, moar ‘k kwamme van de Roete, ‘k sleege de Meuje in en an Patsjellies mochtek nemêer deure.
- Ah ja, daddis mee dienen knip dan ze doar nui in êenen kêer gemoakt hèn.
- Ja jongne, kwamme doar in nen kroezele terechte: Engelendoale, Roashekke, Burggroave, miljaarde dat bleeft duur’n êer da’k an ’t Lejken woare. En tan stondek stille in de Guldenspôorenstroate. ’t Is doarmee da’k wa te loate zijn. Moar da nie allêene.
- Aw Achiel, verteld op. Een nieuw lief?
- Moar bènêen Lowie, een nieuw jobken!
- Een jobken? Gij? Wirkte gij? Daddis inderdoad nieuws!
- Lach moar, ik wirke nui vôor ’t stad!
- Ah da verkloart vele, ge weet toch wew dadde ‘wirk’n’ en ‘’t stad’ nooit in êene zin meugt gebruik’n hé…
- ’t Keun mij nie schiw’n. Luuksken en Kriestofken hèn mij gebewd en gevroagd ozzek nie wa wiwdege komm’n schiwderen.
- Schiwderen? ‘k Wiste nie dadde gij mee nen virfbustele kost wirk’n!
- Lowie, die mann’n schiwderen nemêer mee bustels hee, daddis nui mee spêetmachientjes en mee row’n. Da goa veel zêerdere.
- En wa moeter allemow geschiwderd word’n, Achiel?
- Ewew, de trottoirs en de boane!
- Ah ’t lijntjes dadde gij schiwdert?
- Nêetendoet, zijn dikke gekleurde striep’n mee letters!
- Letters? STOP zekers?
- Nêeje, an de schow’n emme mee veel kleurkes ‘Zone30’ geplakkoasterd! En an de buushawte op de Moart emme ‘peuktegels’ geploatst en geschiwderd!
- Peuktegels? Wa zijn dadde?
- Ewew, da zijn feitelijk grôote sandriejee’s in den trottoir gekapt. Doar meugen de rôokers awder peukskes of stekskes in smijt’n.
- Ze zoen de mensen beter doen stopp’n mee rôok’n!
- Aw moatjen, moar dat doeme ôok zille!
- Ja, hoe dadde?
- Ewew, omme gedoan hoan mee dienen kleurboek van ‘Zone 30’ vroegt den burgemêestere an mij ozzek mee rôoje virwe an iedere schowpôorte ‘Rookvrije zone’ wiwdege schiwderen. Der woas doar nen specioalen rôostere mee letters vôoren gemoakt. Da vaw nogaw op zille azô nen rôojen band!
- En ister an ’t stad azô veel virwe in awder magazijn?
- Joat jongne: fluo, oranje, rôod, veel blèw,… Moar der is êen hoeksken in ’t magazijn woar damme nie meugen ankomm’n.
- Ha ja, en wa stoater doare?
- Daddis Bob zijn hoeksken. Doar stoater verschrikkelijk veel groene virwe, en ôok azô nen letterrôostere gelijk van die ‘Rookvrije zone’. We gingen da rôostere en die groene virwe moet’n gebruiken op den deurtocht. Moar der is nui gevroagd vôor nog een beetjen te wacht’n. ’t Past niet echt langs den deurtocht wat datter op dienen rôostere stoat…
- Ha Achiel, nog awtijd schôone een mondmaskerken an?
- Joak Lowie, ’t sewfs ozzek op café goa
- Hoe goat da tan, os ge wiwt drinken?
- Ewew Achiel, Eddie van Patsjellie van de Bakkerei van de Ramblas hee mij azô nen plastiekenen masker verkocht woarmee dadde keunt eet’n, drink’n, muil’n, ’t sews a tand’n kuis’n os ge da wiwt! En dienen maskere zette kik op ozzek op tramar goa!
- Goe gezien Lowie, ‘k zoe mij ôok wew azô nen maskere goan kôop’n, moar ik goat nie an Eddie vroag’n zille, moar an Nagibatje, dedie goa mij dat ôok we wan d’hand doen pejzek?
- Veel keure Achiel, ’t is nooit tevele gevroagd an heur! En vertew ne kêer: noar woar goade op rejze vandejoare?
- Op rejze? Nuij? Mee aw die coronamiezeere? ‘k Blijvekik schôone thuis!
- Ge ging gij toch wew weg goan mee Irma?
- Joak jongne, mee nen mobielhoom noar Dardennen, moar daddis nui ne mêer nôdig!
- Hoe wiwde zegg’n Achiel?
- Ewew woarvôorn goa nen mens noar Dardennen, Lowie?
- Vôor een Choefken te drink’n? En een stiksken everzwijn teet’n?
- Ôok ja, moar toch vôoraw vôor in de bossen en de struik’n te goan wandelen?
- Ja, daddis woar Achiel, vôor een wandelingsken in ’t groen!
- Ewew Lowie, woarom zoeme doarvôorn nog noar Dardennen goan?
- Om dander doar boss’n en struik’n à volonté zijn!
- Ewew, dedie zijnder nui toch ôok in Eeklô?ess
- Ja, in ’t Lêen zekers? Op die boantjes?
- Nêeje Lowie, os ge een Ardennengevoel van een boswandelinge wiwt, moeje de middenbirme in de Stoassestroate en de Meulestroate ne kêer overstreek’n! Tussen de tingels en ’t onkruid pejsde sebiet da je in La Roche of Oefalieze an ’t wandelen zijt!
- Haha, Achiel, daddis nog ne kêer vakanse in eigen stad!
- Ja, en ’t keu nog betere!
- Hoe wiwde zegg’n?
- Ewew, we moeme nui ôok ne mêer noar de zêe! Rotjen schuiv’n op ’t strand en aw!
- Ah ja, mee dienen hôop zand dan ze nui weere op de Moart gesmeet’n hèn? Eeklô Bietsj!
- Ôok ja, Lowie, moar ’t keunt nog veel betere!
- Da goa je mij toch ne kêer moeten uitlegg’n zille!
- Ewew, ik hè mij pesseede weeke mee Irma in de greppe gezet!
- In de greppe vanzeleejvne!
- Ja jongne, ik hoa mijn spannend zwembroeksken an gedoan, Irma heuren biekienie, die hier en doare wew een moatjen mêer hoa keunen verdroag’n, moar ’t is vakanse hé.
- Hè gawder azô in de greppe gezeet’n?
- Ja be joam, en w’hemme ons ingesmeird van top toe têen vôor zeker nie te verbrand’n. We hoame een friegoboxken mee sandwieskes en een fris pintjen mee, we woarme nogaw gezet zille!
- Moar woarom zatte gawder azô in de greppe?
- Ewew Lowie, da woart omda Bobken da gevroagd hoat!
- Bobken, wukken Bobken? Toch dienen groen’n nie, zekere?
- Toch wew, Lowie, Bobken hé gezejd damme in de greppe an de riolle moet’n zitten. Bovenandien, ge kostet leejz’n os ge doar zat!
- Ja, wa stond er doare?
- Ewew, mee grôote letters stond er an de riolle: ‘Hier begint de zee’!
- Ha Achiel, ‘k moeste ne kêer goe kijk’n, want ‘k zoe a nie herkend hèn mee dienen mondmasker op a totte
- Ja Lowie, zwijgt er mij van! ‘k Zwêete mij stêendôod mee dienen dingere an.
- Daddis zjuust, moar ’t moet hé, vôor da KOVIETbeestjen!
- Natuurlijk Lowie, moar de maskers hèn toch veel verschiw zille. Dedie van Club Brugge bijvoorbeeld, zijn hôw goed, ze spann’n niet an d’ôorn, ze dekk’n alles toe en aw de mens’n kijk’n vriendelijk noar a.
- ‘k Zoet wew gelôov’n dan ze vriendelijk kijken os mee azô een spew van Brugge anlôopt. ‘k Pejze dan ze kompasse hèn!
- Toch nie Lowie, daddis mee die mauvene van den Anderlecht, tan hèn ze leute!
- Ik lôope mee dedie van ’t stad an. Ge weet wew, dedie die gekocht zijn dôor den Eeklôoschen Donawd Muille?
- Den Eeklôoschen Donawd Muille, wien is dadde?
- Ewew, Stêenbeke van de keukens vanop den Teut!
- Ha, Kanon zijne zeune?
- Zjuust Achiel! Moar ik hôore dan der verschillende soort’n geleejverd zijn!
- Hoe wiwde zegg’n Lowie? Nen mondmaskere is toch nen mondmaskere?
- Toch niet Achiel. ’t Schijnt dan die mondsmaskers vôor Niekolleken Demuntere twie kêern zo dikke zijn of d’andere!
- Ja, woarom is dadde?
- Ewew, vôor ’t lawèt os ze were ne kêer in de lach schiet! En dedie van Isauratjen zijn tsewfs mee nen extra fieltere!
- Is dadde omdat een groene is?
- Nieje Achiel, da woart vôor os de wirk’n an den Herbakkere zoen beginn’n da ze niet teveel gruis zoen binnenkrijg’n.
- Ja, moar tan goa ze nog lange mee dienen masker meug’n lôop’n pejzek… Zeg, hèn ze vôor Loetsjen ôok nen specioale maskere?
- Dendienen wiw gêene van ’t stad andoen, hij lôopt godgansche doag’n mee êenen van de Gantoise rond!
- Van de Gantoise vanzeleejvne? Ist hij zô zêere achteruit an ’t goan?
- Baneej, moar hij moet, van zijnen nieuwen boas: den VeeDeeKaa!
- Daddis wat anders, vôor ne kêer dat hij luistert…
- Moar weete gij wie dat de slimsten van gôw ’t stad is, Achiel?
- Joak Lowie, da zaw Mejken zijn, de stadssecretair!
- Nêeje Achiel, de slimsten van gôw den hôop is Kriestofken De Woale!
- Da mêende nie! Hoe komde doarop?
- Hij wist tsews aw joar’n damme mondmaskers gingen moet’n droag’n!
- Joaj zekere? Hoe weete gij dadde?
- Omdat hij aw joar’n mee zijnen briw op zijn hôofd lôopt, tan bedamp’n zijn ruit’n niet!
Rara beste mensen zie een groepje van Eeklose natuurtalenten waar we ooit zeer veel plezier aan beleefden!! Ken je ze nog? De meesten van dit groepje zijn ooit geridderd in onze Herbakkersorde voor hun verdienste!
Van links naar rechts zijn dit acteurs: Gaston Coppenholle, Karel Corné, Yvonne Van Acker
Vierde persoon is dirigent van de Welgezinden Gilbert Verstraete.
Vandaag starten we met een nieuwe reeks. Dit zijn verhalen geschreven door stadsgids van Eeklo en gids van het Meetjesland Jan Martens. Alles verloopt in samenwerking met de Eeklose KVVV erfgoedvereniging. www.eeklo.be/kvvv
Het gaat meestal over vroegere bekende Eeklonaars die elk op hun manier fier waren Eeklonaar te zijn . Men zal zien dat naar mate de tijd verder gaat Jan zijn verhalen uitgebreider zullen worden. Het is een groeiproces en dit is dan de eerste van de reeks.
Wie herkend dit? Wel, dit is de huidige Rabautstraat maar die toen in 1954 nog de Rabautswegel noemde. Hier staat nu bakker Lanckriet zijn bakkerij. We zien ook dat de nieuwbouw aan het beginnen is.
Het nieuwe 'pompstation', zoals een benzinepomp genoemd werd vroeger, opende in 1961 de deuren langs de Gentsesteenweg. Dit was toen een hypermoderne benzinepomp want vroeger stonden de 'naftepompen' gewoon op het voetpad. Het is hier nu nog steeds een tankstation.
Het tankstation kwam juist naast de ingang van de Eeklose voetbalclub KFC Eeklo. Dus de haag ging weg en daar werd het nieuwe gebouw gezet.
- Ha Achiel nen loaten zoaligen hôogdag hé moatjen!
- Merci Lowie, vantsewfste. Een beetjen gevierd?
- Oh, ’t woar kalme thuis. Een platjen van Ronnies binnengespeeld en tans nen gôolen oavend noar komedie op teevee gekeek’n.
- Woarter komedie op teevee op Kèsoavend? Normoaw is da toch van de Sound of Mjoesiek mee aw die kientjes en da nonneken?
- Joamoar Lowie, ik hoa nog wat dingen die’k opgepakt hoan en woar da’k tôope mee mijn wijveken noar gekeek’n hèn. En leute damme ghad hèn!
- Ja, wa woaret toch?
- Ik hoa nog wa èwe afleejvering’n van de gemêenteroad, van de laaifstrieming gelijk dan ze da noemdegen. Spijtig damme da nui nemêer te zien krijg’n.
- Ha moar tan èk goe nieuws Achiel!
- Ja wadde?
- Ewew ik hè ghôord dan dedie van ’t schepencolleejze en de gemêenteroad tôope een kerstspew goan opvoer’n! En ik weete tsews wien da wie goa speel’n!
- Nui moakte mij nieuwsgierig Lowie!
- Jozef wordt gespeeld deur burgemêestere Luc en omdat een modeirn kerstspew is, droagt hij gêene lange mantele, moar een wit vestjen mee korte mewkes. Maria daddis Isauratjen en z’is een beetjen over tijd. Moar z’is da geweune van mee den weirk’n an den Herbakkere hé.
- Daddis zjuust.
- Den herdere, daddis Bobken, die gôole doag’n in ’t gès noar zijn schoapkes zit te kijk’n. Hij hoa nog nen hulpherdere, Màtyàs, moar den dienen is noar nen anderen staw gelôop’n.
- Aw zekere!
- En dan zijnder de keuning’n mee kado’s. Keuning Marc hee gewd mee, nie vele moar toch genoeg om die kleinen van de zomere in ’t zand te keunen loaten speel’n. Keuning Kriestofken hee wierôok mee, moar draogt gêen kreuntjen moar zijnen briw op zijn hôofd. En keuning Dannie droagt nen rozen training en hee wa mee van Albert Heijn.
- En wien ister ’t kientjen?
- Awew, da woar nie simpele, moar ’t is de kleinste van den hôop geword’n: Anneken Van Den Driessche meug een pamperken andoen en op ’t strôot goan ligg’n.
- Aw da vowk, kost’n dedie allemoaw binn’n in den herberg?
- Jabejoas. Den boas hoat een poar moand’n tevôorn zijn prijzen opgesleeg’n, en doarom kwamter wa minder vowk. Gelukkig moar, want ’t kindeken kreeg aw rap bezoek!
- Ja van wiene?
- Een bende herders van an den owverkant kwam’n Jozef en Maria geluk wensen en ze brochten ôok kado’s mee. Herder Hilde hoa een rolle tuinafvawzakk’n mee. Herder Koentjen een bladkorve en reuzenherder Gertjan een bon vôor nen ballonvlucht.
- Da zijn schôone kado’s. Doar woarn ze toch wew blij mee?
- ‘k Weetet nie Achiel, want plots begostet vrêed te woaien! Alles wier weggebloajz’n!
(Foto Jörgen Lammens, eens iets anders dan vliegtuigen spotten)
Op 13/10/19 ben ik dan ridder in de orde van de Eeclooschen Herbacker geslagen.
Iets waar ik heel fier op ben en mij zeer vereerd bij voel.
Langs deze weg wil ik toch ook enkele mensen bedanken zonder wie dit niet zou gelukt zijn.
- Eerst en vooral de mensen van de V.V.V. die unaniem voor mij stemden.
- Marc Van Hulle die een grote steun was en er ook voor zorgde dat ik op de perslijst kwam te staan.
Ook de mannen van de pers en dan vooral Joeri Seymortier, Michel Wijne en Michel Moens die mij
in hun wereld toelieten en mij hielpen bij hoe dit allemaal werkt.
- Alle mensen die mij foto's en andere artikels doorsturen. Onze Jörgen Lammens. Ook Julien Van De Genachte
en Jean Van Hoegaerden die een hele verzameling foto's van Eeklo hebben. Ook van Willy Roesbeke en Nico Vernaet krijg ik regelmatig foto's, maar ook nog van andere mensen die soms wel iets doorsturen waarvoor dank.
De laatste tijd beginnen ook verenigingen en mensen die iets organiseren hun evenementen door te sturen.
- Met Stijn Spanhove bedank ik de man die ervoor zorgt dat www.awbeir.com kan rondzweven in
de internetruimte en ik de naam kan gebruiken waar ik van droomde.
- Van onze Eeklose archivaris Freddy Pille mocht ik oude foto's uit het archief gebruiken.
- Ook wil ik mijn vrouwtje bedanken die mij dagelijks toch enkele uurtjes 'kwijt' is.
Hierbij wil ik toch ook benadrukken dat ik waarschijnlijk wel een paar namen vergeten ben. Dat is altijd het gevaar van namen te noemen, maar ook deze mensen ben ik heel dankbaar.
- Toch niet, ’t is nen schôone vélo, goed onderhèwen en vôor een zocht prijsken!
- Allez, ge moe gij nie schôone zijn vôor sjanse thèn hé?
- Jaja, Lowie, lach moar. Ge zijt gij tsjaloes!
- Joakendoen, hoe zoe kik tsjaloes moet’n zijn op iemand die nen vélo kôopt? ’t Is leen van mijn plechtige kommuune da’k nog ne kêer op azô wadde gezeet’n hèn.
- Ge zoe beter een beetsje mêer mee den vélo goan rijen, da zoet a deugd doen.
- Awawaw, Achiel, nie beginn’n gelijk Bobken hé? Ge goa mij niet verplicht’n vôor op nen vélo te kruip’n zille, ôok aw schiwderen ze vélopatt’n van drij meeters brêed.
- ’t Is in alle gevaw goed vôor de kondiesse!
- De kondiesse mijn ôore. Moar vertew ne kêer: dendienen van wie dadde dienen vélo in okkoajze gekocht hèt, moet dendienen nie an zijn kondiesse pejz’n?
- Neej, hij hee gênen vélo nemêer nôdig.
- Aw, hij is toch nie ziek of wadde?
- Neej, moar hij rijdt nui mee iets anders!
- Mee nen otto? Of mee nen brommere?
- Nieje, mee een peird!
- Mee een peird, vanzeleejvne. Da goa Bobken geiren hôorn! Dat is goed vôor de CO-twie. En os da peird ôok nog ne kêer schijt in de Stoassestroate, keuter hij de middenbirme mee bemest’n…
- Lach moar, ’t is pertan nie vôor te lachen, dienen mens mee zijn peird!
- Ha nêeje, wa schiwt er wew mee? Kennek hem toch?
- Joag, ’t is Awbeir, de portrettentrekkere!
- Awbeir? Woarom rijdt dienen vent nui mee een peird? Moet hij van Daniëlla toch?
- Ja Achiel, ge stoat er zomers op! Een zwemshortjen, zwemvliez’n, nen duikbriw, een schupken en een êemerken,… woar goade noartoe toch? Noar Katzand? Of noar De Groe?
- Nêeje Lowie, ik komme van ’t Herbakkersplèn en ik goa noar de Moart!
- Wa woart er te doen op ’t Herbakkersplèn toch?
- Ewew, Eeklô Zingt!
- Eeklô Zinkt? Onder woatere?
- Nêen, nie zinken moar zingen, wiepedaai!
- Ha, daddis wat anders!
- Ja, en Luuksken, onzen burgemêestere, keunt nogaw goe zing’n zille! Tôope mee Isauratjen, die groene schepeninne. Ze stond’n doar tôope op ’t podium van awder ôore te moak’n!
- Allez, ’t woar gelijk Niekow en Uugo?
- ’t is te zegg’n, gezien het leeftijdsverschiw êerder een beetjen Eriek en Sanne… Moar nui goak noar den Moart!
- Noar de Moart, mee die klêern an?
- Ja, noar Eeklô-Bietsj!
- Eeklô-Bietsj? Waddisdadde?
- Ewew Lowie, aw da zand dan ze van den middenbeirme geschept hèn, goan ze nui op de Moart smijt’n en vandezomere meugen we doarin lôop’n en speel’n!
- Een strand op de Moart?
- Juust Lowie, moar als goeie Vloaming’n zegg’n me dadde in ’t Engels: Eeklô-Bietsj.
- We goame dus nemêer keun’n parkeern op de Moart?
- Nêem, drij week’n niet!
- Ja en wa zegg’n de caféboajz’n doarvan, Achiel?
- Ewew, dedie zijn doar content mee, schijnet. Ze hoop’n dan ze gelijk an de zêe ôok volle terraskes goan hèn.
- Allez, de zêe in Eeklô! Wa goame nog allemoale beleejv’n!
- Ja jongne, ’t schijnt datter nen nieuwe wind in Eeklô woait, moar ’t is thoop’n dat da nie binst Eeklô Bietsj is, want tan goat nogaw stuiv’n…
- Moar nui wordt er mij vele duidelijk, Achiel!
- Oe wiwde zegg’n Lowie?
- Ewew, Niekolleken De Muntere is gestopt als vôorzittere van den Eekonomieschen Road hé?
- Joas, da kind hoa veel te vele an heur hôofd hang’n.
- En weete wien datter heuren opvowger geword’n is?
- Nêenek Lowie.
- Ewew, Thierry Smet
- Smet? Van de begroaving’n?
- Ja dendienen!
- Oei, goat zô slecht mee onze ondernemers datter nen korbillard moet’n vôorne rijen?
- Bènêet Achiel, moar der is wew een andere reed’n woarvôorn dajnze Smetjen den begroavenisondernemere gepakt hèn!
- Ja Lowie, zeg nekêer
- Ewew, mee aw da zand op de Moart moest’n ze êen hèn die goed mee een schuppe keunt wirk’n.
Ik ben Everaert Albert, en gebruik soms ook wel de schuilnaam Awbeir (Eeklo's voor Albert).
