Op de eerste plaats: een heel Gelukkig 2013 !!! Hier mijn Nieuwjaarsbrief in het Lanklaars dialect en... in het Algemeen Nederlands lees je hem morgen, in 2013 ... in de volgende bijdrage : veel lees- en ontcijfergenot !!!
NOUWJAOR
Nouwjaor is
ins omkie:ke nao vreuger
Nao den tie:d
dat alles hie:l anges waas!
Douw kosj te
nog kèje op de straot,
De kènjer
leepe met struu in de klompe
Of hauwen
een valdeur achter in hun brook.
Den eine
wouw den angere nog helpe
Men maakte
tie:d om te saajele mètein
Euver van
alles
en niks
Douw kosj
men saoves nog op de stoep zitte
Eeder veur
zien eige deur!
En kalle
mètein , en get roope
Terweij:l de
kénjer spèèlden op de straot.
Douw kosj
men nog loestere nao bompa
Dèè in een
dik book get geleeze hauw
Euver
Amerika of Indianen
Dèè pakte
diech mèt, op een groe:te slèj
Euver snie:
en ie:s , tot aan de Noordpool
Of hé
vertèlde euver neegers en lie:we
Waat kosjte
wer loestere, midden in de keu:ke
Gezeete op
ooze boojem , op e kösse op de gro:nd
Nouw is er
den tiliviezie mèt al zien feuilletons
Woevan men
niks meint te mooge misse
Zwie:g ,
laot miech kie:ke en loe:stère
De lie:leke
toe:re van Zjie Aar oe:t Dallas
Vungt men
feiner es de Witte van Zichem, es Puk en Muk,
Of es de
beu:k van Timmermans of Conscience
Mèt Nouwjaor
kie:k iech ins trök nao vreuger
Mè dan kie:k
iech auch nao nouw! En
Dan wèèr iech
soms bang as iech denk aan mörge
Waat stui:t
oos nog te wachte, as iech allein mèr kie:k
Nao rakètte
, kompjoe:ters, aksidente, miljeurampe
Dènger woe
men vreuger de wö:rd neet veur hauw!
Wieveu:l
leuj bi:j oos of wuut van oos aaf
Höbben et kauwd
of vènge gei werrek
Of gaon
doe:t van den onger , jo:nk of auwd
En angere
wei:te neet wi:j rie:k dat ze zie:n
Dan
maak
iech miech zörreg en
dènk iech
aan de kènjer
en kleinkènjer
En toch
blie:f iech geluive
Dat de
wèèreld nog kansen hèèt!
Es men bli:j
is wenie: einen angere gèt goods duit
En es men
hulpt woe gesukkeld wuurt
Es men weer
tie:d maakt om te kalle mètein
Om te
loe:stère, om de han inein te slaon,
Es de minse mèr wille hauwe vanein.xml:namespace prefix = o ns = "urn:schemas-microsoft-com:office:office" />
Want dan
meint men het ech
En moag men
zègge tegenein
Gelökkig
Nouwjaor!!!
Frans MEDAER
|