|
Alléi verouit t zit er téige bè de sosjaliste! De nieve schéipene vâ sport die-j-uëk nog een ander dzjopken éit wordâ ze goed éirem botram mè verdintj éid e surpluske gekréige van azuë-j-n vaivenvaiftegduzent euraukes per joër
Wie zouë doër nâ ni kontèntj mè zain?
Nâ zain dr vanèigest mènsje die dâ goe kènne verdroëge, mor dr zain dr uëk die dâ ni kènne verdroëge
Op den tèllevies liete ze zien dâd omtrènt dâ geval nem brief gekomme was van uëgerant
Die manne van TV-Uëst die moeste vanèigest de schéipene dr auver spréike nowô. Nâ zat dâ schoëp toch wel zjust in Uëstenraik op skivakanse zéiker
Ne mènsj moet iet doen mè zan sènge nowô!xml:namespace prefix = o ns = "urn:schemas-microsoft-com:office:office" />
De schéipene in kwèste kost mè gil die sirk ni lache, ze vont dâ dâ privéi was en dâ dr nimmant gin affèire mè-j-ouë! Ze waster uëk vast van overtouigt dâ dn iënen of dn andere (van éir èigeste partèi tèn nog) diëm brief déirgespèltj ouë on die manne van den tèllevies vèr éir een loer te drouë!
Alléi t komt er op néir dâ ze makandere de péjen on t opschèppe zain vèr ewwâ sènge. Vanèigest mè-j-azuë-j-e sommeke kèndal nikker op rais goën nowô!
De blaa diften as iënegste d'r iet auver zègge, aloewel dâ ze volgest mèi de verkiërde waurtvoerder gepakt èmme... 'k Em den tait nog gewéite dâ dâ mènsj uëk drèi dzjopkes déi...
Sèrrewaurdeg kènne de mènsje toch waineg vâ makandere verdroëge zènne! Ik èmmet attait al gezèit
Polletik is em vieze biëst!
|
