E
“Krieën ik ook nog medu noet kariot van u noto! E giedur?”
In tkafee ‘Du flowu pluzantn’, lanks du Kabaretstroatu in Westendu, zit Sjoarul u ‘Leffu bloent’ tu drienkn. Nu kiekt regtu vooör em no zu glas mo nu zieët ut eiguntlik nie. Nu sjhut reegulmoatug zu kop wegeweeru. Du kafeeboas ‘dun Tjinu’ wit datnem nu mo best grust lat.
Du deuru gotoopn e zu moat Jif, ginu van du slimstu, komt al oeëstn bin.
Jif: ewel, Sjoarul, wa sjhilt ur, kamuroat? Goat ut nie?
Sjoarul: og vint, zwieg zeeëru, ken u naksiedent get en kzien in fowtu. Ken moeëtn bloazn e twastur boovn! Nie veelu wi, zeit du zjandarmu, eu… pliesju, mo tog strafboar!
Jif: ja, zu zien do string up, ee. Ju mag mo 5% alkol i ju bloeët en, wi!
Sjoarul: 0,5 promielu, Jif, dadis taantal gramn alkol pur lietur bloeët.
Jif: E nej utwa? E ju veelu sjhaa a ju noto?
Sjoarul: U bitju zeeër a mu noarmus en a mu sjhoeërn, mo mu noto is pirttotal. Tis wel u noet kariot, ee, veeërtieën joar. In okoazju gukogt, mo na nog mor oendurt duust kielomeeturs.
Jif: E ja nog mo juustu no du kaarwasj guwist! Goj nu u niewn koopn? Wufurn?
Sjoarul: Mo Jif tog! Niet du zot oedn mem ee! Kweetnt nog nie! U sportwaagn got alusiïns nie zien.
Op da moment komdundur moat Juul bin en dun dieën is zot van otoos.
Jif: Ne, wieën da mu doar en! Zeg gie u ki wafur noto da Sjoarul moe koopn.
Juul: Worom kop ju gin tesla?
Jif: u wadu?
Juul: das zoon oto met du nilutriek. Dadet nogal u bitju vooördeeëln, wi!
Sjoarul: ja, wufur alumalu te?
Juul: ju butaalt mindur of gin bulastiengn, ju krieg suubsiedies, toenduroet is goekoopr en nu vurbruukt mindur.
Ju kut doa vieëroendurt kieloomeeturs mee rieën zoendur bie tu tankn e jetur meeër platsin, ook.
En, Sjoarul, lik of daj gie u groeënu joengn ziet: nis veelu proopurdur daju noedu noto.
En witju wadook? Ju kut doamee noga sjetu geevn, wi!. In 5,6 sukondn zit ju anoendurt pur euru!
En du leeëgstu sooörtu van du tesla, model S, kost mo vuuvuntjeevuntug duust euro. Mo ja, dadis ook u sjieku futeuru, ee?
Sjoarul: Ziej zot joaju, Juul? E mu zien nie mi joenk wi! E ju meug tog nowurs mi zeeëru rieën Vroegur dostunk nog u kirup zu steërt duwn, mo nu rieënk noois mi lik du zotn, kzien dovoarn toet.
En goekoop int vurbruuk? Gloovu gie dadu? Tsjhient datu nilutriek weeru got upsloan!
Juul: ja mo, ju kudut alutweeë ee, rieën up ilutriek of rieën up naftu.
Wata jook kut doeën, ojt guluk et van nog u naantal joarn tu leevn, is u noto die zeëvu riet koopn. In tjoar twientug of zeëfs u bitju vroegur goan zup du mart komn … en teegn u butaalboaru pries, ee!
Sjoarul: nie zeeëvurn ee Juul! Gie ziedu goejn! Oj gie peist dangkik oendurtusjhun oovral me mu vieloo noartoe goan rieën?
Jif: be ja, das u goe gudagt want ju go nie trekn van du vurzeekriengu e ju go nog u boeëtu kriegn, da goju u noop gelt kostn.
E mu weetn alumalu dat u noto nie goekoop is ee!
Juul: Das juustu, an u noto ziendur stief veelu kostn! Pijs mor u kir an du keuriengu, ant vurbruuk, butaaln voe tu parkeern, toenduroet, dersteliengn, du rietaks, vurzeekriengu en u noop aksiswaarn lik u geepeejis, …
E nu en ton u kir u purses!
Jif: Zeg Juul, go zu wuuf, die nie ku rieën, ton aleeënu du komisjus kun doeën met die noto??
Juul: mobe niïns, Jif! Ju moe vorloopug zeëfs nog me tweeën in du waagn zitn, wovan eeën agtur tstieër. Ot ur utwa vurkeirt goat met dun iliktroonieka, moet ur tog utwieën iïngriepn, ee.
Jif: mo voe du restu go ju nieëtn mi moeëtn doeën?
Juul: vandujoaru got nal up eeën rievak kun rieën up dotostraadu of in du fielu. In 2018 got nal van rievak kun wisuln en vanof 2020 got nook kruuspuntn kun oovursteekn.
Jif: Tis tog straf ee? Woa got uuzu weërult tog nortoe?
Een woordje uitleg
Ik heb in de facebookgroep ‘Je bent van Westende als…’ al drie keer een tiental Westendse woorden gelanceerd uit mijn ontwerp van ‘Westends woordenboek’ van zo’n 130 bladzijden.
Daarop kwamen enkele reacties, ook negatieve. Vooral het schrijven van de doffe e als u schijnt een twistpunt te zijn. Ik schrijf namelijk zoals je het uitspreekt.
Ik stelde immers vast dat er bij gebruik van ons dialect in facebookberichten nogal wat verschillen waren.
Ik nam me dus voor een poging te doen om die verschillen wat uit te vlakken.
Ik beweer daarmee dus niet dat ‘mijn’ Westends het enige juiste is.
Voor diegene die moeilijkheden hebben bij het uitspreken: lees de tekst minstens één keer luidop.
En mijn vraag aan jullie: we laten het West-Vlaams/Westends toch niet uitsterven, hé, zoals de UNESCO beweert?
Ziehier enkele vertalingen van woorden uit mijn tekst, die ook bedoeld zijn om mijn schrijfwijze te verduidelijken:
agtur tstieër: achter het stuur (ch uitgesproken als g + gerekte ie)
aksiswaarn: accessoires (toebehoren)
allussiïns alleszins (gerekte i)
bloent: blond
butaalboaru: betaalbare
daddis: dat is
dostunk: durfde ik
dovoarn: daarvoor
e nej utwa?: en heb je iets?
fowtu (in): in fout
gieddur: jullie
illutriek: elektriciteit
komdundur: komt hun
kuddut: kunt het
lanks: langs
mobbe niïns: maar neen zij
naksiedent (u): een ongeval
nieëtn: niets
oeëstn: hoesten
oendurtusjhun: ondertussen
pluzantn: plezante
purses: proces-verbaal
sjhoeërn: schouders
sjhut (nu): hij schudt
toet: te oud
vandujoaru: dit jaar
vuuvuntjeevuntug duust: vijf en zeventig duizend
weërult: wereld (gerekte e + d uitgesproken als t)
zeëfs: zelfs
zeir: pijn
zeivurn: zeveren (afkapping werkwoord met wegvallen eind-u)
|
