Ze zain t ier on t arranzjéire mè de naft en de mazoet! k Em van de wéik manne vellau van de zolder goiltj! Mannen ottau stoëd i man garaasj. t Is nimmer te betoële. Alle doëge sloëge zop! Ge kènd achteriën vèr de naft en de mazoet gon wèirke!xml:namespace prefix = o ns = "urn:schemas-microsoft-com:office:office" />
Vanèigest manne vellau dâ was uëk t zèlde ni zènne. k Was dr iëst zelf begost vèr èm t arranzjéire, mor ik ben waiselaik nor de vellaumoëker gegoën. k Ouë-j-al isj mè mam puëte tisse die kéitingk gezéite en manne plastrong was dor uëk al isj tissegedrouit dâk bekan opgange was! Een sjansj dâ de die vâ mei dâ wèrral ammel ni gezien éit. Ik èm éir waisgemokt datten in zuë ne slechte stoët was dât gin avans was vèr dr zelf iet on te doen en dât alliën wèirek was vèr ne stielman!
Dâ vellauke éid al ewwâ daardom uëk zènne, en â stoëd al derteg joër op manne zolder, ge kèn gon pèize nowô! k Bloësdege dr em bitsje stof af en k kost diëste vaif menniete gin stéik véir man uëge zien!
Azzek èm nor de vellaumoëker déi vroeg die mènsj of dâk man auvergruëtvoëder zanne vellau gevonnen ouë, mor dor kostek nâ ni méi lache. Die vellau is mâ gerief en dorméi gedoën! En datter è gin zoëke mè-j-éit va wie dâ die vellau-j-is!
|