|
Mènsje lief, zèmme t schuë wéir vèr éir èige gave van de joër zènne
De konzjéimojnde woëre van dem balange ni vèr nor ouis auver te schraive
En tèn zegge zop den téivéi dâ me normoël wéir gat èmme
As de mènsje moeste gon wèireke en de kinnjere nort schaul moeste, tèn wast achteriën tfiërteg groëde en ge wist ni wor krouipe
Mor allâ ik mag toch ni kloëge. k Em azuë wâ vanalles néigemokt en k ben nor ewwâ vanalles gon kaike.
Zi, en aster nä iet is dâ'k gèire zien en uër, tèn is't e schots mezzik. Man vraa zegd' attait: "Gèi zied' alles gèire, as't mor ne rok oënéit!". Mor iërlaik gezèit en gezwéige, dâ mezzik van die doedelzakke is't lifste dâ'k uër. "Ameezing grees", "Schotland de breef", en noem mor op, ik uëre't ammel om te liever. Ik pèis dâ ge wel ne goejen oësem moet èmme vèr op azuë e spel te bloëze. Ik pèis dâ'k ik allènsj dië zak van dad' extrement ni zouë vol kraige, 'k zouë réidelaik rap op mannen oësem trappe! En tèn die trommelèirs datter bèizain, dâ vinne'k uëk formedoëbel. Die manne kènne d'r uëk wâ van zènne
, en ammel zuë schuën gelaik. Ik kan nâ uëk wel em bitsje trommele, mor azze'k de die béizeg zien tèn zouë'k man stokke in stikke vaniën bréike vâ naidegait.xml:namespace prefix = o ns = "urn:schemas-microsoft-com:office:office" />
Vantait druëme'k er 's nachs van, dâ'k uëk in azuë e mezzik spéil en tèn schiete'k in iëne kiër wakker van 't verschiete omdâ'k mè d'r tèn zien mè ne karrau rok oënluëpe! Daddis faitelaik d' iënegste réide worrom dâ'k man oënvroëg ni toen vèr in e schots mezzik te spéile
Ik èm van dem balange gië postier vèr ne rok te droëge en man biëne zain uëk ni van 't goe modèl.
Auverlèst ouë'k vâ man èrt ne stiën gemokt en 'k was nor 't stat getrokke, nor de mezzikschaul. 'k Was vâ gedacht vèr e poër inlichtinge te vroëge, kwèste vèr mâ te loëten inschraive. 'k Moest rèzzekes wachte want den dèrrektuir was ekzoëmes on 't afpakke. Al mè ne kiër kwamp dië mènsj d'r tèn toch déir en 'k moest in zannem berrau komme. Ik vroëg of dâ'k mâ ni kost loëten opschraive vèr in de mointj september lèsse te volge vèr doedelzak te liëre spéile, mor â zèi dâ ge dad'ier ni kost volge
Manne wèirelt stèrtegen iniën! En 'k zien't nâ wel ni zitte vèr alle wéike nor Schotland nor de mezzikschaul te goën zènne!
Pier van Tatjes.
|
